نحنا اهلا لبرحليون

نحنا اهلا لبرحليون^^^وعروقا بتنبض فينا
بنحيّ الشعب الميمون^^^الّي رداتو بتروينا
^^^^^^^^^^^^
برحليون قصدتا كتير^^^واهلا حبوني و حبيت
لبي صيف بالضيعة مير^^^ما بينسا حجارو للبيت
ابن الضيعة بيبقى زير^^^ون عزتو يقلق لبيت
عزّة نفسو اعلى شير^^^اقوى من مواج المينا

لي متلك من أهل البيت ++++ أهلا وسهلا بهالطلي
طيفك بين ما تخبيت +++++ حضورك أجواء تملي
يا ريت بتبقى يا ريت +++++ سهران وما في فلي
مهضوم بحكيك سليت +++++ وتا نسمع نحنا جينا

طلّيت من الساحل جيت ***وفتت الندوي تا واسي
حبابي و اهلي فيها لقيت *** ناس بتركب عا راسي
كنت زغير ولمّا وعيت *** جروح ركابي مش ناسي
والفاكرني انّي نسيت *** ان نسيونا ما نسينا

زرت وأهلا بالزوار +++++ وضوينا على الفتيلي
قعدت وطولت المشوار +++++ عملنا سحبة أركيلي
تأكد إنك أهل الدار +++++ ساعة قررت تجيلي
رح اعتبرك أفضل جار +++++ نوينا عالصحبي نوينا

يا كامل أيشك عامل****بالنّدوي ال نحنا فيها
أخبار الضيعة حامل****و شعرك كلّو مكافيها
شعر اللّي بجيبي خامل***نارك بدّي طفّيها
نحنا للشّعر معامل*****و ضلع اللّي ورتّو بالشّعر
بيمحيك و ما بيمحينا

بابك رح اطرق جاري***ولو بيتك بالبرية
مقصود و منك داري ***جينا نسهر سهرية
رح قلّك كل سراري ***شريكي بالاربع مية
اعزارك من اعزاري***ضيافتكم رح تغرينا

يا اميل لخلف رجاع***لتاني صفحة لاقيني
ما تبيّن انّك طمّاع ***بمحيك و ما بتمحيني
لازم ل امري تنصاع***تفتح ندوي وتحكيني
رح جمّك متل الزوباع***وبيعك بالفرن مناقيش
بركي الغلّي بتغنينا

أهلا وسهلا بأحلى جار +++++ بتوصل عا بيتي راضي
متلك ما بلاقي بمعيار +++++ بحلق عينك ما تغاضي
بفرد لبطا لباب الدار +++++ مش رح تجينا فاضي
حامل من ذوقك انطار +++++ وعا هيك نحنا ربينا

ترحيبك طوّل عمري ***بدّا شي جلسة سويّة
شعرك موّلي فكري***ب محبّي و انسانيّة
قاصد بيتك ما تدري***حاملّك عمري هديّة
دمّك ب عروقك يجري***وانتي منّو بتسقينا

مش داري انّو في رجال******بتفزع من قول الكلمي
بالرجعة لو شعري طال******التمحايي واجب رسمي
عامل رصيد بلا مال******و شعرك يبعتلو حمّي
يرحم ابوه اللّي قال****** لو كبر ابنك يا جار
العلّي منّو بالينا

حكيك عالعالي قولو*****تحت الطاولي ما بنلعب
حارس مرمى زفّولو*****بيفزع من ارض الملعب
مارد مبسوط بطولو*****من حروف كلامي ارتعب
كامل شكّولو لولو*****و راسو مهما يعلى طلوع
طخن زنودو يفرجينا

من بعد اذنك بعتلي رقم تليفونك اذا في مجال خواجا كامل

الليلي انا ويّك للصبح

فتحنالك صفحة جديدة **** ردّ عليها يا milo
تركلي هالصفحة بعيدة ****ت ندردش مع copilo
بدّي هدّيك بايدي****واسمك عن كسمك شيلو
تيقولو بالجريدة ****في عنّا شاعر مفقود
هل ب شوفو يحكينا

كامل كتب:: فتحنالك صفحة جديدة **** ردّ عليها يا milo
تركلي هالصفحة بعيدة ****ت ندردش مع copilo
بدّي هدّيك بايدي****واسمك عن كسمك شيلو
تيقولو بالجريدة ****في عنّا شاعر مفقود
هل ب شوفو يحكينا

يا كامل رداتك زين***وفيها النكهة المظبوطة
وبشعرك رجّحت العين***تركت العالم مبسوطة
وأيميل وحسّان تنين***وcopiloالحط شروطا
وخيي شامخ يغز العين***جوقة فيها ملوك الشعر
نبوع الشعر بترويينا

[b]

بيتي بنفتحلك بابو +++++ الصداقة بدا تمتين
لما بتدعس عا عتابو +++++ بلاقيك بشي أرطل تين
كوبيلو القريوا كتابو +++++ ابن العشرة والتسعين
عزز كرم أصحابو +++++ يا أهلا بملقى الأحباب
اللي صرتو منا وفينا

دخلت عليي متل المير****شعرك قواني بافكار
عا راسي بتبقى مدير****وب اسمك كبرو الشعّار
والله متلك ما بيصير****بوجودك كللنا الغار
ومغزّة باقي الاخوان**** العا دربن نحنا مشينا

مع الشكر للمدير سليمان طراد

ويتك ساكن قلّي بطلّ****يمكن عارفني و مَنّي
بلكي ضيف الدار بحلّ****وبلكي ضيعتكم جنّي
بقعد عندك مش رح فلّ **** بنسامر او بنغنّي
الكرّمني بعزّو و بجلّ****من فيضو الظمأ روينا

ساكن عا ضفاف الأنهار +++++ الشمس علي تطل تغيب
جار الزنبق والأزهار +++++ وريح الفل الما بتشيب
ناطر تشريفك يا جار +++++ بدي ركك بالطرنيب
وخلي السامع يحكي خبار+++++ غفينا عليها ووعينا

رجال الي متلك صارو قلال****ب وجودك بيتك عالي
ركوة قهوي فيها هال **** الجنة الفردوس قبالي
نأشعر و نغنّي الموال****كأس العرق عا بالي
الجلسي عندك عمر و طال****سكرنا دبكنا و شوينا

ناطر تا نكرع لنبيد +++++ ونتفرج على المغزال
وكل ما يفض الكاس نزيد+++++ ونصدح بصوت الموال
خلي من شعرك فريد +++++ نغني ونصدح بالعرزال
وخلي يلعلع القصيد +++++ بالشعر ولدنا نمينا

حلوي السكرا حدّ النهر****يهمدر شلّال قبالك
و الشمس بطَقِة الضهر****بالفيّة تخبّي حالك
القمر مشعشع منعنا سهر****نجوموا سمعت موالك
شِعلِت كركي لمدة شهر****وعل خمرة نحنا جنينا

لما بتوصل يا كامل +++++ رح اعرضلك المهدي
ما تخلي فكرك شاغل +++++ هيدي ورتا من جدي
بحياتو ضوى مشاعل +++++ مات وتركلي العدي
عمرت ومني ناقل +++++ رح احكيلك أخبارو
وبجدك رح تغنينا

رح ارويلك شي شويّة****عن جدّي وعن افعالو
حولو تمجلسنا سويّة****وعنو العالم شو قالوا
بالشعر تحدّا ميّة****و ما حدا وقف قبالو
و بالقلب بتصفى النيّة****جيل الماضي ما بيرجع
و ب كتابو نحنا قرينا

لو تسمع جدي شو قال +++++ بحكياتو حبكت حبكي
كان المعجم بالأمتال +++++ كلماتو بقلب الشبكي
وبالقَيمي كان الرجال +++++ ويلقط عا راس الدبكي
بتذكر شنبو الفتال +++++ واقف بدو يحاكينا

القيمي: قيمة المحادل وغيرها...

» نحنا اهلا لبرحليون
» اهلا بحسّان
» اهلا بالجميع
» يا اهلا بجهاد
» اهلا بخي فادي فياض