عواطف جياشه بحر الزجل

سكرة النسيان

بعد التعب..والشوق والحرمان
أيا نجاح..بيتركك راضي؟
ما زال ما بترتاح يا إنسان
الا ما فيك تعيّش الماضي

في اسطواني بعالم النسيان
بتبرم على الفاضي بزمن فاضي

لا تقول بدّك.. قول لو فيي
رجّع حلم دافي بوجع بردان
واكسرحنين عواطفي عليي
تا تضل فيي سكرة النسيان

وحسّك تعب قلبي بعينيي
منشان اصرف ثروتي بلبنان

دقت التعب بكفوف إيديي
وما في زمان بيسأل عليي
وضليت انحت باليأس تا صار
اطرى من الهليون بشويي

ومن كتر ما رمل الوقت قهّار
طحنت السهر عا كفوف حلمي نهار
وغمّست بالي بالصبح تا صار
كحلة مسا وكحّلت عينيي

ألشاعر سليمان طراد
21 de diciembre a las 11:11 ·
أمي..

عارف تعبتي..ومين متلك مين ..؟
لا تصدّقي ...! الأخبار..فيها بهار
لما معي عشتي ..شي سبع سنين
ما تحسيسيني بغربتي ولا نهار
وبالرغم ما كانت جروحك نار
تقولي لا تفزع ربّنا ب عين

حملتي الوجع يا بركة المشوار

مين منا بيقدر بيوفي
أتعاب .ومحبه بلا غايي
وكل الحصدتو من جنا كفوفي
مزروع بكفوفك ...!! التربّايي..
هيي السبب ..ما كانت الغايي
وحتى بسعاده كلنا تشوفي
درب الوجع...بعدك مكفّايي
ما بتتعبي ..من حملة الرايي

عنّا ولاد و دورنا جايي

» اقوى حوارات بتاريخ الزجل بحر الزجل وحسّان البسطاطي
» بخر الزجل ومخايل لطيف رايس عصبة الزجل بسدني
» عيد بحر الزجل
» افتنااحيات بحر الزجل
» شعر الزجل !!!