منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» طير الفنيق رامي نعيم وبحر الزجل
الأحد نوفمبر 04, 2018 7:43 pm من طرف سليمان

» فادي فياض وبحر الزجل تشدشد وتحلحل
الأحد نوفمبر 04, 2018 6:12 pm من طرف سليمان

» زينب والبحر سياسي
الجمعة أكتوبر 12, 2018 8:10 pm من طرف سليمان

» قتله تاريخييه زينب والبحر زعيم وشعب
الإثنين أكتوبر 08, 2018 9:44 pm من طرف سليمان

» خلاطشات شعريه
الإثنين سبتمبر 24, 2018 11:35 pm من طرف سليمان

» زينب والبحر مناوشات
الإثنين سبتمبر 24, 2018 11:31 pm من طرف سليمان

» عدنان سعيد وبحر الزجل جوقة البيادر
الإثنين سبتمبر 24, 2018 11:28 pm من طرف سليمان

» زجليات فيسبوك
الإثنين سبتمبر 24, 2018 11:27 pm من طرف سليمان

» نسر وبحر الزجل زكزكات
الأحد سبتمبر 02, 2018 7:12 pm من طرف سليمان

» عدنان سعيد وبحر الزجل التحرش الجنسي
الأحد سبتمبر 02, 2018 7:06 pm من طرف سليمان

» زجل
الأربعاء أغسطس 29, 2018 11:45 pm من طرف سليمان

» شادي موسى وبحر الزجل ارتجاليات
الجمعة يوليو 27, 2018 11:34 pm من طرف سليمان

» عركه شعيبيه
الأحد يوليو 22, 2018 10:40 pm من طرف سليمان

» مارون البستاني زالبحر
الثلاثاء يوليو 03, 2018 11:57 pm من طرف سليمان

» عيد البي
الثلاثاء يوليو 03, 2018 11:50 pm من طرف سليمان

» قصايد بحر الزجل2
الثلاثاء يوليو 03, 2018 11:47 pm من طرف سليمان

» رامي نعيم يغلط بحق البحر
الثلاثاء يوليو 03, 2018 11:26 pm من طرف سليمان

» عطشوا المواقع يا بو أسامة
السبت مارس 24, 2018 3:47 am من طرف مهيب

» زينب والبحر
الخميس فبراير 22, 2018 1:01 am من طرف سليمان

» غزليات او..بحر الزجل
الخميس فبراير 22, 2018 12:55 am من طرف سليمان

» كفر وايمان عدنان سعيد وبحر الزجل
الخميس فبراير 22, 2018 12:34 am من طرف سليمان

» حوار الكيس شادي موسى وبحر الزجل
الإثنين ديسمبر 25, 2017 8:19 pm من طرف سليمان

» شردلات ميلاديه
الإثنين ديسمبر 25, 2017 8:12 pm من طرف سليمان

» عواطف جياشه بحر الزجل
الإثنين ديسمبر 25, 2017 8:08 pm من طرف سليمان

» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 قتله تاريخييه زينب والبحر زعيم وشعب

اذهب الى الأسفل 
كاتب الموضوعرسالة
سليمان
المدير العام
avatar

عدد الرسائل : 2741
تاريخ التسجيل : 13/03/2008

مُساهمةموضوع: قتله تاريخييه زينب والبحر زعيم وشعب   الإثنين أكتوبر 08, 2018 9:44 pm


لغة وثقافه الشتم اعلن تعاطفي مع المسؤول لأي حزب انتمى

كلما حكي مستشعر وجاهل ندب
بتصير كذبه شهرتو... وحالو يقيس
بمسؤول مش مسؤول لو شخص انجدب
بحزبو ..تا عنّو نقول بالمجلس ابليس
المسؤول مش أنسان..؟ وسلاحو الغضب
ولك صدقوني النايب معتّر تعيس
مره بيعزّي... ويوم بيهنّي عريس
يعني خطيّه بحقنا ورأيي انا
مش كل مرّه نهاجمو وبلا أدب
في نص واضح...لا تهجّم عا الرأيس



Zainab Hmadi
هاللي كتبتو مش حكي علينا جديد
فعل الكرامۃ والشرف عنّك بعيد
جوّا الشعر عايش علی صفۡ الحكي
جوّا السياسۃ عايش بصفّ العبيد

ألشاعر سليمان طراد
اللي انكتب بالبوست يا زينب نسف
كل التجنّي عا السياسي ...ومش قليل
تحمّل شعب ساذج بيسبّو للأسف
ومن دون سبب مقبول حتى ولا دليل

وبتعرفيني الظلم اقبل...مستحيل

ليمان طراد
اللي انكتب بالبوست يا زينب نسف
كل التجنّي عا السياسي ...ومش قليل
تحمّل شعب ساذج بيسبّو للأسف
ومن دون سبب مقبول حتى ولا دليل

وبتعرفيني الظلم اقبل...مستحيل

Zainab Hmadi
يا مُرتَهَن يا ال فكرك سموم انعصر
مبسوط كيف الظالم بظلمو انتصر؟؟
لو كنت عايش بالفقر او بالمرض
ما كنت أعمی بالبصيرۃ والبصر

ألشاعر سليمان طراد
شو خص ها المسؤول لو حظك برم
شو في افاده بسبّهن...؟ شو غايتك
الشاعر يا زينب عا التواصل محترم
لا تجبرينا نقول هي تربايتك

تا تفهميني ..حضّري محايتك

Zainab Hmadi
تربّيت احكي الحق لو مهما يصير
وما انشری وانباع من فاسد كبير
تربيت امدح شخص في عندو وفا
وسبّ اللي ما عندو لا ذمۃ ولاضمير

ألشاعر سليمان طراد
مينك انت تا تحاكمي مسؤول كان
يتعب تا يوصل بالجهد للبرلمان
وأيا ضمير بتسمعي يا جاهله
البيسبّ عا الفيسبوك يا زينب ..جبان

امحي نصيحه بتاخدي مني الأمان


Zainab Hmadi
ما فيك ليي بالشعر او بالكلام
بتحط عا شخصي وعلی أهلي الملام
بدك شعر ؟بدك سياسۃ ناقشك
احكي معي بكبر ورقي واحترام

ألشاعر سليمان طراد
معروف عنّي ما بزوزق بالكلام
بحكي بمدا حريتي بشهد القلام
وبحب افرك دينتك تا تفهمي
ما بحب شوفك بالحبوسي يا مدام

انتبهي عا حالك لا بقا تزتي كلام

Zainab Hmadi
ولو كان بدّك للغلط باب وسبب
بفرجيك قيمۃ حالك بكل شي انكتب
بتغلط معي بقطع لسانك لو حكي
بتتأدّب بفرجيك كيف شكل الأدب

ألشاعر سليمان طراد
ما تفرّجيني عا الخرايط والسدود
ياما عجايب شفت ببلاد الهنود
بدك تفرجيني ولا بد تكرّمي
عرض الكتاف وبيّنا حطي حدود

كبرتي يا زوزو مأثره عليك الجعود

Zainab Hmadi
عم تسأل بقلّۃ وعي هالبنت مين؟
مأكد ما عندك لا ثقافۃ ولا يقين
الأرزۃ أنا وشعب ال من جيابو دفع
وهني عند هالشعب كلّو موظّفين

ألشاعر سليمان طراد
موظف صحيح وبس وقتو مش ألو
بالكاد مرتو تشوف منو مرحبا
وانتو النهبتو بلادكن ما بتخجلوا
ما بتدفعوا حتى فاتورة كهربا

كسرتو الزوق وقبل منها مركبا



Zainab Hmadi
بحبسي أنا رح حس نتفۃ بالترف
بحيث الشعب كلّو عم يعاني القرف
ما بسكت علی الظالم وعا سلطتو
بحكي ضميري وكون محبوسۃ بشرف

ألشاعر سليمان طراد
صرلك شهر يا بنت بتربي عدا
وصوتك ملعلع بالجبال وبالودا
لا تقنعينا بفلسفة فن السباب
لسانك طويل ..وما بتحترمي حدا

Zainab Hmadi
أعوج قعود ..وقول حرف المستقيم
ولا تبين عۡلی حالك معتّر غشيم
ال بيسرقو فواتير مي وكهربا
أهل الزعيم وكل حاشيۃ الزعيم

ألشاعر سليمان طراد
الأستاذ بري مبارحه السكر دروب
ضيّع وضاع من الأحبا والشعوب
فتّي ببوست تبهدلي الشعب الوفي
مش عيب تحكي عليه يا بنت الجنوب

Zainab Hmadi
بربّي عدا وصوتي يلعلع والصدا
ما بسكت علی ظلم صاحب او عدا
عا قطع راسي بقول كلمۃ عادلۃ
وبعرف ما رح يبقی إلي وحدّي حدا

ألشاعر سليمان طراد
من البيت خايف تطلعي وما تبيّتي
وما تنأذي وتا احبسك مش نيّتي
بيوقف زخم حريتك وبينلجم
عا حدود مفرق فلسفة حريتي


Zainab Hmadi
العيب الحقيقي تسكت علی ذل صار
متل الغنم حول الوفد كانو كتار
رأيي حكيتو وما قلت أهلي رخاص
أهل الجنوب كبار وبيبقوا كبار


ألشاعر سليمان طراد
الأستاذ شو زنبو تا صرتي تفشلقي
بالبوست ع محبين فيه تأهلوا
لازم بقا تعودي لرشدك ترتقي
الأنسان ما بيترك الغيره تاكلو


Zainab Hmadi
كيف الشعب عن نصرۃ الحق انعمی
كرامۃ زعيمو وراحتو بيسكب دما
ما بريد عندي يكون كومۃ آلِهۃ
ولا بريد أعبد غير ربي ال بالسما



ألشاعر سليمان طراد
الأستاذ شو زنبو تا صرتي تفشلقي
بالبوست ع محبين فيه تأهلوا
لازم بقا تعودي لرشدك ترتقي
الأنسان ما بيترك الغيره تاكلو



Michel Hoyek
مرة يا زينب لو طلبتي مناصرة
بموضوع حق الناس كلا باصرة
عنتر مش سليمان عند الطبطبة
روحو بتكة بشيلها من الخاصرة

Zainab Hmadi
سليمان متل الأرنب بجحرو انجَحَر
حارب بلا سلاح ومن الحرب اندحر
عايش بغير بلاد داير فلسفۃ
لو كان عايش بالبلد كان انتحر

Michel Hoyek
غفلة سليمان تاري مردّْها
لِغياب عن ارض الحقيقة وجَدها
العايش بلبنان عّم ياكل عصي
مش متل غايب بس عم بيعدها
يسعد صباحك


Zainab Hmadi Michel Hoyek
ٰال متلي ومتلك عا حكم فاسد عُصي
منحاربو بالحق والدمع العصي
وال متل ابن طراد خرج البهدلۃ
بالشعر بتعلّم علی جنابو العُصي

ألشاعر سليمان طراد
بعتب عا بو أنطون خلّاكي
تتعمشقي عا سلّمو تحاكي
الله الوحي..ومن بعدها صرتي
ع منّبرو بالشعر علّاكي

صرلك تلات سنين ما كبرتي
بالرغّم ما الأعلام علّاكي
وهيبة المرأه الطاهره خسرتي
وشيطان فكرك حوّش فواكي

كنتي بريئه ..!وشو تغيّرتي
وغصنك عا ظلّو مدهدك وتاكي
بعتي حلاكي وفاضيه ظهرتي
بيكفي على الجمهور تتزاكي

ما كنت بزعل لو تطوّرتي
كنت بصرخلك ما أحلاكي
وتا تصيري شاعره زكرتي
عا مغزلي مفروض تنحاكي

بيخبروني عا الشفط ثرتي
مين الحقد يا بنت ملّاكي..؟
لا تحلفي عا الحق دورّتي
تا تقنعيتي قلوب ملّاكي

من الشاعره..مصدوم..شو غرتي
ما في خطية شعر لولاكي
بعرف في عندك حلم فسّرتي
حلمك البحر ...البحر عنوانك
رح غطّسك بدموع أحزانك
وعندي وصيّه قصّري.. لسانك
رب الحوار البحر يا حرمه
ورب الشعر مفروض تحترمه
ولا تغلطي بال رب إياكي


ألشاعر سليمان طراد
يا ناطره من بنت يعقوبيان
تاخد بتارك ..متلك تقاقي
بالوغد عم بتشبّه الفرسان
هيدا حكي يا راقيه زقاقي

شو خص ريّس حزب مين ما كان
بأسلوب واطي وغير أخلاقي
تا تهاجموه بحقد يا نسوان
وهوّي الوحيد البالوطن باقي

انتو غلط بالمطبعه وخوتان
برفض أساميكن على وراقي
مفروض فيكن تحملو بلّان
وتنسوا السياسي وتلبسوا طواقي

الأخلاق ما بتنباع بالدكان
وحتى الوطن تا مجدنا نلاقي
بدو شباب بمرتبة جبران
شبعنا يا زوزو ناس نقّاقي

لا تغلطي بأستاذ عالي الشان
بجنوبكن متلو ما بتلاقي
هيدا ضمانه باقيه بلبنان
شو صرت اكرهكن يا ها النسوان
وبالزات... انتي ما بتنطاقي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.yoo7.com
 
قتله تاريخييه زينب والبحر زعيم وشعب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: مروج ألزجل-
انتقل الى: