أماني

راجح كرامة حبيب القلب فاتح
اذا بفتح شفافي .. نهر صافي - بيتشقلب على حفافي الفيافي
وياويل الشعر وحروف المجيده - اذابهالمنتدى بسّڪر شفافي

أنا بهالكون رحلاتي بعيده - بحلّق من مضافه عا مضافه
حملني الليل ع كتافو قصيده - وأنا حملت القصيده عاكتافي

وبرمت بهالدني مطارح عديده - وياما مشعّل الزرقا وطافي
وشفت نجوم خضرا عانبيدي - على صفرا متل جلد الزرافه

جرحني شاعر و غزّ بوريدي - سنانو وصارت تنزّ القوافي
وكبر نفسي منعني مدّ ايدي - ع شاعر نصّ ميت نصّ غافي

أنا شاعر خيالاتي فريده - سبقت بشبحتي الطير الخرافي
حلمت اخلق دني بحلّه جديده - وم كان الوقت للأحلام كافي

واذا بغضب على المنبر رعيدي - بيهد جبال بيهبط حفافي
وبحرق طرحة العصر الجليدي -وع خط الاستوا بشد الكرافي

ع دنيا "اللاوعي" بفتح "بريدي" - بحاكي البحتري بناغي الرصافي
بكتب بالشجر بعمل جريده - من الغيمه بزوزقها بشفافه

انتبه ياقاصد تحمّې الحديدي - أنا "مغما"اذا بدك تجافي
الزمن وقّڧ على سرعة ركيدي-ومساحة هيبتي بتخفي المسافه

التحدي بفتحو بنيه أكيده - لكل شاعر ع صفحات الصحافه
وٳذا ما برڪّع الرووس العنيدي - واذا م بكون أول بعد الله
عليي تحرم بيوت الثقافه
راجح
********************************
سليمان

يا راجح قول...؟لفاتح أمااااني***أنا بعطيه للفاتح أماني
أنا بعزو لباهت متل خيي***لأني بعرفو بالشعر جاني

تعا يا شعر نحكي بواقعيي ***مع اللي صار معنا وما غناني
انا لفتوح مش قاصد أزيي***وما بقبل كون عا الشعار جاني

عزمني عا الشنق....؟واحتك فيي***الدعوة قبلتها اووين الدعااااني
هرب ...؟يا خطيتو متل البقيي***وعا منبر شعرنا بيين أناني

جرحتو بكلمتي ...؟ دممع خطيي***وما كان القصد تطلع عن لساني
أعتزرت وليش تا يعمل قضيي***التواضع شيمة العندو مكاني

انا لوما التواضع يا بنيي***ما كنت من السما بنزل ثواني
ولا بقبل ضل تشتش عا يديي***رضيع الموهبي واعطي أعاني

انا عايش بأرض الأجنبيي***نزلت عا المنتدى متل العياني
وعصرت الشعر من غيمي سخيي***وسحبت من الوحي خيط المعاني

شفت فاتح فتح قلبي بشهيي***تأكتب شعر جدد عنفواني
ونسجت بيوت بكريي غنيي***ونقلت من الوحي عا كون باني

انا يا حبايبي صعبي عليي***شوف الشعر وزنو عم يعاني
لأنو الكسر بعتبرو خطيي***مميتي...؟هيك بتقول الدياني

انا تعلمت من جدي وبيي***القصيدة وزنها أكبر ضماني
القصيدة خدود وردة مستحيي***شلحها الزوق عا بيدر حناني

وما بقبل كون عا المنبر ضحيي***ولا برضى أفتح لباهت حضاني
ان هَجيتو...؟يرد حاجي عنجهيي***الهجا بالشعر ما بعدو أهاني

انا يا راجح سمعت الوصيي***جبت غربال رح كب الزواني
وضيق الوقت ضدي بها القضيي***التجارة....؟حاكمي أبقا بمكاني

ويا فاتح انت خضرة مهتريي***وخدودك سود متل البتنجاني
وانا بالشعر أرزتنا الصبيي***السما بتدق بغصوني الملاني

انا بالشعر ثورة منبريي***ما برضى غيير ما عنتر وهاني
انا قصايد جميلي مخمليي***معملق متل قرمة سندياني

وتا حممي عركة الشعر القويي***وعا منبر شعرنا هد المباني
ولوما الوقت حاكمني شويي***تاأدعس راسك وعررج حصاني

انت معتاد تغفا من عشيي***بلا الخمار وتفضي القناني
وانا كل يوم بغفا مع صبيي***وعا صدر الفجر بتقببل تهاني

التحدي فتحتها وبسوء نيي***وطعنت بضهرنا أكبرخياني
وانا قررت أفتح عا المنيي***بواب جهنم....؟وأشويك تاني

الشجاعة بالشعر أجمل مزيي***الجباني زل ما ألها مكاني
الثقة بالنفس قيمي ومعنويي***التخازل والفزع أكبر جباني

انا بالشعر لو بيطل ميي***عليي بيرجعو بنعش الغناني
وتأحكي بلغة الشعر الزكيي***وما زالك صرت شاعر أولاني

استحي عا كبرتك قررب عليي***انا سبعة .. 7 ..نصر....انت تماني... 8...
وعلينا يحكموا كل البريي***انت بالشعر يمكن حد الله
وانا بالمنتدى فلتة زماني