يا مشتاوي انا وراجح

يا مشتاوي انا عا الشر ناوي***ان هجم عا كرمنا المزروع واوي
الجفت موجود والصياد ناطر***.يا ويلو اللي أجى يفتح عداوي

دخلنا المنتدى رغم المخاطر***صرت محتارشو بعمل بساوي
عقدت الورد عا المنبر قناطر***وغييري راجح بحمل البلاوي

أنا بالشعر متل الغيم ماطر***سقيت الجهل من بحرالزكاوي
أنا النسر العا سبع الغاب فاطر***ما بقبل دوق من لحم الجراوي

ولأني تاجر مهاجر بخاطر***تركت زرار صدري بلا عراوي
الأدب والزوق يا مزوق مساطر***وأنت بالسكر مسطرة القهاوي

ما جيت لهون أجبرلك بخاطر***ضعيف....ركيك....ما بتحمل قساااااااوي
العزمني عا الشنق معروف شاطر***بهت لونو تحت شمس القصيدة
وما ضل بمنتدى فاتح سماوي

راجح

ياسليمان سيل الشعر ساقك - على المشتى وبلل بس ساقك
لأنك بالزجل سجره طويله - وم قدرو يوصلو لخصرك رفاقك

اشتياقك للسما نزعه نبيله - اطلقها تايعرش انطلاقك
وتتبقى الريح عاضهر الأصيله - شد لجامها بعزم اشتياقك

من البخور قدامك خميله - ومن الصندل الهندي العامراقك
وتتدخل عبقة الشعر الأصيله - حرقناك وقصدنا باحتراقك
نطيلع منك الريحه الجميله - تتسكر هالخميله من دواقك

ياشاعر لون بنار القبيله - الشعر.. لكن اذا هاللون عاقك
بتسقط تحت نيرانو الثقيله - و رواق الصبح بيدشر عراقك

لكن تالشعر يشفي غليلي - وغليك لازم تغير مذاقك
وتحتى ترقص خصور النحيله - ع نحل العاطفه مرر طباقك
وزيح البوصله تسعين ميلي - ت تنساق القصيده عاسياقك
بمشقه ملونه بحكمة متيله- بذكرى تكون صوره عن فياقك

وهلق فوت عالقلعه الجليله - الملكها كان مستني عناقك
لأنك بالزجل متلي وزميلي - وخيي ومابيسعدني انشقاقك
هيدي حكمتي ومش مستحيله - الزهور تسد عالماضي طواقك
ولأني بالشعر شفتك خليلي - خليل الشعر بقدر عافراقو
ومابقدر بالقصايد عافراقك

راجح

» انا وراجح
» يا مشتاوي
» مرّة تانيي انا وبو علي ب مشتاوي