ضيعتي للشمس...ميدان سعد كرم

ضيعتي كل الحلا فيها*** الله جمال الخلق عاطيها
:
ام المحبة ودنية الأيمان***بأخلاقها وروعة مباديها

ضيعة جميلي من ضيّع لبنان***في سحر ب روعة اراضيها
:
مطلة انخلقت للشمس ميدان***من تلالها لعمق واديها

مزنرة بكنايس وصلبان***وما في عواصف شر تأذيها

أنسانها حكاية وعي الأنسان***وكلمتو اللطف بمعانيها

وما خضع لفلان وفليتان***تاريخ حاضره وماضيها

فيكي يا برحليون عمري كان***ومنك سما الله بحاكيها

يا رب زيد بضيعتي عمران***وعا أهلها شرّع بواب الخير
وخلّي الوعي قوة أهاليها\

سعد كرم

سعد شيبان كرم

ضيعتي بلبنان بعدا ذاتها***حلوة وع مطل الدني طلاتها
وبعدا عوايدهاع هالطرز القديم***ثابتة ما تغيّرت عاداتها

*****
فلاحها بعدو بيغدي بالسحر***بكير شق الفجر تا يغّدي البقر
وناطورها واقف على تلال القمر***صوفيرتو يردالصدا نغماتها

*****************
وطافحة بعد الخوابي بالنبيد***خيرالله شي مقتّق شي جديد
وبعدو الشاعركل ما رندح قصيد***بيكرع من نبيدها وعرقاتها

***************
ضيعتي جنة بقلب لبنانها***محافظةع وجودها وايمانها
وأهلهاوبناتها وشبّانها***أنصع من بياض التلج صفحاتها

سعد شيبان كرم

لبنان خميرة الكون

وطنا بكل دولي وكل ديري***وجودو ثابت بطابع أميري
وبأرض الأرز وبدنية وطنا***نيّال لألو مفرش حصيري

العلم لوما وعي بكير عنا***الجهل سيطر عا بلدان الكبيري
اذا غرور الدول جن وطعّنا***ورمينا بلجةحروبو الكتيرة

منبقى متل ما ربينا وكنّا***منشوف الدني قد الفطيري
الخميرة من شواطي جبيل منّا***الخميري الأبجديي والحضارة
وشو نفعو الكون لولا ها الخميري

» يا ضيعتي
» من ضيعتي.. أتذكر...