ما في فرق(بالمحكي)

(بالمحكي)

ما في فرق حبيّت وانحبيت
نفس العطر بالليل بيسافر
نفس الوتر مشدود ع الاخر
نفس القصب مبحوح
نفس الوجع بيروح
من قلب شاعر ع قلب شاعر
.....................
يا ريت تعرف ياقمر
شو بشوف بمنامي
تا كنت بليالي السمر
غطّيك بحرامي
ونغفى على مخدة سهر
تا تفيق احلامي
وادعيلك بليل العشق
يا ريت تستطعم معي
من السّكر ال رشّوا الهوى
ع شفاف ايامي
...........................
نجيب سجيم

مرّة شفت حد الدرب عشّاق
عم يخلطوا لوز الهوى بسكّر
هوّي يقلا صدّقي مشتاق
وهيي تقّلو بوسني أكتر

هوني الجمال بينشرى بينباع
ب مالك بتقدر تملك النجمات
وقلبك ن كان كبير ما بيساع
من كتر ما في من الحلا ستّات

رائع يا نجيب