Richard Abi Khalil وبحر الزجل

ريشار هرب هرب
يا ها الخوابي العيد مش رقص وطرب
سيف وترس وبيوت شعر بتنعرب
اجتمعو عليي كل شعّار العرب
تا يحطموني ..وما حدا نال الأرب
وما زال بحر الموهبه بسيفو ضرب
وخلّى الجماجم عا الصواني تنعرب
مطلوب راس زغير ..حتى اكسرو
كل اللي راسو كبير من خوفو هرب
هرب هرب

Richard Abi Khalil
عا مين يا صعلوك قايم حملتك ?!
وعا مين شامل بالمعنى شملتك ?!
علّي تستّر عا وطاوة عَملتك !
وعللي شقل بالشعر نزلة عِملتك
براسك الاقرع لو بقي وبرة شَعر
مجبور فيها اليوم ربي املتك

ألشاعر سليمان طراد
لما القصايد تنزل تقفّي الحبر
بيكون حرف القافيه عندو صبر
الوبره بجنحي طالعه تينه صبر
بتوصلك يا زغير عا دروب القبر
بالشعر بالإبداع حتى بالنبر
بحر الشعر عملاق لا تهين الكبر
الوبره براسي متل دره بقلب تاج
احلا من الأجرود ما عندو وبر

هرب هرب

Richard Abi Khalil
مهما يا بو اجرود عالموقع تجود
الا بقفا المجرود ما بشيلك بِعود
وَبرَك وبر القرود والعينين سود
ذيلك طويل وغزمك بكبر الزنود
لا للكتابي بتنفع ولا للخلود
بالرقوَصة مهتمّ وكرهت الجمود
ومهما مدحنا فيك بين الحاضرين
بتضلّ قرد ستوك من بين القرود

ألشاعر سليمان طراد

قديّش بدّك قتل معنا تا تطوف
وتصير متل البحر شاعر فيلسوف
ديلي القوافي وماشيه خلفي الحروف
والضو رمحي والوحي عندي سيوف
بتقول عني قرد ..قدام الضيوف
رح فهّمك بالشعر مش ضرب الكفوف
البوبو البيعينك قرد شيلو واقلعو
تا نشوف يا ريشار كيف بدك تشوف

ريشار

استحليت مرة تربحو معنا الحرب
بالرغم عم شرّبكم الفكرة شرب
وتا جاوبك يا مهاجر بارض الغرب
ومن هيك ردي بخرسنَك من دون ضرب
بقلع البوبو اليوم يا بوبو الزجل
وعا درب طاه ا حسين بمشي هالدرب
Y

ألشاعر سليمان طراد
يعني اعترفت وصرت تقبل بالعما؟
ما كنت شمس وضاويي قبالي ...!! العمى!!
سامع بطاه ا حسين كاتب ..إنما..!!
بعمرو ل مدرسه القصايد ما انتمى
بتخرسن الحسون .يا لعبه دمى
وناسي البحر صوب السما مجدو سما
الأعمى نهر والبحر ناطر يحضنو
بتشهد عليي ..مفتحه نجوم السما

Richard Abi Khalil
من نهرنا يا بحر بعطيك الخَتم
عا شرط تقدر تربح بآخر ختم
انت العتم ومغرّق الناس بعتم
من ارملة عا زوجها بْلعتو بحتم
ومن والدة عا ابن كفرِت عالكتم
وفضحِت سرارك عا مسامعنا وعَ تم :
يلي غصيبي جمّلوك وكرّموك
عند النهاية كرفتولَك بالشتم


ألشاعر سليمان طراد
اشتمني ما زال الشتم عندك فلسفه
وضدي عا جرحك عض ..بالشتم اكتفي
لما انعمى عا قلبك وقلبي صفي
بان الفرق بيناتنا بالمعرفه
خدت العمى ..ومن بعد ما طيفي قفي
نسبتو إلي..!! اوعى تجاوب بالنفي
لا تخاف يا ريشار ما بعتب عليك
عارف بها الساعه ..بتبقا منطفي

Richard Abi Khalil
عالشتم يلي تعوّد وحب اللَمْعْ
صعبي عليه نغيّر العادة بقَمع
زيتون كنت وبنطفي زيت بقمع
عنقود كنت وبنطفي خمرا بدمع
وبكنيستك موجود بكتاب الصلا
وعم بنطفي عا مذبحك متل الشمع

ألشاعر سليمان طراد
يا منطفي اياك تقطع عا الدروب
الشمعه اذا طفيّتها مش رح تدوب
الخمره اذا صبيّتها بكاس الذنوب
بتولع خطيّه بالنوايا تا توب
لولا انطفى مشعالنا بارض الجنوب
مسابح النصر تفرفطوا فيها الحبوب
ان طفيّت شمع الحب بليالي الغوى
دخنة شموع الشوق رح تعمي القلوب

الشاعر كريم يونس
بتنده خليل و زين هيكي على عجل
تا تزين حالك حد شعر المرتجل
لازم خليل نفيّقو و يفيق زين
تا يقبروك و يرجعو يغنو زجل

ألشاعر سليمان طراد
قبرني متل ورد المواهب زنبقه
بتطلع عا صدر البنت قونه معلّقه
نحنا سما الابداع وزهور التقا
فينا مسيح الشعر بالمعنى التقى
للظالم المغرور عنا مشسنقه
وللشاعر الموهوب بدله معرقه
يعني اذا بنموت معهن رح نعيش
هودي كبار تخلدو بدنيا البقا

الشاعر كريم يونس
الشاعر كريم يونس
يا مزوزق الاشعار بالصوت الرخيم
و سلسالك بيرقص على صدور الحريم
بتطمع بجنة تكون للمؤمن نديم
غلطان يا شيطان لازملك حكيم
كل البيموتو رح يعيشو من جديد
هنّي بنعيم الشعر .. انتا بالجحيم
ألشاعر سليمان طراد
تركني بجحيمي نام عا صدور الزوات
تا يفيق فيي العمر متل الزكريات
لما بيموت السكر بغزل البنات
بيعيش طعم الحب ع شفاف البنات
وخليك انتي بالسما راهب ممات
اندر العفه واسلك دروب النجات
وخود الطهاره كلها وخلي الي
طاقة أمل من زغرتي بحب الحياة

الشاعر كريم يونس
تركني انت .. اترك جمال السوسني
تا شم ريحة رب جنة ملوني
بهيدي الدني لو كنت صاحب سلطني
بتفرفر و بتعيش شي مية سنة
يعني حياتك زايلي عالهيّني
و فوق الخلود بطلّتي رح يعتني
يعني انا بزور السما متل الملاك
بترك دني و ببلّش بتاني دني

ألشاعر سليمان طراد
ألشاعر سليمان طراد
قبلك ملاك الشر بديار الضنا
بجنه جحيمو رستق وفيها اعتنى
وملكه الكلمه العايشه بجنه غنا
صارت متل شيطان توحي بالغنا
يعني انا وياك ما شفنا الهنا
وروحي وروحك بانيي أساس البنا
مطرح ما روحك تطلع بينزل ملاك