مبروك الاشراف

موضوع: مبروك الاشراف الإثنين يوليو 21, 2008 9:12 am

قرر مجلس ادارة الزجل الربحليوني مجتمعا بعد مباحثات استمرت لاكثر من شهر و نظرا للجهود التي تقدمت بها الآنسة ليلى منحها رتبة مشرف فلذلك نطلب من جميع الاعضاء تهنئتها كل واحد على طريقته

مشرف عدد الرسائل : 519 تاريخ التسجيل : 15/03/2008

بالبرحليوني حكونـــــي = وع غيرو لاتدلونـــــي
ليلى بهني ع الإشــراف = بهالنادي البرحليونــي
===================
ياموقع كل العـرفـــوك = حبــوك وبيفوتـوا علـيك
وع ليلى بقـلك مبـروك = بتستاهل أكــثر من هيك
ومن قلـبي بليلى هنوك = وهـنوا ليـلى الفاتت ليك
مواضيعا كتير بيغنوك = وانت بأعضـائك أغنيـت
كل أقطار المسكونة
===================
ليلى نشالله ألف مبروك وانبسطت من كل قلبي على هالخبرية
وشكر كبير للإدارة على اتخاذها هذا القرار الحكيم
وبكل تواضع هذه هدية صغيرة مني اتمنى ان تنال إعجابك لوضعها جنب اسمك اذا رغبتي بذلك

ما صوّتلك عن جد***حرف الكلمة هوّي القال
بدنا اليومي نوضع حد***للأشراف ويمشي الحال

بتصّور يا ليلى قد***الحمل بها الموقع ما زال
فيكي ضهر الشعر انشدّ***وقد الحملي بتكوني

مبروك عا الأشراف يا انسة ليلى والشكر ال|لأكبر للشاعر حرف
اللي هوّي طرح عا مجلس الأدارة اشرافك وانشالله نقدر نكبّر احلام الشباب من خلال ها المنتدى المتواضع \

شكرا للمدير العام، شكرا لحرف وشكرا لشامخ ولكل من ساهم في تكريمي. ولكن هديتي الكبيرة هي لطفكم الكبير.
ويا عزيزي سليمان، إن كنت قلت ووصفت هذا المنتدى الرائع، بالمتواضع فأقول لك على لسان الشاعر:
" ملئى السنابل تنحني بتواضع == والفارغات رؤوسهن شوامخ"
والمنتدى البرحليون، الرائع كبرحليون(أود زيارتها يوما)، منحنى بتواضع.

يا اهلا و سهلا فيكي.......يا ست الكل
صوب الشمس بوديكي.......عا جناح الظل

***********************************************

يا ليلى الشمس بتسرق.......من عبي فكار
و بتوزع لما بتشرق..............افكاري بدار
و لما كلماتي بتمرق.............عا شلوح الغار
متل القطرات بتبرق..............عا صدور الفل

الف مبروك و نشالله بتفركيلو دينتو لحرف ههههههههه

الف مبروك و شكرا للمجلس على التصويت و للاعضاء على التشجيع

مشرف عدد الرسائل : 519 تاريخ التسجيل : 15/03/2008

shemi5 كتب:: الف مبروك و نشالله بتفركيلو دينتو لحرف ههههههههه

===================================================

بالبرحليوني حكونـــــي = وع غيرو لاتدلونـــــي
ليلى بهني ع الإشـــراف = بهالنادي البرحليونــي
===================

بـعدل الإشراف بحـيـيـك = مابينك شوفي وبيني
بدل الأهلا وسهـلا فيــك = لاحقني بفرك الذيني
الهيئة دمك صار سمــيك = فـتــّح عينك ياعيني
وع الضعف الفيك بهنيك = يامخيب فيك ظنوني
===================

جاييني وما بعرف كيف***عم نتحمل غلطاتك
تعلّم يا أبني التثقيف***ولا تتغاوى بفلتاتك

ليلى أغنا من التعريف***وما بتكبر من ردّاتك
بتعرف زيتون الجرجير***اسود لكن عقلاتك

اكتر منو وحتى تصير ***حالي وطعمة حبّاتك
فيها زيت الموش كتير***لازم تنرّص ولا تخاف
برصّك متل الزيتوني

ههههههههههههههههه ولاحقني لهون بعدك ولك رووووح شفلك شي شغلي وتسّلى فيها

مشرف عدد الرسائل : 519 تاريخ التسجيل : 15/03/2008

حبيت البي حـــــــــبوني = وكــــارمت اللي كرموني
ومش أول مرة منــشوف = بيتعــــدوا اللي عزموني
====================
يافلتة ومالحــقت تديــر = ظهـــــــرك تانطقك ثنتين
أغزر منــــــــك بالتقدير = حرف اللي بسرعةّ 200
مفكر حالك صرت كبير = وضـــّح أو أشــــّر بالدين
مين مهاجم ياجـرجيــــر = تاتـرصو متل الزيتــــون
وتحتا شفتك بعيوني
====================
يعني الردة مش واضحة لمين بس قلت بلكي حدا قاصد حرف هههههههه

ها القفلة سرقتا من شريك***الكلمة ورايح اتغدّا
وربيتّو وجايي ربيّك***بركي بتندم تتعدّا
قرود السود بربّي فيك***وياما شعّار مودّى
عا جهنم عا الأطلنتيك***لكن يلعن ها الأيام
الأرحم ضعفك خلوني

هههههههههلا ما رح ارحم لا تصدّق هههههههه

مشرف عدد الرسائل : 519 تاريخ التسجيل : 15/03/2008

سرقت الردة من عمار = الله يباركـــلك فيـــــها
انت وهوي مش شعار = حتـــى تعـيدا وترويها
رفيقك بفركلو المنخـار = مناخـــــيرك لاتخبيها
ع خيولك شد الزنـــــار = تغدى القافة وطعميها
بلكي مع حرف المغوار = نفسك رحمة بتسقيهـا
بترحمها وبتقول الصار = يلعن هالساعة عنجد
مع حرف ان علقتوني
==============
يلا صحتين اتغدى ورجاع ناطرك بس لاتسى تعيط لعمار معك الطق الك وياه هههههههه

باقي كرمالك يا جار***عم اتغدّا بمحلّي
وعم اكل رز وعا النار***دجاج الموقع عم قلّي

بتتزكر معنا شو صار***لم دركبتك عن تلّة
بيومتها قلّي عمار***تركلي حرف حرام عليك
ومن يومتها لاموني

ههههههههههرح ضل كرمالك ههههههههههههه

معكم الآنسة ليلى في هذا الموجز: لقد حمت المعركة، القصف متبادل، والجولة متعادلة، حرف يرد بالأسلحة الثقيلة، وسليمان يتنقل على المحاور يريد كسب الجولات، ويطلق رشقات متقطعة ويصيب اصابات مباشرة، حرف يرد، ولا يتراجع، هو مصمم على النصر، وقد وصلتنا أخبار من مراسلتنا في أرض المعركة أن حرف تقدم على محورين، غير أن سليمان بقي في مواقعه متحكما في القنص.
أعزائي ابقوا معنا لنوافيكم بالمستجدات، ومن المنتظر أن يشن حرف هجوما قويا على مواقع سليمان، ابقوا معنا....

رح بلش بسلاح الدك.......دك مواقع مدكوكي
خدت من سليمان مفك........شد نياع المفكوكي
و حروف و حسان زمك..........رح انتفلو السكسوكي
و رح شكن بسياخ الشك......اشوي دجاج الموقع شي
و اعصر فوقن ليموني

مشرف عدد الرسائل : 519 تاريخ التسجيل : 15/03/2008

هاي إلك سلمون وززززززززز

بعمار وغيرو يانـــــــاس = مابتـمـــــرق عند الحرّوف
قبلك هوي ايــــــدي باس = وبعدو دورك بوس كفوف
الحاميكم شعري الحساس = وفجاة عليي فاتوا ضيوف
حتى دشــــــــرنا المتراس = هني العــــــــــــنك هدوني
====================
وهاي لشامخ أفندي

رح تعصر حالك ليمـــون = بمفك الجبتو ومـــنـذاق
بذوقكن زوم الزيتـــــــون = وجايي فيكم فك عـزاق
لاتنسى مفكي يازبــــــون = مع مسكةّ شد وطقطاق
بيخلع نيعك وين ماتكـون = ولما لبرحليون تعــــود
بيلاقيك الحسوني
=====================

حسان اللي عامل زير***راح تخبّى بالحجرة
يمكن غلّط مع مدير***الموقع تا خسر التجرة
ياما ربيّنا عصافير***ومحسوبك متل الشجر
وحسونك يا حرف زغير***وصعبي يطلع عا غصوني

هههههههههههه
وهي للمستر حرف

مفكك يا حرف ومفروط***وشامخ باعك بالبالي
وشو بتعمل شجرة بلّوط***حد صنوبرنا العالي

متل الزيتون المفروط***فرطك ما جبت سأالي
وخليّتك متل القبّوط***تبرم عا عقلك وتصيح
جوّى القبوي خبّوني

مشرف عدد الرسائل : 519 تاريخ التسجيل : 15/03/2008

انت وشامخ ياسليمان = عمـلتوا حسابات الهلة
وتفركشتوا بهالميــدان = من جرت حرف العلة
وقبوط الهاجم زعـلان = عامل نحووّل التــــلة
لاتوزّوا متل الذبـــــان = من شهدي قرفــتونـي
===================

وهاي عن رفيقي لاتفكروا اذا غاب الحرف مابيقوم بالواجب
=======================

حسون البعيوني انشـــاف = للقــــافي نسر المعـــــــنـــــا
اصحا تظنوا تاه وخـــاف = مافـيه يشــــــــــــارك معــنا
الحاكي بحقو بقلو وقــاف = وخـــــــــــــلي الحق مجمعّنا
عامل شجرة بدون قطاف = مابتحمل من كــــرز الأرز
ولاثمارة بتعطي موني
==========

سيداتي سادتي انتظرنا الرد من الشرق فأتى من الغرب، وإذا بمدفعية شامخ تدك المواقع المدكوكة ويصح في ذلك المثل العامي " فوق الدكي شرطوطة" وهكذا بدت جبهة الملك سليمان مرتاحة لدعم شامخ لها.
لم ينتظر البطل حرف حتى بدأ بالهجوم المعاكس، ورد الصاع صاعين رغم أن حليفه حسان غائب عن أرض المعركة، ولعله وقع في الأسر، أو استسلم، فقال الحرف الذهبي بأعلى صوته" أنا قدها وقدود"
أيها الأعزاء تستمر المعركة وتسجل لنا مراسلتنا هناك، أن القصف كان مع سليمان وهو مستمر حتى الآن، ولكن رد الحرف سيأتي سريعا.
انتظروا التفاصيل

» مبروك ياسلمون
» مبروك ياجيشنا
» ألف مبروك _ عمار البراضعي
» مبروك بطولة لبنان 2009 بالكيك بوكسينغ