منتدى برحليون للزجل أللبناني
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» كفر وايمان درب الصليب
طوني شلهوب وحرف بين الصخر والنهر فيس بووك Emptyالأحد مارس 03, 2024 1:19 pm من طرف سليمان

» بشير فغاضل وبحر الزجل
طوني شلهوب وحرف بين الصخر والنهر فيس بووك Emptyالأحد مارس 03, 2024 11:46 am من طرف سليمان

» اياد احوش وبحر الزجل
طوني شلهوب وحرف بين الصخر والنهر فيس بووك Emptyالخميس فبراير 29, 2024 10:09 am من طرف سليمان

» اعلان جوقة النهصه عدنان سعيد وبحر الزجل
طوني شلهوب وحرف بين الصخر والنهر فيس بووك Emptyالإثنين فبراير 26, 2024 9:58 am من طرف سليمان

» مصاحة الحج بدر وعدنان سعيد
طوني شلهوب وحرف بين الصخر والنهر فيس بووك Emptyالأربعاء فبراير 14, 2024 10:01 am من طرف سليمان

» صيام مبارك
طوني شلهوب وحرف بين الصخر والنهر فيس بووك Emptyالإثنين فبراير 12, 2024 11:34 am من طرف سليمان

» ركراهن خالد
طوني شلهوب وحرف بين الصخر والنهر فيس بووك Emptyالإثنين فبراير 12, 2024 10:56 am من طرف سليمان

» تحديات مغ غسان شديد
طوني شلهوب وحرف بين الصخر والنهر فيس بووك Emptyالسبت فبراير 10, 2024 6:11 pm من طرف سليمان

» طوني بو شموني وبحر الزجل قديس وشيطان
طوني شلهوب وحرف بين الصخر والنهر فيس بووك Emptyالأربعاء فبراير 07, 2024 11:02 am من طرف سليمان

» حبس واناني
طوني شلهوب وحرف بين الصخر والنهر فيس بووك Emptyالأحد فبراير 04, 2024 1:17 pm من طرف سليمان

» جوقه فادي فياض الجديده
طوني شلهوب وحرف بين الصخر والنهر فيس بووك Emptyالخميس فبراير 01, 2024 10:04 am من طرف سليمان

» بلا عنوان ورق حرطوش
طوني شلهوب وحرف بين الصخر والنهر فيس بووك Emptyالثلاثاء يناير 30, 2024 12:54 pm من طرف سليمان

» رمزيات
طوني شلهوب وحرف بين الصخر والنهر فيس بووك Emptyالثلاثاء يناير 30, 2024 10:40 am من طرف سليمان

» اول ما طاحون الحكي
طوني شلهوب وحرف بين الصخر والنهر فيس بووك Emptyالإثنين يناير 29, 2024 5:39 pm من طرف سليمان

» غزل تطنيش
طوني شلهوب وحرف بين الصخر والنهر فيس بووك Emptyالجمعة يناير 26, 2024 5:41 pm من طرف سليمان

» فوايد التدخين
طوني شلهوب وحرف بين الصخر والنهر فيس بووك Emptyالجمعة يناير 26, 2024 5:39 pm من طرف سليمان

» بدي عيش ولادي
طوني شلهوب وحرف بين الصخر والنهر فيس بووك Emptyالجمعة يناير 26, 2024 5:39 pm من طرف سليمان

» بدي عيش ولادي
طوني شلهوب وحرف بين الصخر والنهر فيس بووك Emptyالجمعة يناير 26, 2024 5:38 pm من طرف سليمان

» صارروخ موجه الخوابي
طوني شلهوب وحرف بين الصخر والنهر فيس بووك Emptyالثلاثاء يناير 23, 2024 5:23 pm من طرف سليمان

» مصلحجيه
طوني شلهوب وحرف بين الصخر والنهر فيس بووك Emptyالخميس يناير 11, 2024 12:13 pm من طرف سليمان

» اول السنه شغل قررت كب مصايبي
طوني شلهوب وحرف بين الصخر والنهر فيس بووك Emptyالإثنين يناير 08, 2024 6:19 pm من طرف سليمان

» الحقيقه بتجرح الشاعر اذا بيعيش ع القمه
طوني شلهوب وحرف بين الصخر والنهر فيس بووك Emptyالثلاثاء ديسمبر 26, 2023 6:28 pm من طرف سليمان

» غيره شعريه خماسيت مقلوبه
طوني شلهوب وحرف بين الصخر والنهر فيس بووك Emptyالأحد نوفمبر 26, 2023 12:03 pm من طرف سليمان

» كفر او ايمان
طوني شلهوب وحرف بين الصخر والنهر فيس بووك Emptyالإثنين نوفمبر 20, 2023 1:00 pm من طرف سليمان

» فقشات بحريه
طوني شلهوب وحرف بين الصخر والنهر فيس بووك Emptyالأحد نوفمبر 19, 2023 11:02 am من طرف سليمان

» ترشيف الغزل
طوني شلهوب وحرف بين الصخر والنهر فيس بووك Emptyالأحد نوفمبر 19, 2023 10:56 am من طرف سليمان

» عدنان سعيد وبحر الزجل طوفان الاقصى
طوني شلهوب وحرف بين الصخر والنهر فيس بووك Emptyالأحد نوفمبر 19, 2023 10:53 am من طرف سليمان

» عدنان سعيد وبحر الزجل طوفان الاقصى
طوني شلهوب وحرف بين الصخر والنهر فيس بووك Emptyالأحد نوفمبر 19, 2023 10:53 am من طرف سليمان

» بيت متلّت قزحيا ساسين هديه
طوني شلهوب وحرف بين الصخر والنهر فيس بووك Emptyالإثنين نوفمبر 06, 2023 4:55 pm من طرف سليمان

» تذكار الموتى
طوني شلهوب وحرف بين الصخر والنهر فيس بووك Emptyالأحد نوفمبر 05, 2023 1:13 pm من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

 

 طوني شلهوب وحرف بين الصخر والنهر فيس بووك

اذهب الى الأسفل 
كاتب الموضوعرسالة
7arf
مشرف
مشرف
7arf


عدد الرسائل : 519
تاريخ التسجيل : 15/03/2008

طوني شلهوب وحرف بين الصخر والنهر فيس بووك Empty
مُساهمةموضوع: طوني شلهوب وحرف بين الصخر والنهر فيس بووك   طوني شلهوب وحرف بين الصخر والنهر فيس بووك Emptyالسبت يونيو 27, 2009 12:14 pm


وهون كان الرد الاول من الاخ طوني شلهوب على الحزام الاسود
وتحولت لمحاورة حبيت إنقلكن هيي
=================


طوني

مش همّ تكتب شعر تا نقلك طليق
البيهمّ فينا تقدر تشعـّل حريق

بدهدك الحبقة تا العطر فيها يفيق
بدهدك كلامك بالنظر ... ما في رحيق

منعرف النبعة الهادية بتبلّ ريق
وبتروق متل الخابية وخمر العتيق

ونهر اللي دافق عالبحور بكرجتو
بيلمّ شو في وحول عا مرّ الطريق
=========

حرف

الما بتحرحو الكلمة بنعوة ماضيـــــة
مابتذبحو سيوفي ع شفرة ماضيــــــة

ياريتها عيوني بقت متغاضــــــــيــــة
ولاشفت ردي عليك ضربة قاضــــية

حروفي اللي فتحتلك محاكم قاضــــية
بتحاكمـــك لو بحر نفسك حاضـــــية

خايف ياطوني يكون حكمة ع الطريق
وبتلتقي ببعضا كياس الفاضيـــــــــــة
==============

