منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» فادي فياض وبحر الزجل تشدشد وتحلحل
الأحد ديسمبر 02, 2018 8:23 pm من طرف سليمان

» طير الفنيق رامي نعيم وبحر الزجل
الأحد نوفمبر 04, 2018 7:43 pm من طرف سليمان

» زينب والبحر سياسي
الجمعة أكتوبر 12, 2018 8:10 pm من طرف سليمان

» قتله تاريخييه زينب والبحر زعيم وشعب
الإثنين أكتوبر 08, 2018 9:44 pm من طرف سليمان

» خلاطشات شعريه
الإثنين سبتمبر 24, 2018 11:35 pm من طرف سليمان

» زينب والبحر مناوشات
الإثنين سبتمبر 24, 2018 11:31 pm من طرف سليمان

» عدنان سعيد وبحر الزجل جوقة البيادر
الإثنين سبتمبر 24, 2018 11:28 pm من طرف سليمان

» زجليات فيسبوك
الإثنين سبتمبر 24, 2018 11:27 pm من طرف سليمان

» نسر وبحر الزجل زكزكات
الأحد سبتمبر 02, 2018 7:12 pm من طرف سليمان

» عدنان سعيد وبحر الزجل التحرش الجنسي
الأحد سبتمبر 02, 2018 7:06 pm من طرف سليمان

» زجل
الأربعاء أغسطس 29, 2018 11:45 pm من طرف سليمان

» شادي موسى وبحر الزجل ارتجاليات
الجمعة يوليو 27, 2018 11:34 pm من طرف سليمان

» عركه شعيبيه
الأحد يوليو 22, 2018 10:40 pm من طرف سليمان

» مارون البستاني زالبحر
الثلاثاء يوليو 03, 2018 11:57 pm من طرف سليمان

» عيد البي
الثلاثاء يوليو 03, 2018 11:50 pm من طرف سليمان

» قصايد بحر الزجل2
الثلاثاء يوليو 03, 2018 11:47 pm من طرف سليمان

» رامي نعيم يغلط بحق البحر
الثلاثاء يوليو 03, 2018 11:26 pm من طرف سليمان

» عطشوا المواقع يا بو أسامة
السبت مارس 24, 2018 3:47 am من طرف مهيب

» زينب والبحر
الخميس فبراير 22, 2018 1:01 am من طرف سليمان

» غزليات او..بحر الزجل
الخميس فبراير 22, 2018 12:55 am من طرف سليمان

» كفر وايمان عدنان سعيد وبحر الزجل
الخميس فبراير 22, 2018 12:34 am من طرف سليمان

» حوار الكيس شادي موسى وبحر الزجل
الإثنين ديسمبر 25, 2017 8:19 pm من طرف سليمان

» شردلات ميلاديه
الإثنين ديسمبر 25, 2017 8:12 pm من طرف سليمان

» عواطف جياشه بحر الزجل
الإثنين ديسمبر 25, 2017 8:08 pm من طرف سليمان

» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 عركه شعيبيه

اذهب الى الأسفل 
كاتب الموضوعرسالة
سليمان
المدير العام
avatar

عدد الرسائل : 2742
تاريخ التسجيل : 13/03/2008

مُساهمةموضوع: عركه شعيبيه   الأحد يوليو 22, 2018 10:33 pm


زجل او دجل يا علي

حابب قبل ما نام اطرح مسألي
عن بو علي اللي كان رب المرجله
خلف قبل مامات أو دخلك نسيت
خلّف بعد ما مات ...قولك يا علي؟

علي جعفرجاوب
Ali H Jaafar
‎خوابي الشعر‎.
يا سائلي عن زين اسمع هالجواب
الخالد اذا بيموت ما بيكون غاب
خلف قبل ما يموت تاريخ الزجل
وبعد الممات حجار بترندح عتااب

شاعر سليمان طراد
خلّف حجاره.؟بعتزر ما فهمت كيف
معقول خلّف منبر ودف وزقيف؟
يما بتقصد روس صوّان وحجر
ان صح قولك يا خساره ويا لطيف!!
عععععععععع
23

H JaafarAli ‎خوابي الشعر‎.
سمع خليل "المقبرة" للمحبرة
ومن يومها الابداع طايف عالثرى
ولما تراب المقبرة عيط لزين
راح الزجل من مقبرة عا مقبرة


سليمان طراد
لا تفتكر بو روكز بعمرو لحد
هوّي وزين تنين غيرن لا أحد
دشّر خليل المقبره ومات الخليل
وشحّاد زين شعيب عا المنبر شحد

كمال شعيب
يا بحر بعدو زين فوق الفرقدين
محفور اسمو بكل قلب و كل عين
و من غيبتو لليوم و بيوت القصيد
متل اليتامى أصبحوا ع غياب زين



Ali H Jaafar

شحاد زين من الليالي بدرها
ونورو على العتمات كاشف غدرها
بس المصيبة بالشحد عا اسم زين
حفلات قد جبال عالي قدرها



Adnan R. Saeed ‎خوابي الشعر‎.
هالمقبرة يا بحر ما بتهزّني
و زين الطلع عا كون بوجودو غني
بيكون ناطر تا الدني تبعت حدا
و الناطرو متمسّكي فيه الدني


سليمان طراد
كان السؤال لمين ورّت مرجله
مجدوتا بعدو عا المنابر يعتلي
تاري بقي الشحاد متل المقبره
هني اللي بقيو من خليل وبو علي


JaafarAli ‎خوابي الشعر‎.
بدك الدغري من خليل و بو علي
ولا حرف باقي وبعدن المنبر خلي
وحاول طليع يشد بالمنبر طلوع
بس موسى شد فلس الارملي


كمال شعيب
بنقول زين ال غاب نيالو ارتاح
و تاركلنا خمرة الأصالة بالقداح
و بيضل طيف الزين بليالي الزجل
متلو متل فيروز لو طل الصباح


Adnan R. Saeedخوابي الشعر‎.
بين مقبرة و شحاد مين بيشتهي
هيكي نهايي لجو منبرنا البهي
الله اخد نجمين بين أمر و نهي
تا بالسما منبر زجلنا يزدهي
وخللا خميري بهالدني حتى الزجل
يطلع عجينو و المجاعة تنتهي

ألشاعر سليمان طراد
موسى بعد بو روكز العز ارتدى
وبعدو بو شادي تعملق من المبتدى
مات المعلم بعد ما ورّت وليد
وشمعون مات وما قدر ورّت حدا
هههههههههههههههه

Ali H Jaafar

يا بحر لا تسأل وضوح البينات
الشمس ما بدها دليل وملحقات
بعد الممات الزين ما ورت حدا
قسمو الورتة وزين عا قيد الحياة


ألشاعر سليمان طراد
ألشاعر سليمان طراد
يا زين شعيب ببكي عا غيابك
لأني بحس قدسيّة عذابك
طعمت الكل منك شاعريه
وما شبعو منّك النعمه شبابك

انا يا زين بحكي بطيب نيّه
ما تابعتك وزعلو حبابك
كنت رابي ع نغمي مووسويه
وزكا فطريتي المره استغابك

بعركة شعر وقعتك ضحيه
بجهلي وما كنت احسب حسابك
رجعت اسمع قصايد مخمليه
كنت تقولها بمطلع شبابك

الدهشني طيبتك والعنتريه
اللي فيها للمجد شرّعت بابك
ولأني اليوم نادم عا الخطيه
رايح اركع وصلي عا قبرك
تا اشحد شاعريه من ترابك


Ali H Jaafar
Ali H JaafarAli y 5 personas más administran los miembros y las publicaciones de ‎خوابي الشعر‎.
رايح اركع و صلي عاقبرك
واخلط دمع عيني بدمع حبرك
لحتى ترجع حروف المجيدي
خفيفة ظل من روحك و صبرك

نمت يا زين عالفرشة البعيدة
برضا وما بعتقد انسان جبرك
لانو روحك الكانت عنيدي
ما بتركع قدر ما الموت فبرك

ويا بحر اليوم سهرتنا سعيدي
ومن القداس يمكن قول ابرك
لانو ان كانت الكلمة عقيدة
وباحساسك كتبتلك قصيدة
الله بشوف بين حروف عبرك
21

ألشاعر سليمان طراد
ألشاعر سليمان طراد
يا بو شادي يا خزنتنا الملاني
لا تزعل لو توجّهلك إهاني
من شعّار زقّمتن جديدك
وعطيتن من حلم الله معاني

كانوا يصرّحو انو عبيدك
تا يتعملقو بمنبر غناني
عضّو بعد ما شبعو بإيدك
ونقلو بالجفت عا كتف تاني

يا بو شادي اسقيني من نبيدك
لأنو نبيد موهبتك فطاني
وتايشبع بحر همي من نهيدك
عتّق جرح موهبتي وفني
بخوابي تعوّد عليها زماني
26
Abbas Chouaib
افهم يا بحر ل ما الك عندي رصيد
ابن الشهيد بيطمح بصفي شهيد
و هيكي ب بيت شعيب يا بحر الزجل
الطفل لي عنا ان فاق بيكاغي قصيد

ألشاعر سليمان طراد
كلمة بيطمح صح مش هيدا السؤال
جاوب بلا تحليل تا ننهي الجدال
من بعد زين شعيب عا منبر زجل
مين الوريث القادر يقيم الحمال؟


aafarAli y 5 personas más administran los miembros y las publicaciones de ‎خوابي الشعر‎.
عتق جرح موهبتي وفني
بخوابي كاسها بقفي بتني
ولانو الجرح عنوان المعنى
العنة سابقت مليون عنة

يا بو شادي اللي عشر سنبن غنا
وطعمتو هندبة و قراص عنة
اجا بعد الشبع ليك و تجنى
وقلب بستانك المخضر بني

عرفتو مين برماح واسنى
طعنو ظهر بو شادي..وهني
حجار و طايشة من دون بنى
الاصالة مش متل ابن التبني

كافي تقول عا طفلي استنى
الخير بعاجلو ان ما خاب ظني
لازم يعرف الكل بوطنا
العطيتو دف لو ما باس ايدك
جريمة يضل عالمنبر يغني
18

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.yoo7.com
سليمان
المدير العام
avatar

عدد الرسائل : 2742
تاريخ التسجيل : 13/03/2008

مُساهمةموضوع: رد: عركه شعيبيه   الأحد يوليو 22, 2018 10:40 pm


Abbas Chouaib
حاجي خلف زين المنابر تختبي
و من سماع اليوم جملة يا صبي
نحن منفهم بالزجل و الارتجال
و مش بالغصب نورت يا بحر .. الموهبة

ألشاعر سليمان طراد
كم في ولد بالبيت يا عبّاس روق
لا تشتري بعقولنا ضلّك خلوق
اتفقوا عا شي اسمين حاجي بهلني
الكل متلك عم يطالب بالحقوق
ههههههههههههه

Abbas Chouaib
باقي متل ما انت يا بحر الزوال
وسع مجال الفن لو ضاق المجال
و حقي انا ما ضاع متلك يا صديق
حقي اخدتو بالشعر و الارتجال

ألشاعر سليمان طراد
عباس يا عباس لا تحكي بلاش
تحكي معي بحفلات وبمنبر وكاش
بهنيك كانت حفلتك الها صدى
وبعرف خسرتو وكرتها كان ببلاش


Abbas Chouaib
عندي الشعر يا طراد ثورة مش كلام
و حكيك عن الاموال ما عليه الملام
ل متلك بغنو ت المصاري يجمعو
و مش فارقة لو جمعو مال الحرام

ألشاعر سليمان طراد
عا ها الكلام الناس صدق ذمّتك
ومن بين ديي ما حدا بيظمتّك
مالي حرام منين عارف يا ولد
احلف على القرآن حط بذمتّك

Abbas Chouaib
حاجي يا ابن طراد تعمل بو لهب
ل ما صدق ل قرآن ت كفو نهب
و متلك و متلو كتار صفو بالزجل
يبيعو الكرامة بس لو خش الدهب


سليمان طراد
بعرف علي زتك بدربي وكرفتك
وما كنت عارف بالبحر رح تنفتك
ان ما حلفت عا القرآن بالصدق اليمين
عا جهنم الحمرا قليله نبعتك

Abbas Chouaib
الردة ل بقيت فاضية من المحتوى
فرضت عليي سنين ما نغني سوا
و بحلف على القرآن يا بحر الزجل
لما القضية تكون قد المستوا


ألشاعر سليمان طراد
الحلفان كفر وكيف بدنا نصدقّك
ما اكذبك ما اجلقك ما انفقك
بتكذب عليي بفهمك بس الغريب
بتغش حتى الزين تورت خالقك
Abbas Chouaib
حيرتني يا طراد شو بقلك بقى
بحلفان مش حلفان مةضوع ارتقى
و بعيلتي عند حدا يورت حدا
لكن ببيت طراد ورتة ما التقى

ألشاعر سليمان طراد
ألشاعر سليمان طراد
يمكن الزين ظروف بيتو جبرتو
يغني مع وليدات يخفي قدرتو
والبحر يا عباس اشحد غبرتو
حاج حاطت نقرتك من نقرتو
حالف قبل ما موت ما ورت حدا
البحر غير الموت مش رح يورتو
12

Abbas Chouaib
Abbas Chouaib
يا مورت الموت ل من حبابي دنى
يا قاتل اللحظات ب ديار الهنى
شوف الفرق بيناتنا ان صار الضنى
كف لي متلك جار ع سنينو و جنى
انت كسرت قلب لي ربو بهالحياة
و جبر الخواطر بالدني عليي انا
11


ألشاعر سليمان طراد
ألشاعر سليمان طراد
عباس يا عباس يا عباس
كرمك بحقل الموهبه يبّاس
روح نام بدي نام عندي شغل
يا روح غني شعر عبي الراس

بتنغل بحقل الشاعريه نغل
وبتدعّي بالفن يا نسناس
وبالزين متكنى وزيتك زغل
مزغول بالأسفاف والإفلاس

الكلمه القصيده نحت بدها وشغل
واحساس يحكي بلغة الأحساس
وشاعر بيخيّل عا المدا مش بغل
وسيّد المنبر شاعر وصادق
ولعيّب بيرقّص قلوب الناس


Abbas Chouaib
Abbas Chouaib
سليمان يا سليمان يا سليمان
بكار الزجل و الفن و الاوزان
انت لي متلك ضاع و مفلس
لا صوت لا افكار لا الحان
عضمك ع كتر التنبلة مكلس
و بتقول انك بالشغل تعبان
ع قرعتك يا ريت بتحلس
شاليش ريتو بهالدني ما كان
حكيك معي يا ريت بتجلس
و غير التواضع بالدني يا بحر
ما فيه مرة يعملك انسان
18
SaeedAdnan y 1 persona más administran los miembros, los moderadores, la configuración y las publicaciones de ‎خوابي الشعر‎.
ارتاحو.... ما زين شعيب بخلودو
واعي... وعم بيسيهر جدودو
و لولا عليه بتفتحو... منشوف
مية قصيدة شعر عا خدودو
اول قصيدي عن بطل معروف
قاوم قبل ما يموت عا حدودو
و تاني قصيدي عن أرض بتطوف
بخير الجنوب أل كلنا جنودو
و تالت قصيدي عن وطن مخطوف
كترو سياسييه و قرودو
و رابع قصيدي مغللفي بكسوف
عن شعرنا اللي فلفلو اسودو
و خامس قصيدي بدون صف حروف
فيها بكي عالمنبر و جودو
و كلمة عتب بتقول عالمكشوف
عم ينتهي منبر زجلنا و ليش
موسى و طليع و جريس شهودو

ن شعيب
موسى وطليع وجريس شهودو
غير الوتر ماحن عاعودو
كلما عامنبر فتحوا العينين
شافوا وجودو لاعن وجودو
وبيضيع فكرن صار بين وبين
ويتساءلوا عالشعر وورودو
ومن بعد نطرة ما نرد الدين
ولاكان شاعر يخرق حدودو
ادوار صاروا مع خليل وزين
يتذكروا بالدمع والحسرات
ويدعوا ل الله رفاقنا يعودو
13



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.yoo7.com
 
عركه شعيبيه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: