فشّة خلق

موضوع: رد: فشّة خلق الأحد سبتمبر 07, 2008 10:46 am

عمار البراضعي كتب:: خليك متل الغيم شامخ بالفــــــــــــــــضا = وع شويعرية اتحـسن بّسمةّ رضا

عمار لما فيك بالشــــــــــــــــعر احتضى = وراق القوافي فلسفة حروفو مضا

ولو غاب جمعة وراح ع الحفلة ومضى = عاد ولقى أفكـار شــــعر محمضة

دخلك رجعلي من قضا بشرّي الحبيب = تا نضم برحليون والوادي بقــــضا

=============================

الله يبارك فيك حبيب القلب وكانت الحفلة كثير ناجحة الحمدالله ونشالله السنة الجايي
بتكون حفلاتنا سوا وبالنسبة للكاسيت بأقرب وقت بوعدك ولو مقاطع لأنو بتعرف النت عنا

عمار نحنا بنعرفك شاعر عنيد***الا مع سليمان هيدا شي أكيد
تفاخرت فيّي بشكرك وعملت عيد***بملقى البلاغة العايشة بروح القصيد
لكن اذا جربت مرّة تمد ايد***وتشيل من دستورنااللّون الفريد
تا تضم برحليون والوادي بقضا***بدك شي دوحة تانيي وطائف جديد
هههههههههههههههههههههههههههههههههههههههههههههههههههههههههههههههه

موضوع: رد: فشّة خلق الأحد سبتمبر 07, 2008 6:36 pm

فريدة فريدة فريدة يا سليمان
مش بس ملك الشعر والقوافي والوزن. ملك المعاني والكلمات، فإذا في من هالنبر يا عمار هات

(النبر: كلمة عامية تعني القيمة أو المستوى، وقد استعملتها لقوة ألقائها)

موضوع: رد: فشّة خلق الإثنين سبتمبر 08, 2008 10:32 am

تفاخرت فيك وبعرفك خرج الـفـِـخار = رفعتك ع درجةّ منبري زيـــدك وقار
لقيتـك على دستورنا ناوي الغــــيـار = وع منبري ماحسبت دستـوري مزار
خذلـك نصيحة ولاتعاند بالعــــــمـار = كثر العنـــــاد بيفقش صخـور الكبـار

سليـمان دخلك ليش مـابتسمع خـبار = وبتضـل ناسي شو حصل قبل القرار
تذكـر الطائف أو الدوحة بإختصــار = وعـــــدّ الضحايا وحاسب توفوا كثار
لكن مابرضى تخاف قبل الإنكـســار = ياما قضيت عليك بمجــــــال الحوار
ولـبـنــان فينا نصورو صرنا قــضـا = ونكتب قـضا عمــار وسليـمان صار
==============================

موضوع: رد: فشّة خلق الإثنين سبتمبر 08, 2008 1:09 pm

ليش المشاكل صارت تزكّر منيح***من حيث بالدستور لعبوا يا فصيح
ما فيك كل نهار بالمجلس تصيح***بدك قانون تغيّرو تا تستريح
الدستور يا عمّار ب الدولة جريح***ومفروض فينا نحفظوا من كل ريح
وما نغيّر القانون قبل الأنتخاب***ونفصّل الدستور عا الوضع المريح

ان عليّتني عا الغيم بدك للصحيح***نسور البلاغة بتلعب بجوي الفسيح
بدنا تلاميذ المنابر ما تزيح***من وج راجمة القوافي والفصيح
انتي وانا ربيّن مش رح نستبيح***دجاج البقلب المنتدى وحكمي صريح

موضوع: رد: فشّة خلق الإثنين سبتمبر 08, 2008 1:41 pm

يخوض سليمان وعمار البراضعي بحق موضوعا شائكا وهما بذلك يقدمان مثالا يُحتذى لكل من يريد خوض مثل هذه المضامير.

ما من شك الموضوع خطير لأنه يشكل مادة جدل سياسية على أرض لبنان، فحبذا لو تعلم السياسيون من سليمان وعمار كيف يكون الحوار البناء.
وحبذا لو تعلم شعارنا الكرام كيف تكون المحاورات الحضارية مهما كانت الخلافات الشخصية أوالعقائدية أو السياسية بينهم.
إن هذا المنتدى هو رسالة حضارية تتخطى هدف اللقاء على مستوى الشعر والموهبة إلى رسالة سامية نلتقى فيها جميعنا على أختلاف أدياننا ومذاهبنا وبلداننا وأتنياتنا لنلتقي مع حضارة الشعر والموهبة والمنطق السليم. فهلمَ جميعا إلى الاشتراك في تأدية هذه الرسالة السامية، بالنثر والشعر، بالكلمة والمعنى، بالمفاهيم والمضامين، شرط الاحترام المتبادل والهجاء المحبب، كعاشق قال لمحبوبته: " كرهتكِ"، فتفهم " أنه يحبها"
تحية للشاعرين سليمان وعمار ودعوني أقول لهما ما قاله عمار في سليمان، " وسلم تمو"

"تفاخرت فيك وبعرفك خرج الـفـِـخار = رفعتك ع درجةّ منبري زيـــدك وقار"

هيا يا سليمان وعمار دمرا سوية وايدنا تشبك ايدكم، مفهوم " صراع الحضارت"، فالحضارت تتفاهم ولا تتصارع

موضوع: رد: فشّة خلق الإثنين سبتمبر 08, 2008 1:49 pm

رفعتك لفوق الغيم تاتشــوف البدور = وتصير تعرف تغطس بقلب البحـور
نحنا ملوك الشعر ماعــــــنا غرور = منهدي تلاميذ القوافي ع الشعـــــور
تذكـــر شو موسى قال بمجـال الصقور = الدسـتــــور مش دفتر ولاد بهالأمور

وهلــق مازال طلعت مابين النسور = المفــــروض فيي علمك مني سطور
الواعـــي بيبقى دوم ع بلادو غيور = مدرك بيعـــــرف كيف بتدور الأمور
ومنشان حلمك ياوطن مايضل بور = المفروض نقلـع شـوك تانزرع زهـور
وشو نفعنا نتمسك بدستـــورنـــــــا = ونقشــــع بلدنـا شـاعلة وشهـّــاد زور
=============================

موضوع: رد: فشّة خلق الإثنين سبتمبر 08, 2008 2:47 pm

التغيّر يا عمار مش صوت وضجيج***وخيوط فيها البلبلي بتعمل نسيج
شوف الزهور ملّوني وشم الأريج***بدستور عاش سنين بالجو البهيج
لبنان قبل الطائف عياد وهزيج***وفيه الطوائف عاملي أجمل مزيج
وكلما حبلنا بمشكل ولاد الزغار ***عيبي علينا نروح نولد بالخليج

نار المنابر شاعلي توقى الأجيج***وشعري مواجو عاتية وبحري مهيج
بالسلم أو بالحرب ما بيسوى العجيج***ولولا بسلاحك كنت متدجّج دجيج

موضوع: رد: فشّة خلق الإثنين سبتمبر 08, 2008 4:05 pm

البــنـــــار ياسليمان عم يلعب جلــــــط = ونار المنــــــابر مش متـل لعب الزلط
حرب الشرق من بوش مش جارك ملط = الخلاّ سمــانا رصاص تشتي مش شلط

لبنـــــــــان كان بمشكلة ومنها قلـــــــط = والشعب أهـــــــوج دين بسياسة خلط
ولما مزيجـو الطائفي بغيرو اختــــــلـط = عـثـنون ســـــودل طوّل القرعــة حلط
صارت غبـاشة ع العيون ومختـلـــــــط = والبـعـــــض عنــــا كثار بيحبوا البلط
دســتورنــــا عملوا غلط والمشكـــــــلة = نحنـا غلطــــــتنا عــــــم نداوي بالغلط

موضوع: رد: فشّة خلق الإثنين سبتمبر 08, 2008 4:32 pm

يا شعر حابب قوم كزدورة***عا بقاعنا وعا مطعم شتورة
وأمرق على حماتي وانا مجبور***أمسح الشاشة اووضّح الصورة

هربان خلف البحر مش مسرور***وناطر وطنّا نطرة نسورة
وشايف حقد حكّامنا ومقهور***ويمكن حكمني نتفة ضرورة

بتمّوز حرقوا بلادنا وبالّزور***بقينا بلا طرقات وجسورة
وصرنا متل طير الفنيقي ندور***وتا نعود أخوة ننذر نذورة

قطعنا الشمع وبيوتنا بلا نور***ولليوم عنا قلوب مكسورة
وكلمة صباح الخير أو بونجور***تطلع مع النهدات ؟؟؟؟معذورة

واللي حكي بتغيّر خمس سطور***ولّع غريزة ناس مشهورة
بالدم والتهجيّر عيب نثور***الخلوّة بنوها حد ل ديورة

والجامع الخلّى الديانة زهور***وزنبق تكي عا خدود منتورة
عيبي علينا بخمس ست شهور***ننسى المحبة ونوقع بجورة

عمار لا تشهد بربك زور***عن ناس أو حكّام مأجورة
باعوا وطنّا وخزقّوا الدستور***ونحنا لحد اليوم ما بنرتاح
من عهد فيشي ل عهد سنيورة

موضوع: رد: فشّة خلق الإثنين سبتمبر 08, 2008 5:49 pm

يانسر الغايب اشتقنا لصفــــيرو = بجــــــو بقاعـنا تعلى وأثيرو
تحلق ع المداين والقرايـــــــــــا = وسهلو ناطرك تنشق عبيرو

ع خدي قبلك دموعي السخـــــايا = مشيوا نهر مابتسمع خريرو
وتركت الهجر وتبعت الوصـــايا = ع امي واخوتي بالي تاديرو

انا متل البشر عندي خطايا = وصرت درب السياسي استجيروا
اللعبة فهمتها وحر المزايــا = مافيي الكذب منــــــــها استعيرو

الحرب بهالوطن نفس البلايــــا = ولا الأول بيفرق عن أخـــيرو
خفوا الدستور عن عين البقايـــا = وعلى ذات الوتر عزفوا نفيرو

المشكل بالديــــــــــانة والهدايـا = وكل من معتبر الله نصـــيرو
وعني سئال في تيم الودايــــــــا = مهد التفرقــــة مغفّي سريرو

مابشهد زور لاتلفق حكايـــــــــا = ميزان العدل وعيّلو ضميرو
بتقشعني متل عدل السرايــــــــــا = المحاكم حق مني بيستعيرو

ياريت بيحكموا عِنا الصبايـــــــا = وسوا أحزابنا عَنـا بيطيروا
لأنـو مسكرة جين الخلايـــــــــــا = بعقل حكـامنا والشعب تايه
بقي لبنان مجهول بمصيرو

=============

موضوع: رد: فشّة خلق الإثنين سبتمبر 08, 2008 6:41 pm

يا عمار البلاغة والقوافي***انا بالشعر عندي لسان دافي
ما بقبل اجرح شعور الرقيقة***وبغير الورد ما بتزهر شفافي

انا عرفتك طبيعة مش حديقة***عليها السور بيقص المسافي
وضميرك حي من عيلة عريقة***وشاعر فلسفة وعندك رهافي

وتا نرجع للوطن وين الحقيقة***بكذب حكّام وسياسة سخافي
خسرنا بلادنا بأسوء طريقة***بحاكم يوم فايق يوم غافي

وياابن بقاعنا عملوا طبيقة ***علينا وصارت مصيبة الخلافي
وتركوا طرابلس فيها الحريقة***ويباس عقولهن أصل الخلافي

ولأنو جروحنا صارت غميقة***دعينا الأجنبي بداعي المخافي
لا نقتل بعضنا وننهي الخليقة***شبعنا من الحبوسي والمنافي

واذا بتضل تربتنا رقيقة***وما عنّا لا سياسي ولا ثقافي
بيجينا نهار ناكلها بعتيقة***وما رح ينفع دواحي ولا طوايف
وعلينا بتضحك قلام الصحافي

لبناننا يامهد أوطـــــــــــــــاني = ياعايش بروحي ووجــدانـي
متلك متل الله الماصار تـنـيــن = مفرّد وجابك طفل وحـدانــي

برمت الدني بدل الوجه وجهين = ومتلك ماشفت بهالدني تـاني
جنة فريدة خلقت ع المـــــيـلين = وفاق الحسد بعيون غفــياني

بس اللي حيرني مابيــــن وبين = ناس عميـا ونـــاس فهمــاني
كلما حدا إسأل كنت من ويـــن = يطلع فرنسي ويــوم ألــماني

وتشعل بحرقةّ داخلي نـاريـــن = نار السياسة ونار لديـــــانـي
هيك انبنا دستورنا ويــاعـــيـن = فرّق تسد والنار شعــــــلاني

وعنا ماشالله من عمر سـنـتـين = ع التذكرة الأديان وعــيــاني
وقبل الأجانب بالبلد قسـمـــين = قسم مســلـــم قسم نصـرانـي

وتاتنبني الأوطان مش بالدَيــن = وماينضحك ع شعب عـلماني
الدستور والدولة سوا العينــين = وتاينحموا كلما سـألت انسان
المفروض يبقى يقول لبناني

موضوع: رد: فشّة خلق الثلاثاء سبتمبر 09, 2008 4:09 pm

فبعد أن ركب سليمان القافية الصعبة (قافية الجيم)، نازله عمار بقافية مثيلة وهي (قافية الطاء)، ولا يخفى عن بال أحد الصعوبة الكامنة في اختيار الكلمات المناسبة.
ثم نراهما يتنازلان في اللون الشعري ولكل منهها قوته وفرادته.
كما ذكرت استاذ كوبيلو أن الموضوع هو في مكان ما من الأهمية، كان موضوعا شائكاً، فجعله الشاعرين موضوعاً شيقاً
لنرى ما عند الاثنين:
"وكلما حبلنا بمشكل ولاد الزغار ***عيبي علينا نروح نولد بالخليج"
أبدع سليمان في هذا البيت، مستفيدا من القول القديم" إذا حبلت بالغرب بتولد عنا بالشرق أو بلبنان" ثم عاد فعكس الواقع كما هو، وعبر عن الأحداث كما تجر ي.

ماذا عند عمار?
"لبنـــــــــان كان بمشكلة ومنها قلـــــــط = والشعب أهـــــــوج دين بسياسة خلط"

هنا يظهر الابداع في التعبير الواقعي عن مزج الدين بالسياسة، وما لهذا المزج من مضاره، وفي موجز الكلام اختصر عمار معاناة شعب طالت وربما ستطول، فهل يا ترى أراد عمار أن يتبى العَلمانية بطريقة غير مباشرة?!! لا أدري?!! فالمعنى يبقى في قلب الشاعر!!!
تأتي قصيدة سليمان " يا شعر حابب قوم كزدورة..." كحل منتظر، خاصة في تآلف الآديان وتعانق الكنائس والجوامع والخلوات، وكنظرة فلسفية لاهوتية حول مفهوم أن الدين يجمع، ولكن السياسة تفرق، والتفريق بين الدين والسياسة أولوية لحفظ الانسان، وابقاء علاقة المؤمن بربه بمنأى عن التوظيف السياسي،وأغراض الدنيا.
ويا ألله ما أبلغ وأجمل رد عمار، وهو يصف الحقيقة المستترة، والكذبة المخفيه وراء ثياب بهية، وما أبلغه في قوله " ولا الأول بيفرق عم أخيرو".
انظروا إلى بيت القصيد " وكل من معتبر الله نصيرو"، أما في قوله المحبب " ويا ريت بحكموا عنا الصبايا" أريد ان أسأله: هل هو اعتراف بفشل الرجل في السياسة ونقل الدور للمرأة? انظروا ها هي اميركا لم نجدها مؤهلة لأن تحكمها إمرأة فسقطت هيلاري كلينتون في السباق!! لقد تخطيت الفكر العالمي بفلسفتك التي ساقف معك وأنادي مثلك. ها ها ها، بس حلوي منك يا عمار.

"واذا بتضل تربتنا رقيقة***وما عنّا لا سياسي ولا ثقافي
بيجينا نهار ناكلها بعتيقة***وما رح ينفع دواحي ولا طوايف
وعلينا بتضحك قلام الصحافي"

أوافق معك يا سليمان، أصبت وأجدت.

وتاتنبني الأوطان مش بالدَيــن = وماينضحك ع شعب عـلماني
الدستور والدولة سوا العينــين = وتاينحموا كلما سـألت انسان
المفروض يبقى يقول لبناني

لم أخطأ في العنوان، وها أنت تجيبني.
شكرا على الابداع، شكرا لأساتذة الشعر والذوق واسياد الكلمة والقول الحق، فهل مَن يسمع?

بالفعل ابداع وقمة من العطاء وفقكم الله شعراؤنا الكرام وشكرا لكم

موضوع: رد: فشّة خلق الأربعاء سبتمبر 10, 2008 1:56 pm

تعليق فلسفي رائع لليلى.
لقد خطا الشاعران سليمان وعمار خطوات نحو العملقة( من عملاق)، وخطونا معهما خطوات نحو الحملقة(من حملق أي النظر لقصائدهما والتفرس فيها وقراءتها مرارا وتكرارا)
لذا نحنا ننتظر المزيد ولكم من تعليق وتشريح وتصويب إذا اقتضى الأمر.
ننتظر المزيد فبالله عليكما لا تتأخرا.