إستقلال حرية سيادة

إستقلال حـــُرية سيـــادة ... رِجع مــَجّدك الغابر يا بلادي
ويسارك بادَرْ يحاور يمينك ... وقيادة رجعت تحاور قيــادي
ورجـّعو عا الديار مهجريِنكْ .. آستتبْ الأمــنْ صار الجو هادي
انقطع دابر جيوش الضالمينك ... وعَلينا غَفّت جــِناح السعاده
يا بلادي بأسم منـــــاضليـنكْ ... بأيا سيادة عــــــــم تـــــــنادي
سيادة زعامات مـــبّوسينـك ... الجزامي قبل تبويس الأيــــادي
استقلال القَتل خـِيرة بنينك ... بشعارات سـَمـّوُهـــا مَـــــبادي
حـُرية لـُصوص مجّوعِينك ... وتأخو ال الأمس كانو أعـــادي
لا خـَلـّوكي تصوني كتاب دِينك .. ولا خَلّو ركــنْ طاهر للعِبادي
النصارى والدروز ومسلمينك .. ما بين التطرّف والتمـــــــادي
بدكاكين الدياني بــــايعــِنــــك ... بأسم طـه الرسول وإسم فادي
وما زالنْ مجرمينك حاكمِينك ... وعا بَعض رقاب حـَمل النير عادي
يا بلادي سْألي اللي مّجاورينك ... ان علينا تكّـــرمو بحكم ذاتــــــي
بأستقلال إحــــــــكو وبّـــــســــــيادة

مشرف عدد الرسائل : 519 تاريخ التسجيل : 15/03/2008

رائعة ياحسوووووووووووووون شو هاااااااااااااااااااااااااااااااااااااااااااااااااااا؟؟؟؟؟؟؟؟؟؟؟؟؟؟؟؟؟
رهييييييييييييييييييييييييييييب كثير عجبتني هالقصيدة شكرا وتحياتي الك==========================

شكرا شاعرنا على المرور الكريم لاقيني عا الدردشة

قصيدة رائعة وكلام يحسن أن يكون دستورا.

بعد ما الكذب خلّص بالسياسي***يا شعب بلادنا لا تصير ناسي

وعوود القدموها يا معتّر***برفع الظلم عن ناسك وناسي

شفت لبنان سبعة الشهر أشّر***بايدو وقال ما بدنامااسي

وعيوب الفرز بالصندوق بشّر***طوائف حاكمة الخط الأساسي

وانا شاعر كتب من قلب مهجر***دموعي شوقها أحساس قاسي

وما بدي كون بالتصويت مجبر***لزعيم وشيخ داريهون اوواسي

الوطن يا حبايبي بيضل بيدر***وأرز لبنان تاج ووفوق راسي

لكن دين بو شربل محرر***من عيوب التطرف والحماسي

يا بن معروف يا خيي الموقر***ويا ابن الضاحية الحامل تعاسي

انت خيي وصديقي وورد زهّر***بمجلس لا زعامي ولا كراسي

تعوا نبني وطنّا وحاج نبطر***بخمرة نصر كلما جف كاسي

ونرجع نخلق من جديد عسكر***بوج الحقد وجيوش الضغيني

وعلى أعصابنا نشدد حراسي

وبما انو شعبيي ما اقتنعت ليش عازف عا المعركة مجبور اكد عزوفي
هههههههههههههههههههههههه
ملكوت من غنّى الزجل عا النت
بيان رقم 2

وتا أثبت بالزجل معكون وجودي***شفت عيننين بالموقع حقودي

حكمة قال ضدي رح يصوّت***وفادي قال ما بووفي بعهودي

انا ما اعتدت بالمتشات أوّت***لأنو كلمتي البذوق جودة

وبمرمى حبايبي ياما مفوّت***كوال وما حدا بيحمل صمدوي

انا رح ضل لبناني مخوّت***عقول الغرب وعقول اليهودي

ومش رح كون أقطاعي وأخوت***حدودك يا وطن هيي حدودي

شفت دمعات بعد الربح روّت***خدودون والزهر ورّد خدودي

سمعت مرشّحة ربحت ونوّت *** قالت يا شعب فزت بجهودي

ونحنا عارفيين القلب لوّت ***وطعم محطوط بفواه الأسودي

واذا الأنسان من جهلو بيصوّت***لحاكم دين مش نخبة ودودي

الوطن بيصير بالعيشي بيموّت***وبقلب المجلس بتحكي الفرودي

لها الأسباب رح أعزف وفوّت***فرصة شاعر وريّح زنودي

لأنو ما اعتدت بالوحل لوّت***اسمي ومركزي بمجلس نيابي
ولا بقبض مال ايراني وسعود

قصيدة أبو شربل رائعة وحرزاني، وحرزان الرد عليها، يلا يا شباب.

يـــــــا فــَجـــْر الحق الجــــَايـــــي **** زَهـــــــّرْ أيــــــــــلول
متــــل الشــَمـــــس مضـــَوايـــــــي **** رايــــــــة جـــَمــّــوُل؟

بسنيــــورة مشهـــورة ... أمس تحــَلّيت
وبعمولي مغـــــــمورة ... بقـَطــر تسليت
عِملو بأحشائي جورة ... حَتى آنحَليـــــت
يلعن بَي السنيـــــورة ... وبــَي المعــــــمول

المُفترض جاوب بمقطع قصيد ليكون الرد حرزان أخت ليلى مضطر أنقطع لفترة عن المتابعة لأني مضطر غبر اللبيت
على أمل متابعة الحوار مع الأخ حرف بعد ما يتسنى لي ذالك وإلى أن نلتقي تحياتي أخوكم حسن

يـــــــا فــَجـــْر الحق الجــــَايـــــي **** زَهـــــــّرْ أيــــــــــلول
رح بتـــضل مضــــــــــــوايــــي **** رايـــــة جــــمّــــول

عملو بدعة معتادي
و جابو نواب
واحد منهن بدادي
و واحد بواب
و كيف بدو بحقو ينادي
الشعب المرتاب
لما بيشوف بلادي
بهيكي مسؤول

بالاذن رفيق حسن غيرنا الفتحا وزكزكتنا ا بهل القرادية