منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» طير الفنيق رامي نعيم وبحر الزجل
الأحد نوفمبر 04, 2018 7:43 pm من طرف سليمان

» فادي فياض وبحر الزجل تشدشد وتحلحل
الأحد نوفمبر 04, 2018 6:12 pm من طرف سليمان

» زينب والبحر سياسي
الجمعة أكتوبر 12, 2018 8:10 pm من طرف سليمان

» قتله تاريخييه زينب والبحر زعيم وشعب
الإثنين أكتوبر 08, 2018 9:44 pm من طرف سليمان

» خلاطشات شعريه
الإثنين سبتمبر 24, 2018 11:35 pm من طرف سليمان

» زينب والبحر مناوشات
الإثنين سبتمبر 24, 2018 11:31 pm من طرف سليمان

» عدنان سعيد وبحر الزجل جوقة البيادر
الإثنين سبتمبر 24, 2018 11:28 pm من طرف سليمان

» زجليات فيسبوك
الإثنين سبتمبر 24, 2018 11:27 pm من طرف سليمان

» نسر وبحر الزجل زكزكات
الأحد سبتمبر 02, 2018 7:12 pm من طرف سليمان

» عدنان سعيد وبحر الزجل التحرش الجنسي
الأحد سبتمبر 02, 2018 7:06 pm من طرف سليمان

» زجل
الأربعاء أغسطس 29, 2018 11:45 pm من طرف سليمان

» شادي موسى وبحر الزجل ارتجاليات
الجمعة يوليو 27, 2018 11:34 pm من طرف سليمان

» عركه شعيبيه
الأحد يوليو 22, 2018 10:40 pm من طرف سليمان

» مارون البستاني زالبحر
الثلاثاء يوليو 03, 2018 11:57 pm من طرف سليمان

» عيد البي
الثلاثاء يوليو 03, 2018 11:50 pm من طرف سليمان

» قصايد بحر الزجل2
الثلاثاء يوليو 03, 2018 11:47 pm من طرف سليمان

» رامي نعيم يغلط بحق البحر
الثلاثاء يوليو 03, 2018 11:26 pm من طرف سليمان

» عطشوا المواقع يا بو أسامة
السبت مارس 24, 2018 3:47 am من طرف مهيب

» زينب والبحر
الخميس فبراير 22, 2018 1:01 am من طرف سليمان

» غزليات او..بحر الزجل
الخميس فبراير 22, 2018 12:55 am من طرف سليمان

» كفر وايمان عدنان سعيد وبحر الزجل
الخميس فبراير 22, 2018 12:34 am من طرف سليمان

» حوار الكيس شادي موسى وبحر الزجل
الإثنين ديسمبر 25, 2017 8:19 pm من طرف سليمان

» شردلات ميلاديه
الإثنين ديسمبر 25, 2017 8:12 pm من طرف سليمان

» عواطف جياشه بحر الزجل
الإثنين ديسمبر 25, 2017 8:08 pm من طرف سليمان

» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 كفر وايمان عدنان سعيد وبحر الزجل

اذهب الى الأسفل 
كاتب الموضوعرسالة
سليمان
المدير العام
avatar

عدد الرسائل : 2741
تاريخ التسجيل : 13/03/2008

مُساهمةموضوع: كفر وايمان عدنان سعيد وبحر الزجل   الخميس فبراير 22, 2018 12:34 am

يحر الزجل

عدنان ..سعيد محتار

مبارح قبل ما نام فيّقني القلق
والشك عا حشريّتي سهمو انطلق
مين الله..ومين نحنا بها الوجود
من الغيب خلق الكون ..! أو الله الخلق


Adnan R. Saeed

يا بحر بدّك هالخليقة تسبّنا ؟
خلّي حدا لولا سمحت يحبّنا
الله الخلقنا و بقوالب صبّنا
من بعد ما برحم الأمومة ضبّنا
كوني فكانت هيك كوَّن هالدني
و ان كان عندك شك شِك بربّنا

ألشاعر سليمان طراد
شكّي ضروري..وواجبي مش عن عمى
آمن بالله ..وإسأل وجوب الحما
الإيمان أعمى ..بالشريعه إنما
تا نشوف خيرو طوفن وزرعو نما
لازم نشكك بالإله وبالوجود
تا نشوف كنّو الكفر نقمه من السما



