شو عرّفو

موضوع: شو عرّفو الإثنين مايو 19, 2008 6:15 pm

الْ ما شمّ عُمْرُو
زهْرِةِ اللَّيْمُون
الْلِّي مْعَبّقة بالعِطِرْ
كِلّ الْكون
شو عرّفو بالشَّمّ
شو عرّفو بالضَّمّ
شو عرّفو بالنّوع والاّ الْكَمّ
شو عرّفو ؟

شو عرّفو بالحُبّ
شو عرّفو بْلهْفِة شِغاف القَلب
والسِّحر
بالمشْوار فَوق الدّرب
والنّرجس النَّعسان
جَنْب وْجَنْب
شو عرّفو ؟

شو عرّفو بالوَشْوَشِة
وْبَوسات الغُصون
بْهَمْس الْفَرْفَشِة
والنَّحِل مِن بخُّور مَرْيَم يِنْتِشي
وْنيسانْ ..
من قطر الندي
قطرة وقطرة ..بيرتشي
شو عرّفو ؟

الْ ما شاف بِعُمْرُو
زْهور اللَّوز
والاّ الْفَضَا هاللِّي انْتلى
بْمدَّات غِصن الْجَوْز
الْ ما شاف لون شْقايِق النِّعْمان
الْ بِتْغار من خدِّ الْحلو الْخِجْلان
وشْوَيِّة فْرَاشات
بِتْلَوِّن الْبِسْتان
والزَّيزَفون الشَّارد التِّكْيان
بِيْنَعْنِِش وْبيْفِيق
لمَّـا تْلَحْمِسْلُو خْيُوط الشّمس
شو عرّفو بالهمس ؟
شو عرّفو بالأنسْ !
شو عرّفو بْرَعْشِة شْعور اللَّمس
شو عرّفو ؟

الْ ما راح وِتْمَرْجَح
بْحِضْن الْغاب
وْما شاف الِحْسَاسين
وَقْت غْياب
وما انْضَمّ لِلَّمِّة وْلِلأصحاب
شو عرّفو بالودّ
شو عرّفو بْتعبير لَون الْوردْ
شو عرّفو
بالصيف لَسْع البَردْ
شو عرّفوووووووو ؟؟؟؟؟؟

موضوع: رد: شو عرّفو الإثنين مايو 19, 2008 7:09 pm

لو يعرف الانسان
شو
سر الوجود
كان نطبع
الحان
الوان بالبستان
يضوي ليال الحب
يحني
بصلا للرب
عا نعمة الوجدان
يصرخ يملي الصوت
انو نخلق تا يحب
انساااااان
هوي
مش عارف
لم يمرق الطوفان
يمشي معو جارف
كل الاسااااسو
ركيك
مش عالصخر
محفور
دفشي ورا دفشي
أأخخ
لو يعرف الانسان
انو بهالاكوان
وحدو لما عارف شي
و شو عرفوو هالشي

موضوع: رد: شو عرّفو الجمعة مايو 30, 2008 10:15 am

شاعرين متالقين الى حدّ اللا معقول الى ما فوق السحاب شعر جميل سكب اجمل كلمات فتّانة
يعجز اللسان عن الوصف........؟؟؟؟؟؟؟؟؟؟؟!!!!!!!!!!!