طوني

معوكر يا مجرى النهر بوحولك ملان
ولو جيت حتى تسأل شهود العيان

بتشوف طوني سنديانة بهالمكان
وحكمت عا جنبي صخر من عمر الزمان

ويا نهر مهما تجن رح نبقى بأمان
من حيث مهما لدفقتك تطلق عنان

لا فيك تحمل صخر عا حفافك هدي
ولا فيك تقبع شلش شجرة سنديان
==========

حرف

خليك صخــــــر سميك ما عندك شعور
وراسك مطلمــــــس متل حكمة بالغرور

حرف الزكاوي دموع عم تسقي الزهور
ومنشار شعــــــــري خايف عليكن يدور

حرّكت نهـــــــــر الشاعرية بأرض بور
وما شفت يا أنطــــــــون ألا شهود زور

ورح خبّرك مـــــــــــــا شفتكن بالمنتدى
إلا طحالب نايــــــــــــمي فوق الصخور

=============
طوني

لوما الصخر ما في جبال بهالدني
ولا تلج داب عليك تا تصفي غني

يا نهر ما بترسم رياض ملونة
لو ما بجوفي المي خزّنها سنة

بتربى الطحالب فيك يا نهر الدني
وبغير مربى صخورنا عم تعتني

بينام فوق الصخر تا يعلا البنا
وهيك الشعر عا صخر طوني منبني
============

حرف

تركني نهر ماشي بشعري ترغــــلي
وخليّك متل المصــــطبة والمحــــدلة

خزّان عم بينش غـــــش ومهـــــزلي
وبلاط يابس بالطحــــــــــــالب مبتلي

وما بين نهري وبين صخرك في إلي
توضيح معنا تا الحقيقة تنجــــــــــلي

نهري معمّد بالدني أشرف مســــيــح
وصخرك صلب يسوع فوق الجلجلة
==============

طوني

عـ العمـّدو هالنهر أكبر مفتري
غسـّل إيدين الصـالبو وعملو بري

ومن حيث عرفو ربـّنا مش جوهري
شحتف جرن لـ عماد من صخري وبري

ولو ألف مرة بتغطس بنهر الجري
بالدين لا مين شافك ولا مين دري

ولما بجرن الصخر مرّة يغطسوك
بتصبح مسيحي إبن الله الناصري
========
حرف

شو الفرق ابن الناصري ودرزي أصيل
ما كلــــــــــــــــــنا اولاد الله بفرد جيل

خلّي الحكي صخــــــر ونهر اوعا تميل
وتمشي ع درب التفرقــة بشي مستحيل

بنهر الكلب ياصخـــر من ماضي طويل
بفضل النهر حطـــــوك مـن بعد الغسيل

وحتى تبين صخـــــــــــــر في قيمة الو
بالنقش بَي الحرف حفــــــــرك بالزميل
---------------
خليك جامد صم صلب ولاتصيــــــــح
بتزعج خرير النهر لو صخرك تزيــح

ولاد الطبيعة النهـر.والصخر القبيـح
والفرق واضح والفضا قبالي مريــــح

بالشوب كل الناس قصدوني منـــيـــح
تايبوردو وتايسهرو بجوي الفسـيــــح

عمادي بجرن تقليد من منطق صريـح
وبالنهر كانت قبل أيام المسيــــــــــــح

اتوعى ياطوني الحرف سكيّين الذبيــح
وتاتصير شاعر منطقك منو جربــــح

ربك .يوحـنا بنهر أردن عمـــــــــدو
والحرف .طوني عمّد بنهرو الفصيح

--------------
جرن العمادي ماانعمـــــل وحدو إلك
بيقبل حرف قبلك تايــــــرضى يقبلك

ولوما النهر ياصخر قـــــبــل يغسلك
بعدك صنم غير الكســــر مااستقبلك

انتي وحكمة لو بتضـــــــرب مندلك
دبش المواقع بالمـــــــــــواج بيندلك

وتنين لو بتكون بحـــــــــري بيحملك
ورمحي ع صخر الباطـــــــية بيقبّلك

بيعثلك على حصان مارجريوس ملك
رمحـو بيدحر صخر ع دروب الهلك

وما زال حكمة بيك ع أشــرف علك
وتانحط بالأشراف جبـــــــــت معدّلك

نهر المعاني دحرج حجـــار الغروب
ونهر القيامة زاحك وشـــــــــق الفلك
----------------

جرن العمــادة قلت من صخرك بروا
وقلوب مـتـل الدبش ع عيسى افتروا

ومن بعـــض صلبو ا ع تيابو قمّروا
وشربـــــوا خمر ونبيذ وتغطّوا بفرو

لعندن أراضي صخور بالمال انغروا
وأمــــــلاك بحريّة ما قدروا يشتروا

مــــــــاء الحياة بنشربو حتى نعيش
وصخـــــــر الما فينا نقلعو بنفجّروا
==============
==============
==============

طوني

ما بين صخر وبين نهر بكعب واد

عالنـّهر ما بيكون يوم الإعتماد

كيف الجدود بيكبرو بعين الولاد

لوما انحفر تاريخ مجدن عالجماد

ونهرك جاسوس بأرضنا ما لو اعتقاد

بيفشي لـ موج البحر أسـرار البلاد

^

يا نهر بعرف ليش قصدوك العباد

استلقو عـ صخري يلـوّنو الأبيض سواد

ولوما الصـّخر يتفجـّر ويقلب رماد

وتراب ... ما منشوف زرع الـحـقل زاد

^

جوهر الدّين الـنـّـاصري ، فرحة عياد

بــ مولدين وبـيـنـهـــن رحلة جهاد

المولد الأوّل يا حرف عيد الميلاد

وبالـقيــامــة المولد التاني انعاد

ومتل الرّحم هالجاب عيسى عالدّني

انشقّ الصـّخر .. تا يفيق عيسـى من الـرّقاد

================
حرف

صخرك عنيد ورغم عن عندو ان أجـر
مأواك صفا تختــنبي بجحر ووجــــــــر

بنهر الطهارة قد ماتجبلي غجــــــــــــر
تاتسد مجرى النهر وتشوفو انـــــــفجر

مش بالعنف ياشريك بيزيح الشجـــــــر
البيعاندو رح جاوبو بوقت الضجــــــــر

شوباك ناسي عظمة النهر الكبــيــــــــر
ونقطة ميــــاه مسلطة بتثقب حجــــــــر
============

طوني

مـا بــتسقــي زهور .. شو عندك غرور
إلاّ ما تنبـت عا حفافيـك الزّهــــور

والصـّـخر كلـمـا يـشـعر بــ بسـتان بور
بـيـوقف بوجـّك ســدّ ما عندو شـعور

وحتـّى الـشـّجـر يحلـوّ بعيون الـطـيور
جـمـعـتـك بحيرة مـعـلـّـقة بين الصـّـخـور

ولا تضلّ كارج بالـخـبـي بظلّ القصب
جهلان عم بتواعد مواج البحـور

===========
حرف

تا تنتـــعش ع الدين لاتزيــــــــــد الهروب
خليك حــــدي إشرب الكلمــــــــي وذوب

لو كنت صخر الصم واقـــــــف بالدروب
بخلّي الدبش بالمنتدى متل الحبـــــــــــوب

وما زال عم تعمل دعايي للغـــــــــــروب
بخلي الشمس ع ساعتك تعــــــلن غروب

بحور النفط خلّى الأجانب يلهثــــــــــــــوا
وأطمـــــــــاع أسرائيل ميّات الجنــــــوب

=================

طوني

أرض الـجـنـوب مقاومـتـهـا الـواهــرة
بوجّ الـيهودي سـيف ماضي شاهرة

بـ أرضـا بـ مـَيها الـكون كـلـّو باهـرة
والكلّ فـيـهـا بيطمعـوا بـ مصـاهـرة

بـ النـّيـل ما بتفخر بـلاد الـقاهـرة
عا قدّ فـخـرا بالـعجيبة الـظاهـرة

في ألف نـهر وألف نبعـة ضاهـرة
لـكن الأهـــرام عـقــدة قـاهـــرة

الـصـّخر راكـز متل مرأة طـاهــرة
عـ ولادهـا بتـضـلّ عين السـّاهرة

وبتموج فيك المـيّ يا نـهر الـدَني
متل الكـأنـّك خـصـر مرأة عـاهــرة
=========
حرف

خليك متل الدبش مش خرج البـــنا
وماكنت شاعر يوم مصدر للغــــنا

معروف عنــي نهر وبيوتي غــــنا
وموقع زجلكن يا جلابيط اغتــــنى

وجــــودي ببير الأرتوازي شو بنا
مصدر سعادة بصيفنا ومصدر هنا

وتا فيك تعمل بير أرضي يا حلــو
المفروض راسك دق تا أطلع أنــا

============
طوني

الـ عا الـصّخر عم بيدقّ ضـيف منحسـبو

منفتـح الباب نـضـيـّفـــو ونـشرّبــــو

ولمــّا شي جرعة مـيّ منـّك يطـلبو

ميـّاتك على البحر كـرج بـيـهـربــو

من فوق ، تـلـجي عليك صافي بـدوّبو

بتعوكـرو ... بـتـوحـّلو ... وبـتـقـلــّبو

ومن تـحت ، منـّي بـيسـحبو نور الحياة

لمـّا مياه الشـّرب منـّي يـسحبــو

=========
حرف

يا واقف بــــــــــوج الطبيعة بالخطر
مش هيك كــــــــان الرد منك منتظر

ان كنو ع بالك طيـــف غيثي ماخطر
بدعس ع راسـك حاجتك تحكي ببطر

ولوكان قلبك من صخر قاسي انشطر
جسمك ثلاث اضعاف بالميي انحشر

بنزل بهـــــا الوديان بسقي اللي نطر
وبصير حف الصـخر وبغازل شجر

بخلّي الطبيعة مزينـي بأجمل صــور
وبزرع زهــــــور الشاعريي للبشر

وبوصل متل شلال ع عبـاب البحور
وبطلع ع ضهــــر الغيم تا نزّل مطر

===========

حرف ايضا
يلا لووه طفرتني بربي هيك مش معود
==================

ياصخر محجر بفكرة عنيــــــــــدي
دركبــــتك من الميي بإيـــــــــــدي
متل الخـــلد أعمى بعينتيــــنـــــــك
من نهر القوافي بلا مكـيـــــــــــدي

وكثر مافي طحــــالب فوق عيـــنك
صخرة بقيت لكن مش مفيـــــــــدي
العذوبة بنهر غسلت وجنـتـيــــنـــك
استحي لاتفتح عيـــون الحسيـــــدي

بها الموضوع قوم وسد ديـنــــــــك
حاجي مدحرج بحالة شريـــــــــدي
الفرق بـيـّــنـت مابيني ويـــــــنـــك
مجرى النهر ع حســــاب القصايـد
وعقل جلمـــــود مابيعمل قصيـدي
==============

طوني
اوبغيب تا النطرة تعتـّق خمر

الخمر النـّطرني... وفار بالخابة

هالشهر مشـّـاني عا درب الجمر

وعم تحترق عالجمر أعصابي

والريح زرعت روحها بالنـّهر

تا تدقّ بالطوفان عا بابي

رح ضلّ أصلب من صمود الصـّـخر

تا ما يزقّ النهر أتعابي

ويا حرف عمرك رح بيطول شهر

لو شهر عنـّـك يطول غيابي
=============

حرف

روح غيب حضّر زبّط إمـروك

نهر الوحي بيفوق مقــــــدورك

وبعيون نهري ياصخــر ضليت

مجلّمد مافي عطشــان بيزورك


مني الحلا ع صخوركـم صبـيت

بصورةّ بدر مابيحلموا صخورك

ونورك مطفّى ضل ع السكـــيت

ع المي طلّع والتقي بنـــــــورك



وبالشعر ببعتلك ســـوا كم بـيـت

بتقشع ع وجّي بيلمعـــوا بدورك

وعليك كلما ياصخـر غـنـــيــت

عمرك بيطول والنهر لوغـــاب

شمس العمر بتفتت حضـــورك

=============


طوني قصيد
خيـّي حرف بعتذر عن التأخير

^^^^

بحيـّي جماد الكاس عا ديـّي

الخلـّى الخمرة تهتدي ليـّي

ويا نهر نبع انكنت أو شلاّل

طبع الليونة فيك ما بحيـّي

^

مغارة جعيتا كان مجدا زال

لولا ما فيها تكلـّـس الميـّـة

ولولا ما تجمد ما انرسم أشكال

بتسـحر عيون النـّاس يوميـّـة

^

كيف الجبل قاسي ومين القال

ما بيشعر وبيدوب حنيـّـة

ولمـّا يهزّو ويجرحو زلزال

بيوجع كتير ... بيدمع شويـّة

بتكرج حبوب الصـّخر دمع وسال

بتذكـّـرك يا دموع عينيـّي

^

بيكفيك إنـّي بخبـّر الأجيال

كلما التـّاريخ يجيب شخصيـّة

وبدوب كلما زميل منـّي شال

حتـّى يدوبو الخـلـّـدو فيـّـي

وشو بصير إتنهـّد مع التمـثـال

لمـّا "خليل" بيحفرو عليـّي

^

ويا حرف عن ياسوع روح سآل

كلمة لـ بطرس قالها ... وهيـّي

صخرة إيمانك راكزة مازال

عليها منبني كنيستي سويـّة

^

وقلت الجسم من ميّ بالإجمال

بعرف وإنت عراف يا خيـّي

لوما العضم يقسى بهيكي حال

قدّيش صعبة نقشع الإنسان

بيزحف متل ما بتزحف الحيـّة
============

حرف قصيد

أنا حرّوف نــهــــــــــر الإرتجــــالي
بجرف كـــل من وقــّــــــــف قــــبالي
وبدعس ع الصخـر ممنوع إرجـــــــع
ولا ممــــــــكن يوم يتحجّر خيــــــالي

انا نهر القصيدة الصار يجمـــــــــــــع
مياه الشرب تا إسقي الأهــــــــــــــالي
واذا بتكون صخرة ومتل مـــــــــــدفع
بخلّي المي تفجر انفعـــــــــــــــــــالي

واذا خليّتني محبوس بطـــلــــــــــــــع
متل شلال عم بسقي الحقــــــــــــــالي
برذاذي بطرطشك تاالمي تشبــــــــــع
وع وجك بكتب بتطلع رسالــــــــــــي

إنت يامطلمــس ومندون مرجــــــــــع
درج محطوط ع بواب المعــــــــــالي
انت صخـــرة عليها بكل موضـــــــــع
عليها وقـــــفت تاكمّل سجـــــــــــالي

انت دبشـة يتيمي بقلب مقـــــــــــــــلع
انا البحر الحمل حرف الخيـــــــــــالي
أزعر إنت بتضلك مفـــــــــــــــــــرّع
وانا لابس زهر وبشوف حـــــــــــالي

انا نهري سقاك بكل مرتــــــــــــــــــع
نظركن متعوا حــــــــــــــــــامل للآلي
على ضفافي سوا الحلويــــــــن بزرع
وخريري بيعـزف خلود الاصــــــــالي

ولحتى تعــود ع الروشة وتطـــــــــلع
وماتبقى موضعك ياإتكــــــــــــــــــالي
بتقشع ملتقى النهــــــــرين مجـــــــمـع
محيط اليازجي وإبن الفغــــــــــــــالي

وبجنةّ ربنا العالي لاتفــــــــــــــــــزع
النهر أربع أسـامي بالرســــــــــــالــة
الكوثر بيــــــدخ وبارقـو منســـــــمــع
ومــــا في ذكر للدبشـة يا غــــــــالـي

وعلى الأهـرام تا تقنع تطـلّــــــــــــــع
وبدون النـيل هالنهر المثــــــــــــالي
مصر بتعـود صـحرا يا مــــدلّـــــــــع
وبالجغـرافيــــــا إلـهـا مقـــــــــــــالة

مجلـــمـد إنت لاتـقرا لاتســـــــــــــمع
بعقـــــــــلية حاسبها رأسمــــــــــــالي
تاتعرف شو انكتب بكتاب يـنـفــــــــــع
يا بن فياض جاوب ع ســـــــــــؤالــي

وع شرم الشيخ يا طوني تا تـقـنـــــــع
روح وشوف تجّار العمـــــــــــــالـي
اجتمعو بقلعتك عملوا مجــــــــــــمّـع
وبحري غسّل ذنوب الســـــــــــفــالي

ويا بو شربل إلك بالقلب مـــــــــوقــع
شمالي وإنت ساكن ع شمــــــــــالــي
كرامة عيــــنـك الحرّوف وقـــّـــــــع
بموقع ما إلـــــو غيرك كفــــــــــالـي

وعليي حكمــة وطـــــــــــوني تجـمّع
ما قدروا ينشــفّوا مجرى جمـــــــالـي
وصرت ع عـرش ها الموقع مـــربّـع
دك قلاع شــــــــــــــــعّار المعنى
وبنهري طرطـــــش زهــــور الليالي

===============
لايهمك طوني إعتزارك مقبول
وياويلي عليك ههههههههههه
الرجوع الى أعلى الصفحة اذهب الى الأسفل
 
طوني شلهوب وحرف بين الصخر والنهر فيس بووك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: