مرّة تانيي انا وبو علي ب مشتاوي

بزكر يا أنهل كان عنّا ستّ***واللي ما عندو كبير مالو يفتّ
وياما على صفحات مشتاوي***زرعنا الورود الزاهرة لم فت

مفروض صفحة تكون للهاوي***منشان ما الموقع يصير مرتّ
وحياة حبّك راجع وناوي***وشرّف عا موقع شعر برحليون
بتشوفني كلما فتحت النتّ

انهل يا شاعر بالوحي تجلّى ***وب عب غيمي شعر ما خلّى
لا تخاف عا الموقع ما زالك فيه***ريحة قداسي بشعرك وبخور
ومن بعد الله بالشعر الله
************
ريحة قداسة بشعرك وبخور***طالع ب مبخرة الصلا والنور
قرّب عا مذبح دير مشتاوي***ناول نضيف القلب والمقهور

عا الخير جايي وبعدني ناوي***افتح بواب الشر اهجي وثور
وخليك يا موقع قمر ضاوي***عا شرط ما بقبل شعر مكسور
ولا يفوت عا الصفحة شخص مغرور

*********
مبروك يا موقع على التجديد***قلنا ما رح ترجع تعبنا ضاع
وراجع انا ها اليوم بالتحديد***هنيّك عا التجديد والأبداع
يمكن يقولوا ليش للتأكيد***راجع تا حمّي النار طق سباع
وخلّي التحدي ايد تشبك ايد***وبحر القوافي ينتلي وما يساع
نبش القبور اليوم ما بيفيد***خلّو المحبة تعّم ...!!!بالأجماع
وحاجي حقد ورصاص وبواريد***خلو المواقع تلتقي وتقول
ويا بو علي بحياة الله رجاع

وانتي يا راجح ليش ما بترجع***وعصام يا مشرف بها الموقع
ويا حرف خلّي غيرتك متلي***ورماّح قرّب حاجتك ترجع

وزاهر يا مرج العاطفة المتلي***وشادي وشفيق حجارة المقلع
وبرهوم من ورد الوحي شتلة***وريحة قصيدو عا السما بتطلع

ومروان وينك حضّر العطلي***ويّنك يا ابن سجيم ما بتسمع
الموقع بيقلك عود وبعتلي***نسمة دفا من ريح ما بتركع

ويا بو علي بقصايدك اتلي***وحضّر حصان الشعر والمدفع
راجع خصوصي افقعك قتلي***تا فهّمك انو انا ملكوت
رب البيكتب بالشعر مطلع
ابو علي
*****
عدنا يا مشتاوي وحنين الشعـر عـاد****أهـــلا وسـهــلا بـالـقـراب وبـالـبـعـاد
هلـق يـا بــن بـنـوت إعــلا عالـجـواد***وشرقط بسيفك تالشمس تصبح رماد
أنهـل دبـس خليـك واقــف عــا حـيـاد***بساحة حسن ما في إلك غيـر الـوداد
إنــت وأنــا للـشـعـر عـلــم واجـتـهـاد***أنهـل خَلـق دولـه وحسـن بنـوت قـاد
ويـا فرحتـي بعـد العنـا وبعـد الجهـاد***تـكـبـر طـفــالا الشـاعـريـه بهـالـبـلاد
وترم الصبح أوعى وقبل ترم الفطور***يصيـرو يـجـو ويزكزكـونـي هـالـولاد

*****
سليمان

زكزكت بالألهام بركي بتستحي***وبيصير عندك موهبة ونتفة وحي
ولو شفتني متل الولد عا مسرحي***بتضل يا بنّوت تحت جوانحي
تزكّر شو صار بشيخ قبلك ملتحي***مسّحت فيه الأرض نام وما صحي
زغر القلم بالدين قرآنك كتب***وتتّخين زندك ما قدر كلمة محي


الشيخ هوّي زاتو اللي عملنا عركي بنغم وهيدا الرابط ههههههههههه
اعادة

اوووووف اوووووووف اوووووووف وبطريقة بو علي ههههههههه
يا مواقع الأبداع جنّي وفرفحي***راجع بو شربل دمعة الفرقة امسحي
زكزكت ....
بو علي حسن بنوت\
*****
يا ماسـح رجـال الشعـر عـا منبـرك***مـا بلومـك بلـوم للـي حـنّ وعـبّـرك
من قبـل مـا أغضـب عليـك وأقبـرك***ميـلـه بكـسّـر فـيـك مـيـلـه بـجـبّـرك
ولك بالحبر يا شقفة قلم مين حبّرك***كـبـر العـقـل أفـضـل ســآل الخـبـرك
وزند للي حامل ذو الفقار وما بـرك***هيـدا عـلـي أو بــو عـلـي منخـبـرك
وتـا يصيـر قـدّك قـد زنـدي بالزجـل***بـدعــي إلـــك وبـقــول الله يـكـبــرك


__________________
سليمان

تركني شمع خجلان نوري ما اكتمل***وما كون متلك ديب ببطش بالحمل
زغر الحمامة غصن زيتوني حمل***وكبر الغراب الغاب عنوان الخمل
وحبة دوا يا بو علي من المحتمل***تعطيك قوّي ومرجلة ونتفة أمل
كبر الأسد ما قدر يقتل أرنبة***وابرة البنج بتقدر تنيّم جمل
************************
اوووف اووووووف اوففففف
حبة الضغط سآل عنها والحمل***زغيري متل هونيك حبة بالعمل

بو علي حسن بنوت


*****
حاجـي يـا إبـن طـراد لـفّ وزعبـرات***ميـكـرفـون الـشـعـر بــــدو مـكـبــرات
ان كنـت مـش قــد الحـمـل بالمـبـاراة***رح بدعكـك تـا تصيـر قـد البـهـورات
بالـزغـر لا تعـمـل عـلـيـي مـنــاورات***ولا تقيس بحر الاطلسي بنهر الفرات
في مراقبـه عنـا وفـي عنـا مخابـرات***عملو علـى اسمـك بحـث ومشـاورات
وقالـو لقطنـا أزعــر بكمـشـة حـبـوب***جايـي عـا مشـتـاوي يبـيـع مـخـدرات
اعادة
*****
وينك يا إبن طراد ويـن المقـدرات***سـرعـة بديـهـه بـدهـا لـمـحـورات
مش رح منقبل عا غيابك معذرات***بيجوز عم تعمـل علينـا مؤامـرات


__________________
سليمان

تاجرت بالممنوع يا زبوني الكبير***وبعتك حبوب الهلوسي الفيها خبير
ومن بعدها يا بو علي صوت الضمير***قليّ بكلمي زغيرة إندم كتير
وبين الكبر والزغر جدّيت المسير***وكبرك شعر مجدول ومقصـّي خطير
وشمشون متلك كان زندو والمرا***قصـّت شعر شمشون بمقص الزغير


*********
بو علي حسن بنوت
*****
مقـص الدليـلـه بالخيـانـه منهـجـو***عـم تذكـرو بالمـدح يمـا بالهـجـو؟
يـا نــاس طـلـو وقشـعـو وتفـرجـو***عا بوعلي الما في جواب بيحرجو
لـمـا فـكــاري عالـمـجـره عـرجــو***كانو للي متلك بعدهن مـا تخرجـو
ومنشـان همّـك يـا زغـيّـر افـرجـو***وإمنع دموعك عا خـدودك يكرجـو
رح جبلك على العيـد كريجـة ولاد***تـا "شامخ"عليهـا وإنـت تتكرجـو
**
سليمان ابو شربل
كبر الطمع بالنفس من طبع الوحوش***وزغر التواضع عا الجرح متل الرشوش
كبرك تجنّي وعنجهة يا جورج بوش***وزغر المخدّة بيدفسك بعد الدغوش
اتطلّع على فلسطين يا وجه البشوش***وشوف الجريمي وكبرها وزغر النعوش
زغر الحجر بيقيم ثورة من الألم***وكبر العروش بينشرا بنتفة قروش

اعادة
اوووووف اوووووف

تبللت يا بنوت روح عمول دوش***ولا تضل دابل متل زهر المردكوش
قد الملك بينام عا أضخم عروش***وزغر القيادة بيقدر يحرك جيوش

ما زال ذوقك ضخم جايبلك وونووش***فيها خمس نسوّان بووس ولا تحوش
المتلك ما ربّو عقول بيربّوا كروش***وعاشو حياتن عا السكر متل الهرووش



وبعدها حاميي يا شباب وهيدا الرابط
http://www.mshtawy.com/vb/forum16/8137/#post38632

*****
فلسطين بعدك بالشرق أجمل عروس***عـا قـد مـا يتغيـرو عليكـي الطقـوس
مـيـن البيـقـدر عــا كرامتـنـا يــدوس***وكبـر الاراده حجّـم زغــار النـفـوس
الباعو القضيه بالقـروش وبالفلـوس***هنّي الزغـار وإنـت عاطيهـن دروس
وبين الزغر والكبر يا وجه العبـوس***بيّـك أنـا بالشعـر حنيتـلـي الــرؤوس
ويـا زغيـر لازم تحـتـرم بــي الكبـيـر***أو بجبـرك جيـد وقـفـا إيــدي تـبـوس
*****




ملاحظه: يمكن ما أقدر جاوبك لشي يومين بسبب انقطاع النت لبعد أول الشهر.

شديت نيع القافية انفكوا القطب***وحسيت برغي قصايدك صابو العطب
من دون ريشة زغيرة ما بينكتب***أجمل حروف مدهبي بدنيا الأدب
زغري جمر بردان بفراش اللهب***وحبة زمرد نايمة بخاتم دهب
إيد الكبيري مدها يا بو علي ***ب بوسا متل ما النار بتبوس الحطب

يا بو علي لا تغيب عنا بلا سبب***قالوا المحبة الصادقة قد العتب


ولا يهمك يا بو علي

بو علي قصيد


سلـيـمـان رب الـشـعـر لا تـهـيـنـو***سلـيـمـان اســـأل خـالـقـك مـيـنــو
نحـنـا كـبــار ورح منـبـقـى كـبــار***شـــعـــار لـلـمـنـبــر سـلاطــيــنــو
يـا جـمـر حـامـي لا تـقـوي الـنـار***وتحـرق أصــل زغــرك وتكويـنـو
يـاريـت قـبـل الـحـرق والشحـتـار***شـعــرك بـأبـيـات الـوفــا تـزيـنــو
زغــرك اذا للـكـبـر جـــاب الـعــار***مواخذ ما مـا فينـا الاجـدب ندينـو
ومع بو علي الشعر القوي الجبار***الجـمـرات مــا بتـحـرق براكـيـنـو
الـكـبـر لـرجــال الــســلام وقــــار***والـزغــر فـتـنـه مـــن شيـاطـيـنـو
لمـا علـى فلسطيـن قامـو حـصـار***وتــمــرد الانــســان عــــا طـيـنــو
بـكـبـر الـفــدا وبـهـمــة الاحــــرار***شعـب القـدس ضـلـو عـلـى ديـنـو
زغـرك زغـر ريشـه عـلـى اوتــار***وكـبـري كـبـر عـــازف وتلحـيـنـو
وزغرك زغر اربع وخمـس متـار***وكـبـري مــدا هـالـكـون وسنـيـنـو
زغـرك زغـر شمعـه بهـاك الــدار***وكبـري بـدر مـا بينحـنـي جبيـنـو
وزغرك زغر شـي ملبـك ومحتـار***وكـبــري دبـــح جـهـلـك بسكـيـنـو
واليـوم مـش رح طـوّل المـشـوار***وتــــا الـكـبــر بـيـنـلـك بـراهـيـنـو
رح قــــول للـمـتـلـك ولاد زغــــار***جسمـي احرقـوه كـرامـة المشـتـى
عا شرط ترجعلو محبينو
*****


__________________

الزجل هو خطاب الروح وهمزة الوصل بين الجسد والآلهه

بو شربل قصيد

يا ليل عمري ونور احلامي***تركني طفل بردان بحرامي
وعلّم كبير المرجلي بتلميح***يسأل عا نقشة زغيّرة بخامي

يا بو علي لم فتت للتوضيح***ما كان قصدي كبر ها القامي
كان السبب ترجع بلا تصاريح***عا موقع الأبداع ألزامي

وهلق بعدما شربت وجّي منيح***مجبور سل سيوف ألهامي
ولا تخاف شعري بيعشق التجريح***توقّى دروبي وزغر ألغامي

وفوق المنابر صرت متل الريح***بجرح خدود الورد بسهامي
وبغزل من دموع الندي مراجيح***تا يصير عب الزهر بكمامي

انتا سياسي كبير للتشليح***بالع حقوق الشعب وحرامي
يا كبار انتوا ووحوش وتماسيح***ونحنا شعب مظلوم مقدامي



زغري قمر سهران ما بيزيح***بيدلف سهر عا الزنبق الدامي
زغري مقص بغرفة التشريح***وكبرك مريض ووضعك درامي

وما زال نازل بالبشر تدبيح***وطبعك متل ما قلت أجرامي
جهّز سيبوف المرجلي تا نبيح***عمرك عا منبر شعرنا الحامي

انتي كبير وبس بالتشبيح***بتسرق دموعي ورشفة قلامي
كبرك قفولي وزغرنا مفاتيح***بتقفل الموت بتفتح قيامي

كبرك بوييك مصفحة تصفيح***بتوقاف بس بدعسة فرامي
كبرك غراب الراح متل الريح***وزغري غصن زيتون وحمامي


يا بو علي بلّش قبالي صيح***عنّك ما رح يقدر حدا يحامي
بيني وبين الموت حاطت زيح***يا زيح من دربي يا مجبر زيح
يا بتنقتل بالسيف قدّامي

للتنويه ها المحاورة الأرتجاليي بالوقت لأنو الأشغال كانت فوق الراس بالنسبة لألي والحسن بنوت بو علي هدفها انو ترجع الطيور المهاجرة متل عصام وراجح وكل الشباب ورماح وحرف
والكل تحياتي