الى الصديق عمّار

***********************
يا مكنة بالقصيد الأرتجالي***يا شاعر حطّم الرقم الخيالي
ألك تقدير بو شربل وفنّو***قصيدك خمر من أطيب دوالي

الشعر يا بو أسامة بان سنّو***لمّا شافك بتحمل رسالة
قبلك عا المنابر ناس غنّوا***وما كانو متل ما بيخطر عا بالي

الوحيد الما قدرت حرقصت بنّو***انت يا شاعر الفكر المثالي
المواقع بالزجل فينا تهنّوا***كلما محاورة عملنا يا غالي

جنيو عا الزجل شعّار ظنّوا***الزجل بيموت من بعد الفغالي
اجانا روكز العاشق كأنو ***أبن حرمان طالب بالعدالي

ورجع موسى الزغيبي بزغر سنّو***قصيدو فلسفة ابن الغزالي
وطليع وجريس البشعر جنّوا***عطوا للمنبر كنوز ولآلي

وأدوار حرب لمّا مات جنّوا***القوافي وقالت الناس بسفالي
انتهى مجد الزجل هيكي تمنّوا***الما عندن موهبة وصوت وأصالي

ما عرفو النت جامعنا لأنو***العنب بيجمّع طيور الحقالي
وحبيب الروح كلما اسألت عنو***بشوفو بالمواقع بالأعالي

ياما تهجّموا علينا وتجنّوا***طيور الشؤوم وطيور الليالي
وما قدرو يصمدو بموقع تدنّوا***لتحت المستوا وما ضل غيرك
يا قرم بموقعك صامد قبالي

خلقنا الرب من ذاتــــــو لذاتو = وبثاني نهـــــــــار كمّل معجزاتو
وخلق هالكون في أيـــام ستي = استوى ع العرش في سابع صفاتو

وإجا الأنسان ع أرض المهتي = لحتى يكبر بمبدى سِمــــــــــــاتو
اشتغل والشغل كت بـفرد كتي = استراح وراحتو بآخر ممـــــــاتو

وبيوم الحد جيتك شعــر شتـي = يالابس للمجد ثوبو وعبــــــــــاتو
ولصخر الصم حتى نفت فـتي = البحر ننشفو وتغرق طســـــــــاتو

بعض شعار لتوا الشـعر لتي = والله يرحم المن قبل مـــــــــــاتوا
وحدك بالسما تانزت زتـــــي = زتت صقر بيطـــــــــــارد ريشاتو

نفتش ع اســــــم بيحِت حتـي = تراب المعرفة بروعةّ نجــــــــاتو
وبعدا نصب بالكاســات مـتي = وخمـــــــر نحولوا بسكب المعنى
لأنك بحر معروفة صفاتو

**
انزلي يانجوم غطي ياكــواكب = حملينا ع السما فوق المنـــــــــاكب
واذا بتصادفي بدربك غمـــامي = عصريها مَي مشــــــــــيها مراكب

وانا ممنون من كل الأســــامي = دباديب الزمن حد العنـــــــــــاكب
ومابدي العقل يغرق بالنـدامــي = اذا دروب التحدي جيــــــت واكب

وزعامةّ شعرنا بعكس الزعامي = العاراسن من حريق الزيت سـاكب
ولابدي الشعر يرفعلي مقـــامي = اذا مــــــــانكون راكب حد راكب

كل الطالبو بمسك الختـــــــامي = قبل مانبتدي نــعــــــــصر كباكب
هدفنا قبل ماتقوم القيـــــــــــامة = نـصرخ ع الـبــشـــر من عند الله
أرباب الشعر مشيوا مواكب

***
بفرح كنت وبيوم الحد جـــــايي = تاخلي الشعر يسعدلي مسايي
لقيتو من نبوع الفـكــــــــــر ملاّ = وعـــبا جرار فلسفةّ القرايي

وتايغرق في سمــــا الإبداع علاّ = وبميةّ ورد عقــــمتو بهدايي
نزل ع الارض حتى الشعر غلاّ = تاصفى مستواه بمســــتوايي

وندي سقسق على زهري تجــلاّ = بماء الزهر يعطي كـــل آية
ودموعو تقطّرو وشربــــــان إلاّ = وداخ بفـكر جبران المرايي

ورجع من خزنةّ الأشعــــار ملاّ = وعبّا حكــمةّ الأجيال غايي
وكــــــــان الشعر ياسليمان ولاّ = لوما بنــــور انترنت يسطع
ماعرفتك بدرعالي بسمايي

******************
تسلملي شكرا كثير خيي ابو شربل وألف تحية لروحك الشاعرية

» طمّني يا عمّار
» كتّرتها ها القد يا عمّار
» تعارف مع الشاعر عمّار البراضعي
» تعرف مع عمّار على اليوم الذي خلقت فيه
» رثاء ابن الصديق جون عقل رثاء ابن الصديق محمد السيد