وقت الشمس بتعمل صبحيه بكير

الشمس بكير عملت صبحيي مع الوردات
الهربت منهن فياتن على هين وتدريجات
ضحك الورد بألوانو قهقه وبكتر شويات
عم يساير الشمس بنورا بأهلا والبسمات
يساير الفيات بلفتات ومن داعي واجبات
متل لعب ولاد لم يلعبوا ألعابن بـ كيمات
قويت الشمس بنورا هربوا منّا شطحات
وردي بوجها بقفاها تخبوا خوف الفيات
عم تتمايل عم تبرم بدلع ع كل الجيهات
بغنج اللايقلا المقصوفي مع هـ النسمات
نسمي تشدّا لجيها والتانيي تهزا بشدات
وتردا رد المغلوبي مقهوره كما حالات
جذعا بالأرض ممترس مالو الحركات
شغلو يمييل معاها بالكاد شوية ميلات
ورق الوردي عم يزفوها أحلى زفات
هف ورف وكتر كترلا بأجمل رفات
رفي منها كزقيف الفرح بـ كل الكفات
ع الطبل وزمر وموسيقات الدربكات
بعد العشره قويت للشمس حد اللدعات
الوردي صاروا خدودا حد مضرجات
وعلى الهوى الناعم كإنا رغبا غفيات
تدندل راسا نعساني كماشباه الغفوات
عاهدتا لنفسي من فوري بهـ الساعات
كل يوم أعمل صبحيي مع هـ الوردات

» خيوط الشمس
» على طريق الشمس