منتدى برحليون للزجل أللبناني
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» كفر وايمان درب الصليب
 هيفا العنداري وبحر الزجل  وفادي فياض خشب وقصب مشكل وحساب Emptyالأحد مارس 03, 2024 1:19 pm من طرف سليمان

» بشير فغاضل وبحر الزجل
 هيفا العنداري وبحر الزجل  وفادي فياض خشب وقصب مشكل وحساب Emptyالأحد مارس 03, 2024 11:46 am من طرف سليمان

» اياد احوش وبحر الزجل
 هيفا العنداري وبحر الزجل  وفادي فياض خشب وقصب مشكل وحساب Emptyالخميس فبراير 29, 2024 10:09 am من طرف سليمان

» اعلان جوقة النهصه عدنان سعيد وبحر الزجل
 هيفا العنداري وبحر الزجل  وفادي فياض خشب وقصب مشكل وحساب Emptyالإثنين فبراير 26, 2024 9:58 am من طرف سليمان

» مصاحة الحج بدر وعدنان سعيد
 هيفا العنداري وبحر الزجل  وفادي فياض خشب وقصب مشكل وحساب Emptyالأربعاء فبراير 14, 2024 10:01 am من طرف سليمان

» صيام مبارك
 هيفا العنداري وبحر الزجل  وفادي فياض خشب وقصب مشكل وحساب Emptyالإثنين فبراير 12, 2024 11:34 am من طرف سليمان

» ركراهن خالد
 هيفا العنداري وبحر الزجل  وفادي فياض خشب وقصب مشكل وحساب Emptyالإثنين فبراير 12, 2024 10:56 am من طرف سليمان

» تحديات مغ غسان شديد
 هيفا العنداري وبحر الزجل  وفادي فياض خشب وقصب مشكل وحساب Emptyالسبت فبراير 10, 2024 6:11 pm من طرف سليمان

» طوني بو شموني وبحر الزجل قديس وشيطان
 هيفا العنداري وبحر الزجل  وفادي فياض خشب وقصب مشكل وحساب Emptyالأربعاء فبراير 07, 2024 11:02 am من طرف سليمان

» حبس واناني
 هيفا العنداري وبحر الزجل  وفادي فياض خشب وقصب مشكل وحساب Emptyالأحد فبراير 04, 2024 1:17 pm من طرف سليمان

» جوقه فادي فياض الجديده
 هيفا العنداري وبحر الزجل  وفادي فياض خشب وقصب مشكل وحساب Emptyالخميس فبراير 01, 2024 10:04 am من طرف سليمان

» بلا عنوان ورق حرطوش
 هيفا العنداري وبحر الزجل  وفادي فياض خشب وقصب مشكل وحساب Emptyالثلاثاء يناير 30, 2024 12:54 pm من طرف سليمان

» رمزيات
 هيفا العنداري وبحر الزجل  وفادي فياض خشب وقصب مشكل وحساب Emptyالثلاثاء يناير 30, 2024 10:40 am من طرف سليمان

» اول ما طاحون الحكي
 هيفا العنداري وبحر الزجل  وفادي فياض خشب وقصب مشكل وحساب Emptyالإثنين يناير 29, 2024 5:39 pm من طرف سليمان

» غزل تطنيش
 هيفا العنداري وبحر الزجل  وفادي فياض خشب وقصب مشكل وحساب Emptyالجمعة يناير 26, 2024 5:41 pm من طرف سليمان

» فوايد التدخين
 هيفا العنداري وبحر الزجل  وفادي فياض خشب وقصب مشكل وحساب Emptyالجمعة يناير 26, 2024 5:39 pm من طرف سليمان

» بدي عيش ولادي
 هيفا العنداري وبحر الزجل  وفادي فياض خشب وقصب مشكل وحساب Emptyالجمعة يناير 26, 2024 5:39 pm من طرف سليمان

» بدي عيش ولادي
 هيفا العنداري وبحر الزجل  وفادي فياض خشب وقصب مشكل وحساب Emptyالجمعة يناير 26, 2024 5:38 pm من طرف سليمان

» صارروخ موجه الخوابي
 هيفا العنداري وبحر الزجل  وفادي فياض خشب وقصب مشكل وحساب Emptyالثلاثاء يناير 23, 2024 5:23 pm من طرف سليمان

» مصلحجيه
 هيفا العنداري وبحر الزجل  وفادي فياض خشب وقصب مشكل وحساب Emptyالخميس يناير 11, 2024 12:13 pm من طرف سليمان

» اول السنه شغل قررت كب مصايبي
 هيفا العنداري وبحر الزجل  وفادي فياض خشب وقصب مشكل وحساب Emptyالإثنين يناير 08, 2024 6:19 pm من طرف سليمان

» الحقيقه بتجرح الشاعر اذا بيعيش ع القمه
 هيفا العنداري وبحر الزجل  وفادي فياض خشب وقصب مشكل وحساب Emptyالثلاثاء ديسمبر 26, 2023 6:28 pm من طرف سليمان

» غيره شعريه خماسيت مقلوبه
 هيفا العنداري وبحر الزجل  وفادي فياض خشب وقصب مشكل وحساب Emptyالأحد نوفمبر 26, 2023 12:03 pm من طرف سليمان

» كفر او ايمان
 هيفا العنداري وبحر الزجل  وفادي فياض خشب وقصب مشكل وحساب Emptyالإثنين نوفمبر 20, 2023 1:00 pm من طرف سليمان

» فقشات بحريه
 هيفا العنداري وبحر الزجل  وفادي فياض خشب وقصب مشكل وحساب Emptyالأحد نوفمبر 19, 2023 11:02 am من طرف سليمان

» ترشيف الغزل
 هيفا العنداري وبحر الزجل  وفادي فياض خشب وقصب مشكل وحساب Emptyالأحد نوفمبر 19, 2023 10:56 am من طرف سليمان

» عدنان سعيد وبحر الزجل طوفان الاقصى
 هيفا العنداري وبحر الزجل  وفادي فياض خشب وقصب مشكل وحساب Emptyالأحد نوفمبر 19, 2023 10:53 am من طرف سليمان

» عدنان سعيد وبحر الزجل طوفان الاقصى
 هيفا العنداري وبحر الزجل  وفادي فياض خشب وقصب مشكل وحساب Emptyالأحد نوفمبر 19, 2023 10:53 am من طرف سليمان

» بيت متلّت قزحيا ساسين هديه
 هيفا العنداري وبحر الزجل  وفادي فياض خشب وقصب مشكل وحساب Emptyالإثنين نوفمبر 06, 2023 4:55 pm من طرف سليمان

» تذكار الموتى
 هيفا العنداري وبحر الزجل  وفادي فياض خشب وقصب مشكل وحساب Emptyالأحد نوفمبر 05, 2023 1:13 pm من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

 

  هيفا العنداري وبحر الزجل وفادي فياض خشب وقصب مشكل وحساب

اذهب الى الأسفل 
كاتب الموضوعرسالة
سليمان
المدير العام
سليمان


عدد الرسائل : 2961
تاريخ التسجيل : 13/03/2008

 هيفا العنداري وبحر الزجل  وفادي فياض خشب وقصب مشكل وحساب Empty
مُساهمةموضوع: هيفا العنداري وبحر الزجل وفادي فياض خشب وقصب مشكل وحساب    هيفا العنداري وبحر الزجل  وفادي فياض خشب وقصب مشكل وحساب Emptyالثلاثاء أغسطس 12, 2014 3:15 am


ألشاعر سليمان طراد
طالب قبال الناس تعتزري
من يومها لليوم مش عم نام
مدّي سبقني وما رجع جزري
ومواج قلبي عم تعلّي خيام
من انفكّ من تتريستك وزري
ولا بتفهمي عا البحر ها الأيام
حتى الخلق يا ست من بزره
بيحلف بأسم البحر حتى يصير
شاعر بتفقش ردتو ألهام

Haifa Andari Zaidan
لو كان عندك يا بحر أحساس
/ ما حرجتني بمقلب قبال الناس
/ من مين بدي اعتذر قللي
/ منك انت يما من الوسواس
/ الوسواس أخطر فيك من عله
/ وأنت العلى سنين الصداقه داس
/ نشف البحر ويست الغله
/ وخزنة حروفك ضابها إفلاس
/ وجايي لعندي بموسم القله

/ وقديش بدي عليك أصرف وقت
/ وما عدت بتعبي ألشعر بالرأس

ألشاعر سليمان طراد
ما بحب كمشة عطر بدي مروج
ولا بحب اكبس عا الورد كفّي
معتاد كلما الريح دق صنوج
كمّل طريقي وللسما كفّي
خدّك الأيمن من سنة مطعوج
لما ضربتو تزكّري بكفّي
وكلما بزجل وبسين بدي موج
بلاقي قلب اسود من الفحمة
وما في شعر بيرجّح الكفّي

ان ما زعلتي..؟ بنقدر نكفّي..!!

بحر الزجل
6 h · Me gusta · 4
ألشاعر سليمان طراد
جرّبت امزح ..صارت تقلّي
عصفورة ..الطيون يا شفّاط
وتسب فيي وصوتها تعلّي
متل الكأني سارقو ل سقراط
يا ألف عيب الشوم ..يا دلّي
فضّى القصيدة من بحص وبلاط
وشوّه بيوتي وزعزع محلّي
وفرّغ براسي ست سبع مشاط
ومحسوبكن لم قرر الفلّي
جبلا هدية براستو وخلّاط
وقلت بركي ان رجعت تجلّي
بتروق ..وبموقع زجل وبسين
ما بعود اسمع بهدلي وعياط

يتبع
2 h · Me gusta · 5
ألشاعر سليمان طراد
ومع كل هيدا سكتت يا اخوان
ما كان بدي ..كبّر القصة
وبتعرفوني بعشق النسوان
والله بمريم امنا وصّى
من هيك قلت سكوت يا سليمان
ووين الحقيقة وعنها تقصّى
تأكدت انو قلبها مليان
غيرة وحسد ..من هيك يا اخوان
قررت اني رصها رصه

يتبع
1 h · Me gusta · 4
ألشاعر سليمان طراد
موقع زجل وبسين..لما كان
بحر الزجل بالموقع الراقي
كان موقع..تحسدو الغزلان
ومنّو قوليلي شو بعد باقي
قلبو احترق عا غيبتي وزعلان
ومحروق قلبي صح عا رفاقي
وزعلانن منك ..والقلب مليان
وبتعرفي عا النت اخلاقي
ما بهين شاعر غير بالقصدان
ولا بمد ايدي لو دني بلاقي
وان كان عندك عا الشفط برهان
جيبي القاضي وعيّني الجلسة
باقي بزجل لا تفزعي باقي
غير البراءة وعدل ما بلاقي
1 h · Me gusta · 4
ألشاعر سليمان طراد
جبت القصيدة وغيّرت كلمة
ونزلتها تحت القصيدة الأصل
وبعرف انا السرّاق عا علمي
بيخفي البصمة او بينصل نصل
ما كنت عارف عايشي بظلمي
ومعلّقة من شهر كيس المصل
وبحيثني يا ظالمي زلمي
رح ضل حركش مطرح البدي
عايش عا ذوقي حر والله فصل

تعلمو القوافي الجديدة
1 h · Me gusta · 4
ألشاعر سليمان طراد
يا ست هيفا الشعر بدو قلوب
متل الجبال مهفهفي بيضا
ما تجرّبوا بالبحر ايّا ضروب
ملّعب زجل لبنان غميّضة
مفروض تعتزري أمر مطلوب
ولما بتحكي الحق بحر الشعر
بيقلي الك تا يكافئك بيضا
1 h · Me gusta · 4
Shawki Bfd
اضرب يا بحر ب مواجك و كسر حبيبي انت
1 h · Ya no me gusta · 2
ألشاعر سليمان طراد
موقع خوابي ..نقلت عا ديارو
وعتّقت حبر الضو بجرارو
وعرفت ها الموقع كتير كبير
وكبرو بها الايام انصارو
صدرو فتحلي وقال بالك دير
هون الشعر بنتقّل عيارو
من هيك صرتو تكرهوني كتير
والكل مني تأفأفو وغارو
ليش الحسد ما زال في تقدير
للشعر ..حتى بالعدد صاروا
آلاف شعرا ..وغيرن شعارير
هنّي الخوابي صدقي اختارو
لا تزعلي ما البحر قلبو كبير
وبيحب كل الناس ما بيكره
وبيضل يعتبرك من زغارو
1 h · Me gusta · 4
ألشاعر سليمان طراد
وعدنان خيي ..وكان شعرو عيد
عملتو عدوّي ..وما زعل مني
سحبنا المواقع عا مجال بعيد
تا صار شعر النت بالحنة
عصرتو فكر تا صار يعطي نبيد
ومنو أخدت الآخ والعني
عمل الهجا عا النت فن جديد
ووقفت حدو وما طلب منّي
ولما هجي ..ما لقّم بواريد
محيوا القصيدة اللي الا طنّي
وما كان يا هيفا الجفا بالإيد
وياما نصحتو بآخ وبعني
يرجع على الموقع اذا بيريد
قلي يا بو شربل انا مرتاح
عتّق خوابي قصايدي وفني
58 min · Me gusta · 4
Majdi Daou
ههههههعهه. كيف بتنطفي انت ههههه. عملاق يا بحر
57 min · Ya no me gusta · 1
ألشاعر سليمان طراد
هي علّة الشعّار بالغيرة
وما بيحسبوا في مواهب زغيرة
بيفكّروا انو الزجل انصار
وما بيعرفوا في مواهب كتيرة
الشعّار كتروا..الحبل عا الجرّار
بجوّن ما فيكي صدقي تطيري
من هيك حاجي تنزعوا ها الكار
متل الخوابي دربوا شعار
تا يصير عنا مواقع كتيري
49 min · Me gusta · 3

ألشاعر سليمان طراد
انتي الوحيدة بتعرفيني منيح
كل البيقلبي بزت عا لساني
وديكي وفي ..بس الصبح بيصيح
تا يفيق حلمي بتخت وجداني
تا تسلمي ضلي وقفي عا الزيح
ولا تغلطي ...مع بحر قصداني
صابب عن بواب السما مفاتيح
بيخلع قفل وبيقفل التاني
انضبي بقا جايي جنون الريح
ما يترك بطاني بالخزاني
ردي عليي ..وأوعك التجريح
بحلف بالله بفلت عليكي
وما بعود لو الله ترجاني
ههههههه


عدل سابقا من قبل سليمان في الجمعة أغسطس 22, 2014 9:10 pm عدل 2 مرات
الرجوع الى أعلى الصفحة اذهب الى الأسفل
https://slayman14.yoo7.com
سليمان
المدير العام
سليمان


عدد الرسائل : 2961
تاريخ التسجيل : 13/03/2008

 هيفا العنداري وبحر الزجل  وفادي فياض خشب وقصب مشكل وحساب Empty
مُساهمةموضوع: رد: هيفا العنداري وبحر الزجل وفادي فياض خشب وقصب مشكل وحساب    هيفا العنداري وبحر الزجل  وفادي فياض خشب وقصب مشكل وحساب Emptyالسبت أغسطس 16, 2014 12:56 am

12 de agosto a la(s) 1:09 · Me gusta · 6
ألشاعر سليمان طراد
انا وهيفا صداقتنا قديمي
وما بدي اعتبر هيفا غريمي
لأني بعرف بتحمل لساني
كلامي بحقها من دون قيمي
اعزروني بحب افلت بالغناني
وهيفا ست محترمة وعظيمي
بس الحق بدكن للأماني
ما بقبل تنجرح بالشاعرية
وانا قبلان قداما الهزيمي

هيفا اختنا
12 de agosto a la(s) 1:55 · Editado · Me gusta · 5
ألشاعر سليمان طراد
يا هيفا البحر معتبرك مرايي
وكل العطر فيكي ومش دعايي
بس الصار معنا مش طبيعي
وانتي بتعرفيني من البدايي
انا بتشرين بيزهر ربيعي
انا بحر الزجل شيطان جايي
يربي نسور وشحارير زيعي
لأني خلقت شاعر لا يوضاها
وشتي الالهام نازل من سمايي

Haifa Andari Zaidan
مش حق تأخذ فكرتي منّي
وبْصوت إحساسي أنا تغني
ومش حق ع همومي هموم تزيد
وتصير متل العمر متجني
لبستها حروفي فرح تالعيد
يضحك بلا ما يبتسم سِني
وعتّقت بجروحي خوابي نبيد
تا يسكروا ألشعار من دني
والشمس لبّستا قميص جديد
من وهج أحلامي بلا مِنّي(ه)
وشو دخّلك تدخل بالمواعيد
ولون الجمر غيرت للبّني
قديش قلتلك ما رح بيفيد
كل يوم تعمل بالشعر طنّي
عليي ما تفتح نار وبواريد
وإيدك بالخطيّه كفى تحّني
وما كنت مني تقبل وبتعيد
ذات الغلط تا صار صبري عليك
صبر الحما ذاتو مع الكنه


ألشاعر سليمان طراد
لا تتعبي وتسعطفي الجمهور
وتدهّبي الكلمات بالردّه
غيّرت آه غيّرت بعض سطور
تا صار ورد القافية يندّي
جرّبت مشّي موقعك مجبور
انتي الوحيدي قلت بتهدّي
تاري يا حسرة ..لقيت فيكي غرور
وهلّق بعد ما شفت ها المدة
نتفة عطر..والباقيين صخور
بخجل عليها مرق مهدّي
بطلّت قلّك يا مرا بنونجور
ورح ضل شيل وحط بالكلمات
وشكّل قصايد متل ما بدي

حر
12 de agosto a la(s) 19:00 · Editado · Me gusta · 5
ألشاعر سليمان طراد
مين اللي قلّك ..توقفي ضدي
وبتعرف ..بحري مواجو خوت
ما كان لازم ..هلق تردّي
وبتعرفي البيرد بدو يموت
يا ناس والله دم ما بدي
بدي شعر ..مش هندبي مفلوت
صرلي براعي شعورها مدة
وبقول هيفا رح بتعطي سكوت
تاري المرا عا النت محتّدي
ومش عارفي بحر الزجل شيطان
وعايش ملاك بجنّة الملكوت

قلتلك لا تغلطي صحطين عا قلبك
12 de agosto a la(s) 19:05 · Editado · Ya no me gusta · 6
ألشاعر سليمان طراد
يا ها المدام ..!! بتلزمي حدودك
يما بخلي الكف عا خدودك
لا تفكّرين بعشق الأزهار
بدك تحدّي..؟؟؟!! شكّلي زنودك
ولا تفزعي واقف عا خط النار
وشايف كمان مجهّزي جنودك
لا تجرّبيني ..ما بخلي تار
من هيك يا نتفة عطر بيطير
مني نصيحة شحلّي ورودك


Haifa Andari Zaidan
يا جماعه والله ارتجالي يعني انا فاضيه هلق اقعد بلا عشا كرمال رد ع هالجرده؟؟؟

متلك إنت يا بحر مش فاضي
فضّي المسا تا ينشف الخزّان
وخزّق وراق الرّيح عالفاضي
ولزّق صور وجّي على الحيطان
رْضيت يمّا العمر مش راضي
عندي أنا كلّ الامر سيّان
وبموت ساعة ما القدر ماضي
وبيضلّ فييّ عايش الوجدان
وإنت مين العالزجل قاضي
عملك وعملك بالحكي فهمان
لوما ع جنبك كنت بالماضي
إصرف عليك من الوحي أطنان
ولما بنتفة عطر بحواضي
لا تفجّروا منّك عيون الشعر
وْلا النتّ كنت طْوشْت بالقصدان

يتبع,,,,,,,

وبعدك بتسأل ليش محتدّي
وسْرقْت مني مطلع وردّي
قدّيش منك حامله ومقهور
قلبي واسكت طول هالمدّي
بس الكرامه وقت ما بيفور
جرحها ما بسكّروا بسدّي
بحفر بإزميل القوافي قبور
تا إدفن اللّي كان متعدّي
بهالكار ما زالك إنت مشهور
غمّقت هالحفره وعَليْك نويت
تا شوف كنّك بعد بتهدّي

خرجك....

ومن وقت ما تعملقْت بالتفكير
عا كلّ شفّه صايره حكايي
وعنّي الشعر عم يكتب أْساطير
وقال فييّ كمْلت الآيي

بتعرف إنت قدّيش قلبي كبير
وبالرّبح ما عندي ولا غايي
مروج السما عبّيتها بشاشير
ونقّيتها الأحلام تنقايي
ودروبها اللّي زرعتها مشاوير
عْليْها وَلا مرّه كنت جايي
تخمين ما بتمشي إنت بتطير
وعيونك بتقشع بعتم اللّيل
وعندك جناح بْطول بردايي؟؟؟؟؟

معقولي؟؟

يا هالبحر إيّاك عنّي تقول
شي بعد مرّه إلزم حدودي
أبعد حدودي من المدا وعاطول
نجوم السما بعملهن عقودي
وبشكّل زنودي وقت ما غول
داعش يجي تيهدد وجودي
وما كنت مرّه بالتحدّي كول(cool)
ودرب العدا ألغام مسدودوي
البيمد إيدو برجّعو مشلول
بخرطوش فردي أو البارودي
لا تهدد وجودي إنت مسؤول
انْ شلّيت أفكارك معي ما زال
حروف القوافي كلن جنودي

لا تلعب معي.....

ألشاعر سليمان طراد
يا ست هيفا البحر .مـــــــا سبّك
ولا يوم ..قلّك بالشعر حبّك
لا تعتبي عليي وما عندك حق
روحي عتبي بها العمر عا ربّك
البحر اللي صدرو للمسيح انشق
عا سطح غيم القافية مدبّك
وعا حالنك بالشعر حاجي نق
وعا البحر كل الحق لا تحطّي
فادي الوحيد المن زجل كبّك
هههههههههههه
Ayer a las 19:24 · Editado · Me gusta · 5
ألشاعر سليمان طراد
ياما البحر ..تا تحلّقي بالجو
شقشل بربّك تا خضر كوعو
علّم حروفك تختمر بالضو
وانتي بغيري تحسدي طلوعو
ريس عصابة ...!!هيك قلتي؟؟؟ ولو!!!
انتوا ي ها النسوان ما بتوعوا
يا بتفهموا من البحر تهدوا أو
بخلّي مواجي تكسّر مقاديف
وحوت الحسد تتفجّر دموعو
Ayer a las 19:30 · Editado · Me gusta · 4
فادي فياض
هيفا ... يا بحر التفرقة المنحوس
ما فيك تفتن بينها وبيني
كبيتها؟؟ شو هالحكي المدسوس
ما بكب بوبو النور من عيني
كل الجرى بيت الوفا المحروس
منو طلع بيت وإلو جنيني
هيك اتفقنا وعم منعطي دروس
ببيتين الهن منوفا ديني
وانت يا ناخر ببيتي ... سوس
ورابي بظلي وتحت جنجيني
داري دقن شعرك وصلها الموس
تلتي معك لكن يا بحر الشعر
مع شاعرة هالأرز تلتيني
Ayer a las 19:34 · Ya no me gusta · 5
ألشاعر سليمان طراد
كمشة ..وجع ..مجروح فوق السطر
ولا يوم كنتي بالعطر شغله
وبالكاد فيكي تكتبيلك شطر
ومخيّلي مظبوط...!! عا البغلة
انتي خلقتي بالمواقع فطر
وبتعرفي بالبيت تشتغلي
لا لون عندك بالشعر لا عطر
وبعرف انا كلما تشوفي البحر
قلبك بيدق ودمك بيغلي
Ayer a las 19:37 · Me gusta · 4
فادي فياض
هيفا يا سوسو من العباديي
ضيعة للعبادي مثاليي
وانت حامل شوكة الشيطان
وعم تلعب بهالنار يوميي
بلشت معنا بمملكة اوزان
تدبدب شويي وتكرج شويي هههه
ووقت اللي جنجك صار الو الوان
هجرت القفص تا نلت حريي
يا بحر هيفا فضلها منصان
بوس ايديها بنعوميي
متلك بيتلاقى الف فنان
وتا تلاقي شاعرة بهالعصر
استنجد بعينين الألوهيي
Ayer a las 19:41 · Ya no me gusta · 4
ألشاعر سليمان طراد
قديّش يا فادي طلعت تصّاب
وكبيّتها وعرفت تفنعها
ترجع ..وطنّي خاب ظنّك صاب
وهيي بتعرف كلنا معها
ياما بعتلا دوا اعصاب
تا تروق ما تعصّب على اللي صار
وما يضل قلبا دوم يوجعها
Ayer a las 19:42 · Me gusta · 3
ألشاعر سليمان طراد
هههههههه
Ayer a las 19:42 · Me gusta · 1
فادي فياض
بقلك انا وهيفا الشعر اصحاب
بتطل تا تفتن يا نسونجي
صار بدك نفض .. حف بواب
بمحل بويا شغلها فرنجي هههه
نصاب عني قلت مش كذاب
ما انت ديونجي و مفتنجي
مزبوط رح اعمل انا نصاب
مع كل شخص بيكون ديونجي
Ayer a las 19:46 · Me gusta · 3
ألشاعر سليمان طراد
مين اللي قلّك ..شاعرة ..مينو
تا اليوم احرق ها المسا دينو
وقلّو ما في شاعر يعلّي جبين
الا ما بحر القافية يزينو
هيفا مرا ..ما حملت نياشين..!!
والشعر ما عندا من طحينو
بتعمل قراص بلا حشي تخمين
ومعقول تطلع شاعرة بتحشي
كرشك يا فادي مع كراعينو
هههههههههههههههه
Ayer a las 19:48 · Me gusta · 4
ألشاعر سليمان طراد
مظبوط بحر الشعر نسونجّي
بيعشق لطيفة بيلتقي بإنجي
وبيحب فيفي وما بيعشق هند
وليلى بتغفا بس عا بنجي
كتبت بزجل وبسين مرة عند
هيفا وضربت عا البحر غنجي
ومن يومها لليوم عندي جند
بتغزي المواقع كلها بالشعر
وجيشي هنود مطعمّي بننجي
ههههههههههه
تعلم سبك القافية
Ayer a las 19:54 · Me gusta · 4
فادي فياض
هيفا يا ابني بيها خطاط
وخيها شاعر مرجلاني
ورفيقها شاعر ارز محطاط
بأرزات فوق جبال علياني
وانت يا مهرّج يا غيم شباط
يا مسرحية ضحك ملياني
لسانك براغي ما الو ولا رباط
متل جلبة نوق فلتاني هههه
كل عركاتك نهف وعياط
وتنكيت عا فلان وعلى فلاني
بتحكي بطبيخ ومطبخ وخلاط
افلاس من افكار جهلاني
كنا نقبلك يا عيني باط
بس من هلق انا وهيفا
مش رح منرحم روس ورماني
Ayer a las 19:58 · Me gusta · 3
ألشاعر سليمان طراد
ريّس عصابي...!! تروح تعمل دوش
وتعرف البحر بيضبط لسانو
ولا يوم كان بقدرتو مغشوش
الشعّار مهما بالحرب كانوا
وتحكي الحقيقة وتعرف القاشوش
ومين الشفط للشعر تيجانو
شاعر معنى شافط الطربوش
وبحر الزجل يلّي خلق موهوب
وواهب لكل الشرق قصدانو

فادي فياض
ليش قالت هيك قرب شوف
كرمال هيفا الشعر تفهمها
هلق بقلك يا بدر مخسوف
حاجي بكلام الذم تلكمها
كتبت قصيدي دوّخت لألوف
الله عا هاللوحة يسلمها
رحت تا تعربس خيوط الصوف
بشلة كنت لازم تكرمها
بمزحة القصيدي شلت منها حروف
وحرّفتها وصفيت تلغمها
ونسبتها للبحر يا منقوف ههه
وصفيت للعالم تقدمها
وبتلومها ان سحبت عليك سيوف ؟؟
وبالمحكمي جايي تحاكمها ؟؟
وينو ضميرك يا بحر مخطوف
المزحة في الها حدود يا سلّوم
خيول المزح مفروض تلجمها
>

Haifa Andari Zaidan
فتّحت عينييّ الصبح تا شوف
بحر الزجل شو رادد علييّ
من كتر ما لْقيْتو خبص بحروف
مجلغم أصابيعو المهتريّه

أصل الحكي بالشعر ارض الشوف
والمقلع صخور العباديه
منطوف نحنا بس لما نطوف
بتصير أنقى نبعة المييّ

وكل شي انت بتفيض مش معروف
من وين عم تجرف معك أفكار
الاضرار فيها مش طبيعيّه

انتبه للبيئه ........

وقدّيش قلتلّك ببرحليون
اللّي صيتها عم تنزعوا بهرقه
عا كلّ هالشعّار لو بتمون
بالبحر كبّ وخزّق الورقه

لا تربّح جميله بشعر موزون
تيعلّقولك خرزة الزرقا
للعطر موّنتو وبقي مفتون
بنتفة عطر عم تشهق بحرقه

ومرّه اذا بين الورد ما بكون
بتذبل وراقو حزن عالفرقه
خارج انت بتضل عالقانون
ومعيّش الاحلام بالسرقه

ومن كتر ما بتركض متل مجنون
تايلحقك مبروق ظهرو الشعر
وما كان يشفى بعد عالبرقه

مصيبه انت .....

وقفّيت شعرك بعدما قفّيت
حسّيت حرفك طعمتو مزّه

لا سكرت لا منّو رجعت صبيّت
ومن وين بدي حسّ باللّزّه

متل اليهودي كتر ما نقيّت
نسخه القصيده عملت عن غزّه

لكن انا العمّرت بيت وبيت
وبنبوغ فكري عامله هزه

من كتر ما بالقافيه رقّيت
بكرا بعد ما فلّ رح بتضلّ
فييّ قوافي الشعر معتزّه

تعلّم تعلّم.....

اتركني انا وفيّاض مختلفين
بتبقى النوايا بيننا صافي
شي نهار لو غلطت معي بشتفين
بترجع ترد القلب متعافي

لكن انت منّك يا ربي تعين
وْلا يوم تمك بعرفو دافي

كافر ومتزييّ بزيّ الدين
نار الجحيم عليك مش كافي

دبّك على سطح القوافي ومين
رح يبدلك بالقطر ع كنافي

بمشي على وراقي بتقل لِ سنين
وبيفكّروني ماشيي حافي

وكترة ما حولي جامعه محبّين
كلما قلت ردة شعر للناس
بتطلع متل بوسه من شفافي

شبعت او بعد بدّك؟؟

ألشاعر سليمان طراد
ما في حدا يلزّق شفافك..عيب
تحكي بحقّي زور..ما لك حق
لو يسمعك بالأووف موسى زغيب
كان المعتّر صدر صبرو انشق
بحر الزجل عا النت بعدو شبيب
وبربع ساعة قصايدو بيطق
بفزع عليكي يحكمك بو كعيب
وتدوّري عا صبح الله النق
ويفلت معك يا خايبي ل ملّق
5 h · Editado · Me gusta · 3
الشاعر طوني بو شموني
حخخخخخخخخخخخخ
5 h · Me gusta
الشاعر طوني بو شموني
,,
اللهم كون مع الصابرين ههههههههههه فلت سليمان زيحووووووووووو
5 h · Ya no me gusta · 2
ألشاعر سليمان طراد
فكّرت عندك عطر..أو ألوان
ما لقيت عندك غير غيرة وبس
بتتفلسفي بالشعر والأوزان
وبتفرّغي المعنى الحلو من الحس
لما ابن فيّاض كبّك كان
بحر الزجل حدك تا ما تموتي
تا صار عندك يا صبية بس
هههههههههههه
5 h · Me gusta · 3
الشاعر طوني بو شموني
,,,
ايا نوع يا سليمان هههههههههههههه
5 h · Ya no me gusta · 2
ألشاعر سليمان طراد
يا بو شموني بشرب متلّت
وما بحب اشرب خمر شغل الست
وبحر الزجل عا النت لو فلّت
بيحرق مواقع كل شي في نت
وكل اللي بدو ينتخي ووي وتّ
.
5 h · Editado · Me gusta · 2
Majdi Daou
هههههههههههههههعههههه
5 h · Ya no me gusta · 2
الشاعر طوني بو شموني
,,
بلسانك الفلتان مش قصة
تحرق مرا من حرقة الغصة
هيفا لها حصة أسد ع النت
انشالله بتاخد ربع ه الحصة
هههههههههههههههه
اشتقنالك
5 h · Ya no me gusta · 3
ألشاعر سليمان طراد
مرتاح كنت وقلت بدي نام
وما رد عا كومة عشب يابس
وافقع بعد يوم التعب حمّام
وما ضل عا أنفاسها كابس
رجعت وقلت معقول ها الأيام
بيت القصيدة من العطر لابس
ضربت الزمن بعكور ..من ألهام
ومن يومها لليوم يا انطون
بعدو بوجّي مطّنب وعابس
خهخخخخخخخخخخخخخخخخخخ
4 h · Me gusta · 2
ألشاعر سليمان طراد
لا تجبريني قطعك شقفات
واقضي عا فادي بريحتو وطمّو
عا عباب بحري تبغدد اللي فات
وحقنت نبع الشعر ب دمو
واللي تحدّاني نهيتو ومات
وما ضل غير الكبّك قبالي
ما قدرت اتحمل تقل دمو
الرجوع الى أعلى الصفحة اذهب الى الأسفل
https://slayman14.yoo7.com
سليمان
المدير العام
سليمان


عدد الرسائل : 2961
تاريخ التسجيل : 13/03/2008

 هيفا العنداري وبحر الزجل  وفادي فياض خشب وقصب مشكل وحساب Empty
مُساهمةموضوع: رد: هيفا العنداري وبحر الزجل وفادي فياض خشب وقصب مشكل وحساب    هيفا العنداري وبحر الزجل  وفادي فياض خشب وقصب مشكل وحساب Emptyالجمعة أغسطس 22, 2014 9:04 pm



Omar A-Samad
ما زال بوشربل بيحب البَيض
يقشر وياكل يسلق ويلمس
بركي منعمل غيضتو من فيض
وبرنامجو يطلع عالكريسمس

ههههههههههه
16 de agosto a la(s) 9:27 · Ya no me gusta · 6

ألشاعر سليمان طراد
بتعرف انا بحب البياض كتير
وما بحب تسمع نهدتي وآخي
وما بحب متلك احمل بعاكير
وعا النت غاشي وغيضتي راخي
ههههههههههه
16 de agosto a la(s) 9:32 · Editado · Me gusta · 6

فادي فياض
هلق بدك تاكلا بعكور من بو شادي هههه
16 de agosto a la(s) 9:38 · Ya no me gusta · 3

ألشاعر سليمان طراد
يا فيّاض لا تفتن بحبو
16 de agosto a la(s) 9:42 · Me gusta · 2

فادي فياض
بتحب بو شادي قلت حكيك بديع
وبينك وبينو ليش هالمشكل نشب
حامل بوكاية ورد الوان الربيع
ومن خلف هالوردات بعكور الخشب
16 de agosto a la(s) 9:49 · Ya no me gusta · 6

Majdi Daou
هههههه حلووو
16 de agosto a la(s) 9:50 · Me gusta · 1

ألشاعر سليمان طراد
شو دخلّك ..هيدا الغرامي البعكري
علينا يا بن فياض عيبي تفتري
نحنا انغرمنا ب بعاكير الحشب
وانتو بقصب للمص طعمو سكري
هههههههههههههه
16 de agosto a la(s) 9:50 · Editado · Me gusta · 4

فادي فياض
نحنا قصبنا ناي غنا للحنين
منبوسو منكبس عا جرحو من الأنين
وانتو اللي حملتو بعاكير الخشب
بالحبس بدي كبكن اربع سنين
16 de agosto a la(s) 9:54 · Ya no me gusta · 5

Omar A-Samad
حلو يا شباب بس انا النت عندي عم تقطش والكيبورد العربي بطيء هلق بروح عالبيت وبرد عليكن من الايباد اسرع... البوس وسمّك يا بوشربل البعكور العندي عقدتو قد البطيخة ههههههه
16 de agosto a la(s) 9:59 · Me gusta · 2

ألشاعر سليمان طراد
انتو قصب شعراتكن صارت تشيب
لا من بعيد بتصلحو ولا من قريب
انتو بصوت الناي هجرّتو الوفا
ونحنا خشب عا صدورنا حملنا صليب
16 de agosto a la(s) 10:03 · Me gusta · 5

فادي فياض
معليك بو شادي خود وقتك هلق بسلمك هوي منهنه ومستوي هههه
16 de agosto a la(s) 10:08 · Ya no me gusta · 3

ألشاعر سليمان طراد
هيفا وفادي يا عمر ما بيحرزو
وعقلاتهن ما بيحملو وما بيفرزو
لا تخاف وقتك خود بو شربل صدر
حكمو عا فادي متل قصبة بيغرزو
هههههههههههه
16 de agosto a la(s) 10:09 · Editado · Me gusta · 4

فادي فياض
يا بحر عا كفرك انا رح حط زيح
تا علمك إيمان تفكيري الرجيع
مني انصنع مزمار داوود النبي
ومنك صليب الغمّق جروح المسيح
16 de agosto a la(s) 10:10 · Ya no me gusta · 6

فادي فياض
غمّق بالفلسفة وهات شعر
16 de agosto a la(s) 10:11 · Ya no me gusta · 5

فادي فياض
شوقي ودعو للبحر هي آخر ايامو ههههه
16 de agosto a la(s) 10:12 · Ya no me gusta · 5

ألشاعر سليمان طراد
جرحك نزف بالناي صوت بلا حنين
وفوق الخشب يسوع سفكو بلا أنين
يعني الخشب .اطهر من الناي الحزين
الخلا الجروح تأن عا شمال ويمين
ووحدو الصليب البلسم جروح البشر
ومحمول فوق صدور كل المؤمنيين
16 de agosto a la(s) 10:15 · Editado · Me gusta · 6

Shawki Bfd
الى حبيب القلب الشاعر سليمان طراد
.
دخل رب البحر منو نصيد
طير القصيد و رفٌ قرادي
نلاطم مواج و نرجع نعيد
نعبي بيوت الشعر زوٌادي
و ناخذ حلم عا محل بعيد
و يردد حروف البيت ردادي
ابن طراد يلي ع العرش سيد
ب عطر الورد ع الفجر غادي
شكٌل خيالك عا رمال البيد
و علٌي المنابر عمٌر و زيد
و رجٌع ل الشعر مجد اجدادي
.
ابو الشوق بيحببك يا كبير
16 de agosto a la(s) 10:17 · Ya no me gusta · 2

فادي فياض
لما الطفل كيّف بطيارة ورق
من قصبتي فوق الجبل همو انسرق
شافك عا شاطي البحر قرصان البحور
بمركب خشب من خبث اعمالو احترق


ألشاعر سليمان طراد
ما زال حرب الشعر بالموقع نشب
وبان القصب تعبان عا شفافو القشب
لما يا فادي تموت قلّي ولا تخاف
بتابوت قصبة بنحملك يما خشب
هههههههههههههههه
16 de agosto a la(s) 15:17 · Editado · Me gusta · 3



ألشاعر سليمان طراد
ما عنا ازاعة


ألشاعر سليمان طراد
يا نور انتي الضو والباقي سواد
وهيفا وفادي من الخشب عملو الجوّاد
لا تصوّتي ل ولاد ما منهن نوا
وقولي انا رح ضل صوّت ل طراد
16 de agosto a la(s) 15:27 · Me gusta · 4

Shawki Bfd
ههههههههههه عم تشحد صوات طيب خود صوتي انا كمان
16 de agosto a la(s) 15:28 · Editado · Me gusta · 2

Haifa Andari Zaidan
فكّرت شاعر قاعد قبالي
خْيالو بْيلحق شردة خْيالي
مهرّج طلع وجّو ملان عْيوب
وْبيخاف يطلع سلّم العالي
مْطعْوِج بحالو متل شي دبدوب
الأطفال تيضحِّك بهالحالي
بالحيط راسو كتر ما مضروب
ما بينحمل إلاّ ع نقّالي
عْطيتو قصيده بس بالمقلوب
الورقه حملها وصار يقرالي
التهريج دِينو ويا شعر رح توب
إكتب معو تا ما يقولوا الناس
ضيّعت وقت كبير عا حالي

روح اطبخلك شي طنجرة مخلوطه
16 de agosto a la(s) 15:32 · Ya no me gusta · 4

ألشاعر سليمان طراد
عم تضحكي ..عا الطبخ..عيب الشوم
ستّك قبل ما تخلقي عا النّار
كانت تحطّ بطنجرتها التوم
وفي ام طبخت للولاد حجار
شوفي البحر صارت حروفو كروم
من بعيد ..عم تتسابق الاطيار
وشعرك مخشّب لازمو قدّوم
مع كل حرف بينضرب مسمار
اعتزري ل أمّك عيب يا فطّوم
اجترمي قبالي كل اهل الدار
بحر الزجل عا معالقك معزوم
ولا تضحكي لولا فرمتي خيار
ما بينأكل الا اذا مفروم
من هيك حاجي تتعبي رح ضل
افرم فرم والحبل عا الجرّار


فادي فياض
يا نور صوتي وكلمتي الحلوة اسمعي
وصوتيلي وعالنجوم بتطلعي
سليمان ما بياخد صوات بعيلتو
عا منابر الأشعار خليكي معي
16 de agosto a la(s) 16:23 · Ya no me gusta · 4

فادي فياض
هيك هيك بلشنا خشب وقصب
خود هي يا سليمان

نعشي خشب بضلوع هالأرض انغرس
واسمي بمدرسة الحياة بيندرس
لكن انت عا خفة الدم اللي فيك
نعشك قصبتين التقو بحبلة مرس
1



Majdi Daou
فادي شوي شوي عالبحر حرام ههههههههههه
16 de agosto a la(s) 17:49 · Ya no me gusta · 2

ألشاعر سليمان طراد
يا نور فادي جن وبالله كفر
وناسي المراكب خيل عا دروب السفر
ولما اجى عا بلادنا لامارتين
الا عا كعب الارز اسمو ما حفر
16 de agosto a la(s) 19:14 · Editado · Me gusta · 3

ألشاعر سليمان طراد
هههههههههد
16 de agosto a la(s) 19:14 · Me gusta

فادي فياض
جدك ببرحليون عطفو بتكتسي
بيدك بالقصبي قروش مكدسي هههههههههههه
ولوما القصبة الدك فيها هالقروش
من وين بيّك جاب قسط المدرسي هههههههههههههههه

جاوب تا قلك
16 de agosto a la(s) 19:17 · Ya no me gusta · 3

ألشاعر سليمان طراد
يا ناي حد العود ابكي ولا تضيع
واسمع جواب الشعر مني عا السريع
بتقعد عا منبر من قصب يما حشب
جاوب اذا ما بتستحي قبال الجميع
هههههههههههههههههه
16 de agosto a la(s) 19:19 · Me gusta · 2

فادي فياض
باول عهد شحرور يا طفل الزكي
المنبر حصيرة من قصبها مباركي
اهتمو بكلمتهن مش بمنبر خشب
نحنا التهينا بالخشب مش بالحكي

لا تلعب مع الفياض



فادي فياض
يلا عم نفرز الصناديق بس تطلع النتيجة بخبرك
16 de agosto a la(s) 19:33 · Ya no me gusta · 2

Noor Adib
يا فادي ع البحر روق
غدر الموج ما اله قرار
بخاف عليك من غدرو
يأخذك لاعمق البحار
16 de agosto a la(s) 19:37 · Ya no me gusta · 2

ألشاعر سليمان طراد
ناي البراري جن تا العود اغتصب
ورح اسألك عا شرط لا تشد العصب
لما بتمرق نور بالجفن الكحيل
بتقول دقّوا عا الخشب أو عا القصب

هههههههههههجاوب بلا كذب


فادي فياض
لما بتمرق نور والقلب انتشا
ما بدق عا خشبة يا وج الما اختشى
بدق عالقصبة وبسحب خيطها
وبتصيد السمكات وبحضر عشا

انت خليك قاعد عا بنك الخشب ههههههههه
16 de agosto a la(s) 19:48 · Me gusta · 2

ألشاعر سليمان طراد
يا نور لما جن فادي وجاب ناي
شاف الجمال وصار يصرخ يـــاي يـــاي
هههههه
جرّب بطل يعمل بزندو المن قصب
ولما فرط قدّام عينك قال باي
ههههههههههههههههههههههه

زندودك قصب مص هههههههههههههه



Noor Adib
يا بحر هدي الموج
للموج يضيع ببحورك
فادي ع سطحك مشي
نور ما بيندقلها لا ع خشب ولا قصب

ألشاعر سليمان طراد
فوق مواجي نار ونور
وريحة كلماتي بخور
ما بيمشي عا مواجي الريح
الا ما تتنفس نور
هههههههههه


فادي فياض
نور اللي بفرنسا الجميلي دارسي
ما بتشبهك وبغير مشتل غارسي
الها جبت ناي وعزف شعري حنين
لكن الك نجرت قصبة فارسي

بعدك ما تعبت يخربيتك كل شي بتاكل خبيط


ألشاعر سليمان طراد
نجّر الي قصبة تا اسحب بالغنا
واترك الي الخازوق.. نجّرلك انا
ومن بعد ما ترتاح فوقو يا حلو
بتقدّر تجيب الناي وتغنّي لنا



فادي فياض
لخازوق ست حروف يا وج البلي
وتا ارفعك من هيك جورة بهدلة
اول تلات حروف خليتن الك
تاني تلات حروف خليتن الي

سليمان غني شعر او روح نام ههه


ألشاعر سليمان طراد
تخت العليه اليوم رايح تا تنام
قلّي قصب...!!معمول يمّا من رخام؟
هههههه
تخت النبي جبران ببشري خشب
ولوما خشب لبنان ما وصل الكلام
ههههههههههههههههههه


Wadi Altaym
يا ريتني من صفنة الغابه
شهقة قصب عالناي منسابي
وريحة صنوبر من خشب لبنان
يفيق الفجر وتروق اعصابي
ومزمار عالحن الوفا سكران
شربان تاريخو من الخْوابي
ورقصة قلم عا دفتر القصدان
صب السهر عا سطور اعجابي
جسمو خشب منحوت بالوجدان
لابق عا خصر السر ومحابي
تا ظل ارسم عالورق الوان
وانزف انا وحالي قصيدة شعر
يسهر عليها الوقت ب غيابي

يسلم تمكن يا شباب بتجننوا
وشكرا ل نور
16 de agosto a la(s) 20:27 · Editado · Ya no me gusta · 4

فادي فياض
لما براسك مغزل الشعر انعطب
جرح الجهل ما عاد عندك ينقطب
بشري التلج فيها غزي خشاب السرير
وزغزغ نوايا طراد عا قص الحطب

كم ظبط صرت آكل وما رح تتعلم ما تقص خشب أرز ؟ ههه
الرجوع الى أعلى الصفحة اذهب الى الأسفل
https://slayman14.yoo7.com
 
هيفا العنداري وبحر الزجل وفادي فياض خشب وقصب مشكل وحساب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: مروج ألزجل-
انتقل الى: