صفحة للتعيق ع سليمان وعلي...

حسن كوتراني كتب:

حسن كوتراني كتب:: عامر علي خليك صاحب أنــتــبــاه ... وأوفي الشـــروط بدون شك وأشتباه

عصام يوسف كان بــــعالي ســماه ... بجنبك خمس ردات ضييع مــســـــتواه
وخيك أبو شربل مدا الأرحب مداه ... باالكاد غنى الأربعة وعاالدرب تـــــاه
وخيك حــــسن لولا وصل للتالتي ... وفهمك.رح بيمشي بعكس الأتـــــــــجاه

شك

ل تياب موضة جهل داير مغزلك = وبعدك عبد لكن علي بمجدو ملك

اصبر على موضوع لاقيني ولك = مع ابن يوسف تا يزهّر مشتلك

وما زال هندسة القصيده بتجعلك = فرحان م منزعل وشو منفرح إلك

رح نزّل الختمه وانت من بعدها = ان حبّيت نتبارى وشمخت بنزّلك

* * *

سليمان خيي وانت شو اللي دخّلك = وما في قساوه بالقلوب بتنسلك

بالشعر منفجّر نجوم بكل فلك = لكن حبايب ما منقبل نزعلك

* * *

وبالنسبه لهـ البيت

وشو ما رح بيطلب الإبداع قوت = بكتّف الدهر بخيط زنّار الضباب

فـ الخطأ مطبعي

ويجب ان تكون : وشو ما رح بيتّطلب الابداع قوت = بكتّف الـ . . . .

ولا يهمّك اخي محمّد

اليك محمّد باقي الشرح

* ورع بالفتحه المقصود من الجمله شاعر للتقوى

* احييه رغم السلطه التي املك - نوع من التواضع

* برع

انا مش داير احط استعاره تقدح الثانيه ع الخفيف

اشي منّو ولا كلّو ومش مشكله المرّه الجاي

بحط خمسين استعاره

* المقصود بالحلم هو الصبر ومش الرؤيا

وكتير حاوي اي اكتر من الظاهر بالصدر

* ي مشحتر النيّه . . . .

عباره للإستفزاز - واضحه

* عبارة مصرّحه - الهجوم العلني

* وعبارة بدون فرض ومسبحه - مجرّد من التروّي والصلاه

وذلك لانّه كما ورد - مسبوع - اي لا شك سيظهر نوع من الخبث الشعري

* بالنسبه للبيت

وما كان يعطيك العباره مسلّحه = بالفلسفه لو سميك راس ل م استحى

المقصود عن الزوده بالردّه الأولى والتي تسرد عن السرع الكونيّه

فهذه تابعه للفلسفه يمكن منشان هيك اجت مش مفهومه

بسيطه

* كمان قضيّة سارق اشبهي للاستفزاز يعني سارق مظبّط امورو

* السهي لا تعني ازمه نفسيّه ولكن من تأثير الوضع

بيصير يسها ويشرد - يعني مضيّع

* اقصد عملتو عملة براقش من المثل الشهير

جنت على نفسـها براقش

لا اظنّها معقّده يا اخي

* كلمة تزدهي تعني تظهر وتبرز

* وبالنسبه للزغلول

مع كلّ الاحترام يا محمّد وانا كتير بقدّرو بس المشكله

انّو بكتير حفلات كان يرد بالنفي والقصد

اذا بتنعتو بشي بيرد وبينعتك بنفس الشي

وبيقول مش انا انت

يعني مش مقنع وهون سليمان عمل متلو بقضيّة الضمير

لمّا انا قلتلّو ما عندك ضمير قام ردها تقريبا نفس الشي

وانا بعرف شو الزغلول وما حدا سامعلو قدّي قديم وجديد

وهوّي مش منزّه عن الغلط بعدين الانبيا بيغلطو يا اخي

* امّا هون

وم بيشمخو من كل شعّار الزجل = الا اذا . . . .

اجت بعد ما حكى سليمان عن الشموخ وذكر اسماء الشعرا

الاخوه شامخ ومحمّد

يعني مش لازم تكون مش مظبوطه

* وبالنسبه للعباره قوافي ملهلبه اللي انت شايفها عاديّه

هون حق الافتخار لكل شاعر

ولو ما عجبك مش مهم

* بعد م سليمان حكى عن التخييط شو بدّك ابعد عن الموضوع

واحكي عن عالم اخر يا زلمه ما بصير هيك

بنفع تقول اهمل او همل الموضوع

يعني : اهمل - مهمل و همل - هامل

كيف لو عندك قصيده ورح تحط كلمة - هملها -

بتقوم باستبدالها بكلمة اهملها حتّى تكسر الوزن

لمجرّد م يمكن حدا يشوّط ابدا ما في فرق

وخصوصي انّو ما ظهر قبلا تلميح لاشي سلبي

وشكرا

احكيلك شغلة...... بس ما تزعل مني........
عقدتني 10 مرات زيادة على التعقيد اللي انا متعقدو من ابياتك..
عشان هيك شو ما تكتب كلو حلو..
ويسلمو وشكرا كثير ع تفاعلك..... وبخصوص تاخيرك
"ان تاتي متاخرا خيرٌ من اللا تاتي ابدا"

يا

طراد في بيموقعك شاعر طريد ... بيحكي بلغة أسياد بلهجة عبـيد
وفي شاعر بيعبَد صلا أسعد سعيد ... بعمرو م ذاق الخلْ بيحب النبيد
بلّش علي خربان تهديد ووعــــيد ... وتا يستفيد بختمتو وتا نستفيد
بشمع أحمر قوم تمو أخــــــــــتمو ... من قبل ما يتشوهو بيوت القصيد

تمّو انختم بالشمع قرّب شوف

من قبل ما يطلع عليه نهار

وتا يصير شاعر يا حسن معروف

نادر عا قدّو شمعتين زغار

هههه

سليمان كتب:: تمّو انختم بالشمع قرّب شوف

من قبل ما يطلع عليه نهار

وتا يصير شاعر يا حسن معروف

نادر عا قدّو شمعتين زغار

هههه

من بَعد ما طلع الشَعر ع لسانا ... تجاهل نصيحتنا وبكلمي هانّا
ومازال شمع الندر كان الخاتمي ... نشالله بتبقى خاتمة أحزانّا

من وين قلّي يا حسن رح يرتقي***ما زال زعل من الكلام المنطقي
لا الشمع قادر يرفعو صوب السما ***وغير الكوي تا يصير شاعر ما بقي

ههههههههههه

آخر عِلاج الكي بدك جَرّبو ... بلكي من كنوز السما بتقربو
لاكن أذا ما كان مضمون العلاج ... أكتر ما هو خربان رح بتخربو

باب المواهب عيب لازم نفتحو***بركي الخوابي بالنبيد بينضحوا
وموتار فولز الفكن لمّ بيقطعك***يا بتعرضو عا الكسر أو بتصلّحو
هههههههههههههههههههه

هـ الكوثراني يا ابو شربل نشر = اخبار حقدو ع البواشق هـ الحشر

بمرّ الحقيقه فاشل مصدّي انحشر = وآمال عا حبل الوهم هلهل نشر

ما فيك ي غراب اللعي تحمل بشر = ولا فيك تخدع سر ايمان البشر

وتمّي ان ختمتو بيبلش زعيقك ندم = يا ألف حسره بعد ما قالو فشر

* * *

يا ألف عيب الشوم بو شربول

بعد المدح منّي تقوم تهجي

وكرمال فرخ البوم هـ المعلول

تنكر فضايل خبرتي ونهجي

* * *

م قبلت هينك من بعد كل حركشه = خفت الإهانه فيك تبقى مهبّشه

وضلّك حزين بشمختي مستر حسن = عا كعب رجلي ما قدر وحلك مشي

* * *

لمّا تحاورنا ي سوسو الفوضوي = جافا الرقي كلمت وحيي ومطلعي

ومعتاد بفلسطين عا نار الكوي = مش مشكله ان صهين ضميرو المدّعي

* * *

حسّون ضلّك ع الدرس ماشي تمام = كنوز السما لا تقرب على محلّها

وشيطان من خربان رح صفّي قوام = تا رقبة الفصعون متلك حلّها

* * *

سليمان يا مقطوع عا درب الأدب = لا تفكّر بولدنتك بتكسر علي

ان كان الحرف لمجالي حطب = رح بعملك فحمه ي صوص المرجله

خيي حسن انا مستعد اذا بتحب نفتح صفحه

وموضوع على ذوقك من عيوني

تفضّل ع صفحه جديده واذا بدّك افتتاحيات

فش مشكله

سليمان يا مقطوع عا درب الأدب = لا تفكّر بولدنتك بتكسر علي

ان كان الحرف خلاك لمجالي حطب = رح بعملك فحمه ي صوص المرجله

حلوووووووووووو يا علي هيك بيّضتا

وخصاصا هون عا كعب رجلي ما قدر وحلك مشي

وهيدا التوريي بالزجل قاسية بس مقبولة شفت يا حسن انو في أمل

عندك أمل تا تصير شاعر تنحمل***ان ضليّت يا خربان مؤمن بالعمل
وهلق بغرفة من العناية الفائقة***بننطر حسن قديّش رح يعطي الأمل

هههههههههههههههههه بعد حكم الدكتور حسن ...!!!والأخصائي عمار بالأعصاب ههههههههههههه

ومحمد الخطيب الأخصائي بالتشريح ههههههههه

تعا يا شعر واسعدلي مسائي***ومسّح دمعتي وخفّف عنائي
وقوافي بكر طقّون فرد طقّة***وبلا ما تترك الشعر والوبائي

انا ما كان تفكيري ترقّى***لوما الصفصفة صارت ورائي
وحسن شاعر من الجوقات نقّى***ملوك القافية من شعر دائي

وعلي خربان لا خلّى ولا بقّا***وقال لربّنا بعلن ولائي
واذا بيسب رح دقّو مدقّة***عا راسو وبعد ما تعطوا النتيجة
يقولوا ...!!!مات بالموقع فدائي
ههههههههههههههههه

بحياة الله كيف يا اخــــــــوان = ملوك التحدي دشّروا الوجــــدان
ومارد الشعر الحابب يغامـــــر = لا تخـــــنقوه بـقـقم وفنــــجان

الشاعر خلق بالموهبة يسامـر = احباب قلبو بكافةّ الاوطــــــــان
كيف الخلق من موطنو العامر = بمهد الحروف ومن زجل لبنان

حسون شاعر ماحدا يقــــــامر= بمعبد الكلمة مفعم الإيمــــــــان
وعمار جايي والوفا ضـــامر = بحب وتصافي يرجح الميزان

سليمان خيرو المنتدى طامر = وشاعرعلي؟ أو لاء ياسليـمان
الاسمو علي وبشهرتو عامر = قبل الأمل واللعب بالأعصاب
كيف صفى بالزجل خربان؟

* * * * * * * * *

اي بس محمد جاييك الك يا سليمان مش ل علي..
علي بيضها بردو الاخير ما شفت فيو شي غامض.. وكان حلو ومرتب
وبخصوص المسبات انا ما دخلني مش شغلتي هالشغلة
بس انتي يا سليمان بالقصيدة الاخيرة..

اوزنلي هالبيت ت نشوف.. او مكسور او انا ما اعرفت اقراه او خطا مطبعي... نقي واحد من هالاجابات وفيك تستشير صديق مش مشكلة.. وراي الجمهور كمان تكرم عيونك بس ما في حذف اجابتين...

وعمار جايي والخير ضـــامر

......

تحياتي..... محمد خطيب

تكرم عيونك اكيد البيت الكاتبو انت مكسور مية بالمية بس عم شوف محمد منين جايب ها البيت عم شوف الوقت
قصيدة عمار مكتوبة 17.50 اليوم وردك مكتوب الساعة 18.15
كيف جبت ها البيت بربك خبرني وخلي عمّار يجاوبني

انا آسف خيي سليمان انا موجه الكلام الك ومش منتبه انها القصيدة ل خيي عمار... لانو شفتها ملونة وبعرف ما حدا بلوون غيرك... فكرتها الك..
على كل حال
البيت كان مكتوب
وعمار جايي والخير ضـــامر

بهالطريقة لانو انا ما كتبتو بالرد تبعي انا عملتلو نسخ لصق من القصيدة تبعت عمار... والظاهر انو خيينا عمار بطريقة او باخرى عدلها...
ما بعتقد في تفسير ثاني..
بس ما بعرف كيف قدر يعدلها وانا دائما بكون بدي عدّل بس ما بلاقي طريقة عدل فيها

على كل حال
تحياتي وشكرا كثير...

سليمان كتب:: عندك أمل تا تصير شاعر تنحمل***ان ضليّت يا خربان مؤمن بالعمل
وهلق بغرفة من العناية الفائقة***بننطر حسن قديّش رح يعطي الأمل

هههههههههههههههههه بعد حكم الدكتور حسن ...!!!والأخصائي عمار بالأعصاب ههههههههههههه

ومحمد الخطيب الأخصائي بالتشريح ههههههههه

ما في أمل خربان يشفا من المرض ... عا كلْ كلمي قالها أقضي غِرض
خربان .فالج لا تعالج يا طــــــــراد ... ألا أذا عا البيطري رح ينعرض

[/size]

تسلم خيي سليمان ولعيون احلى منتدى

انا للشعر مجنونو المثالي = وخيالي عطّر جروحو كمالي

واذا خربان شافوني الطفالى = اكيده الكفر م بيهوى العداله

ولانّي جمر من روحي تغالى = لهيب السر تا يمحي الجهاله

بغضني الطايش وبين الكسالى = م بيّن وهج شعري وارتجالي

انا يا منتدى ايمان لالى = بصومعة القلب حبّ واصاله

وحلم مغدور من حظّي التعالى = ع غيم الشر تا يقهر نضالي

لكن كتر م بروحي خصالا = الوفا والصدق قوّولي مجالي

بصبري والحرف صارو ثكالى = الاعادي ومنطقي ضوّى الليالي

ولانّي متوّج بالله تعالى = وهبني شهادة الكلمه الغنيّه

بجامعة الطبيعه ع البساله

يا سليمان عم أسمع اشـــــاعة ... صرح فنونا العامر تداعــــــة
وعامر شوه الصفــحة الجميلي ... لا ذمي ولا وجدان راعــــــــة

يا خربان ها الطلي الهــــزيلي ... لغيرك ما ترك ربك بشـــاعة
ل بيشوفك بها القامي النحيلي ... بيفكّر باالبلد عِــــــنا مجــــاعة

ويمكن نفس صاحبنا عــليلي ... ومُصاب بمرض فقد المنـــــاعة
مناعة أسم شاعر يا زميلي ... فيه بيخجلو حروف الطــــباعــة

يا بن عامر ل جيلك غير جيلي .. قبالي أنحني برهبي وطـــاعة
لأني كلما أســـــــــرج أصـــيلي .. لي متلك لو بصرني في منامو
بيرجف أربعة وعشرين ســــــاعة

ما في أمل خربان يشفا من المرض ... عا كلْ كلمي قالها أقضي غِرض
خربان .فالج لا تعالج يا طــــــــراد ... ألا أذا عا البيطري رح ينعرض

[/size][/quote]

خربان يا حسّون عمرو ما عصي***وقد الشعر براسنا بياكل عصي

ن ما بيستفيد من التبيطر يا حسن ***بعد الكوي بالنار لازملو خصي

ههههههههههههه شو في عدّة طرق خبرنا

ما في أمل خربان يشفا من المرض ... عا كلْ كلمي قالها أقضي غِرض

خربان .فالج لا تعالج يا طــــــــراد ... ألا أذا عا البيطري رح ينعرض

خربان يا حسّون عمرو ما عصي***وقد الشعر براسنا بياكل عصي

ن ما بيستفيد من التبيطر يا حسن ***بعد الكوي بالنار لازملو خصي

بحسّون وسليمان متجلّي القهر = من كتر ما دعوستن وشاب الدّهر

وت يبيّنو بعد العذاب الكافرين = بيعربدو ع الطهر بقوة من العهر

علي عامر كتب:

حلوة ها القصيدة بلا مراعا***وانا من جهّتي عندي قناعة
ما فيها شطر مش مفهوم والله***وتحيّة صادقة عندك براعة

تخلّى قد ما بتقدر تخلّى***عن الممنوع وبيوت البشاعة
وشاعر عبقري تلمع انشاللة***واذا بتصير رح جيب الأزاعة

وحسن قلّك يا شاعرنا تعلّى***بجو القافية بحكمة وشجاعة
وتا تطلع عا السما بشعرك تجلّى***ولا تبقا تهين الله كل ساعة

ويا بن خربان لو عنك تولّى***وزير التربية يمّا الزراعة
الدفاع ..!!ولو تشافيز فنزولا***بتبقا ضعيف ما عندك مناعة

بقشر بطيّخ يا روحي تسلّى***وبلا ما تطلّع علينا اشاعة
انا وحسّون مع عمّار الله***بزاتو بينزل يحيّي زجلنا
لأنو طحين صرنا وما نخجلنا
وخبز مرقوق بسنين المجاعة

» بحر الزجل وعلي جعفر
» شحرور الوادي وعلي الحج
» محاورة سليمان وعصام يوسف سألنا على سليمان
» صفحة التعليق على صفحة "صيف الضيعة"
» بين هولو وعلي