Adnan R. Saeed

اوعا تشك بربنا و تمضي صكوك
بكرا عند ما تموت مش رح يرحموك
آمن بحجرة تا الحجار يباركوك
كيف لو بتآمن بتاج الملوك
الله اساس الملك هوّي الجابنا
حاجي كفر يا بحرنا يرحم ابوك


ألشاعر سليمان طراد
ما زال جهلك قصة شكوكي اغتنم
آمن لوحدك بالحجاره ...وبالصنم
مفروض نقنع تا نآمن بالإله
برفض نكون بها الدني شلعة غنم
ههههههههههه



Adnan R. Saeed

الله بعت موسى بطهرو ينجلي
و قلّو على فرعون كب المحدلي
و ودّا المسيح العا دروب الجلجلي
دمو من رفاقك على جسمو شلي
وطل النبي و حدّو ولي اسمو علي
تا نهتدي و ننسى الزمان الأوّلي
وان كان مش قنعان بعدك بالإله
حدّك حريق جهنم و دار البلي

ألشاعر سليمان طراد
بآمن بألله؟.كيف قلّي وبالخبي
بيفيق شكّي ..بالنوايا الطيبه
وبيسأل وبيقول طيّب لو ربي
عنّا الرسول وعاش يسوع الأبي
ليش النبي ما كان أصلو أجنبي
ويسوعنا ما كان قبرو ببو ظبي
ومن بعد ما شفت المجاعه بالهند
بلّشت اكفر بالمسيح وبالنبي


Adnan R. Saeed

يا كافر و جايي بحجة مبهمي
حتى بحضن شيطان شعري ترتمي
بالهند في اجناس ناس مكرّمي
لكن لأهل السيخ بعد الترجمي
ودّا عذاب الجوع للعبدو البقر
و الدور جايي عليك شد الأحزمي

ألشاعر سليمان طراد
ما زال الله ظالم..وعبدو فقير
كيف بدي إعبدو..وقرر مصير
بآمن أنا بالعدل واليوم الأخير
وما بآمن بأديان نهبت تا تصير
بالهند بالصومال في موقف خطير
في شعوب عم بتموت..عم تاكل شعير
ما تنكّرو للرب أو عبدو البقر
لو كان ربّن عادل وعندو ضمير


Adnan R. Saeed

حاشا و كلا يظلم الرب الغني
و هوّي الغفور، النافع ، المُغني ، الغني
الجبّار ، و الغفّار ، و النور السني
التوّاب و الباقي بقلوب المؤمني
هوّي الأحد هوّي الصمد و بيعتني
بكل الخليقة التحت عرش السلطني
بيجرّب ولادو بالدني بلا ولدني
بالقهر و التعذيب و الجوع الدني
ومش رح تلاقي بجنّتو مطرح الك
ان ما عذّبك و حملت آلام الدني

ألشاعر سليمان طراد
لا تدافعوا عن رب عم يعمي قلوب
حكام عم يستفردوا بجوع الشعوب
وين الاله ومين شافو عا الدروب
تا صدق ومن بعدها برجع بتوب..
شكيت ب الله ومابشعر بالذنوب
من بعد، ما شفت البلاوي والحروب
لو كان، في، الله ومسيح بها الدني
وقف بعدلو مجزرة قانا الجنوب


Adnan R. Saee
ان ما شفت الله ؟؟ سآل موسى يا فصيح
شافو وسجدلو ، هلوّس و بلّش يصيح
و انت وانا شفنا ولادو عن صحيح
شمس و مجرّه و ارض بالكون الفسيح
و نور و عتم و بحور عم تهدر منيح
و غيم و شتي و برق و رعد و جنون ريح

و من ارض قانا جيت بالقول القبيح
تشكك بِ الله و طهر يسوع الجريح ؟
هيدا ابن مريم المش ناطر مديح
حوّل الـمَيّي خمر او مشّى الكسيح

و مافي حدا شافو ؟؟ و بهالقول الصريح
بقلّك صحيح و هيك بقدر استريح

موسى قشع الله و مسيحك ما انقشع
رح صير متلك شك بوجود المسيح

ponder · 3 s
ألشاعر سليمان طراد
ألشاعر سليمان طراد
شكك بعيسى ..فيك حاجي فزلكي
ولا تحط حجه طائفيه ..بنتكي
هههههههههههههههههههههه

موسى حكي...! وبالدين .في قـــال..وحكــي؟
وراوي روي اللي صار .خدلك ها الحكي..!!
يا بو بهاء العقل خزّان الزكي
والشك ..حجّه للحقيقه المربكي
داعش نعتنا بالجماعه المشركه
ودبّح بإسم الدين تا شبعنا بكي
لازم علينا نزور جامعة الأمم ؟
أو عند الله ووين لازم نشتكي..؟


Adnan R. Saeed

الشكوى لغير الرب شو غاياتها
الا مذلّة و احتقار لذاتها
و داعش علينا كتّرت هجماتها
منها خلصنا وانتهت ويلاتها
ما منلجأ لعصبة أمم ساداتها
سرقو اراضينا و غنى خيراتها
و بنت الهوى اللي معرعجي طرقاتها
وكل الشباب بيحضرو بسهراتها
كيف بدك تشتكيها لإمّها
وهيي اللي عم تقبض من زبوناتها


ألشاعر سليمان طراد
أنا كافربألله ما ببالي
عا حالي مش عا ألله اتكالي
رفضت الإنصياع لحكم الله
جيــبوا ربّكن...يوقف قبالي!

وع سيرة رب..أو مرسل تولّى
يبشّر بالقداسه وبالرساله
قلي وين الله بفنزولا
ورب الجوع فاتك بالأهالي

وما زالو الرب بتقولو تجلّى
ل موسى..عا جبل شامخ وعالي
قلّي ليش تا تصرصع وصلّى
وما رد على الإله بصوت عالي

ومسيح االلي انصلب عا الجرح خلّى
بقلبي الشك يكبر ما بغالي
ليش بوقتها ما قال كلّا
وطالب ربّنا بحكم العداله

انا لوما بغربه وعمر ولّى
تا كنت من الطوائف شلت حالي
ونفرت من المصلي والمصلّى
وحتى الدين ما بعلّم عيالي

انا يا بو بهاء غلطت جلّى
من لا يخطئ وبعرف خصالي
افتكرت الرب عن عبدو تخلّى
تاري الرب عندو العبد غالي

اغفرلي يا إلهي ..الكفر ولّى
انا إنسان عندي حس عالي
كفري واقعي وحلمي معلّى
على جوانح خيالي وإنفعالي

شوف الحج عين الشرع ملّا
وصلاتو بالحكي اطول مقالي
وعند الحق حقو فرنك إلا
ضميرو متل تنوره ببالي

الكفر مش بالإله وحق الله
كفري بظلم بتعيشو الأهالي
كفري بالوطن والدين علّى
يفيق الشعب وتصير الطوائف
مثال يطالب بحكم المثالي

dnan R. Saeed ختام
يا مشهوَني عليي و على شفافي
و عم تشحدي لهبات نفنافي
من ربنا و من غضبة الرهبان
ما بتفزعي ؟؟ و ما بتعرفي تخافي؟؟

الله !! الإله الخالق الأكوان
بأدياننا نزّل شرح وافي
المفروض نحنا نقدّر النسوان
و ما يرخصو عا فراشنا الدافي

و شفنا كمان الحق بالأديان
بلوح الوصايا و من عهد قافي
ما تسرق و تقتل يا هالانسان
و ممنوع تزني و شرعك تجافي

و انتي تا تطفي فُـرْنِـك الشعلان
مش بالحرام بليلك الغافي
تبقي انطري تا يهجمو العرسان
وحدو الحلال علاجك الشافي

و بدك انا اعمل معك شيطان ؟؟
و تترقوَصي بالليل عا كتافي ؟؟
لا لا انا من الآخرة فزعان
من جهنم و من نارها الدافي

يا كافرة و بتشبهي سليمان
و بمعبدو عم تركعي حافي
لا الدير رح يرضى ولا الصلبان
تجيبي إلو من جسمك ضيافي

روحي اركعي لمار شربل المنصان
و لعند رفقا زيارتك كافي
بلكي بتحضي بنعمة الغفران
و من الخطايا كتير تتعافي

و ان كان عندك عالكفر إدمان
و مش رح تتوبي و توبتك صافي
شوفي حدا متل البحر جهلان
كافر و نور محبّتو طافي
و دوبو سوى و بكرا بتاني مكان
في نار ما بتشبه نيران التخت
ولا متل طعم النار بلحافي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.yoo7.com
 
كفر وايمان عدنان سعيد وبحر الزجل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: مروج ألزجل-
انتقل الى: