سمير هلال تحت الاحتلال

نقل مباشر للعركة وهيدا الرابط

http://www.mshtawy.com/vb/forum16/9550/#post44918

تفضّل يا ابن هلال وسّعت المجال***وقرّرت خلّي الموقع يصّدر جمال
غنّي معي ولا ترد بيت بانفعال**وحرّك مواج الموهبة ببحر الخيال
قبلك عمر شادي قصفتو بالقتال***وشوشو حبيب القلب صفر على الشمال
احتليّت موقع بالزجل والموهبة***وشو فيك تعمل...؟؟ انت تحت الأحتلال سمير هلال تحت الاحتلال Beer

سمير هلال

بيبدى جمال الليل مع سحر الغروب 00 سليمان لا تستغيب رفاق الدروب

نحل الغريب احتّل أزهار الشعوب 00 ومن خيرها بيموّن بلادو طيوب

أيّـا حدى بيحتّل موقع بالزجل 00 والشاطر بيحتّل موقع بلقلوب

يا شعر قلّي ليش بو سمرة انوَرَب ***ومدفع هجوم الجيش لسّا ما ضرب
ما في بلد محتل ألّا ما اخترب***وشعبو الحزين من الظلم هج وهرب
بوش العراق احتل والذل اقترب***وهتلر احتل بلاد تا ينال الأرب
والأخطَر من كل عا وجه الدني***ريس اللعيني احتّلت قلوب العرب

__________________

سمير هلال

رايس 0 لو كانت عبالك خاطره000 لحقها عشرم الشيخ بعدا ناطره

احتلّت صحيح قلوب حكّام العرب 000 من غشمنتهن 0 مش لأنو شاطره

ريس بسياسة ناجحة بتدبيرها***بتقدر عروش الشرق كلها تديرها

وتا تقول منها شاطرة قلّي العرب***نغرمو ا بشكلا أو حلا شفاتيرها __________________

سمير هلال

يا صاحبي عن كوندي طال الكلام 0000 والبحث ذاتو صار عرضه للملام

شو رأيك بموضوع يرضي القارئين 0000 نتحاور بأمر السياسه والغرام

مين الي بدو يلومنا وهمومنا***نتركت بايد السيّسو مفهومنا
ما ضل عنّا وقت نعشق يا سمير***انصرنا سيّاسين اسحا تلومنا

والشاطر بيحتل موقع بالقلوب: موفقة.
ريس اللعيني احتّلت قلوب العرب: مقاربة ناجحة.
من غشمنتهن مش لأنو شاطره:تفسير لواقع.
نغرمو ا بشكلا أو حلا شفاتيرها :توضيح قوي.
ما ضل عنّا وقت نعشق يا سمير: واقعي

سمير هلال
حب المرى بعروقك الحمره سرى 000 هادا شو أسمو بالسياسه يا ترى

فضل الغرام عليك لمّا نبهّك 000 تتبع سياسه مهّذبي بحق المرى

سليمان

سمير هلال تحت الاحتلال Beer

حق المرا محفوظ من بعد الزواج***انتبعت سياسة ما تسبب انزعاج

وقلبك اذا بيبقا سجين العاطفة***بتاكل هوى محروق عاصاج المزاج

__________________

بين نصيحة سمير هلال وسياسة سليمان تظهر الحقائق جلية تبرز من خلف سطورها موقفين للشاعرين، غير أن سليمان حاطط إجر بالفلاحة وأجر بالبور، شو رايكم?

حاطط إجرو[center]

سمير هلال تحت الإحتلال

permalink

بأكل الهوى المحروق عانار الهوى ...... قدّ السياسي ما حدى بياكل هوى

بعض السياسه بالهوى كذب ونفاق ....... جمعت بقلبك بارد وحامي سوى

سليمان ]

بالرغم من أخطائها المتراكمة***بتبقا السياسة بالقضايا الحاكمة

ولوما السياسة بعصرنا تفض الخلاف***كان الشرق والغرب رينك ملاكمة

__________________

ايّاك تضوي للحياة شموع ***ما العمر شمعة وهيك ترتيبو
خبز القصيدة بتاكلو تا تجوع***وخبز الدني بتجوع تا تجيبو

خلّيك متل الشمس سجّادي****تستقبل النجمات لمّا تفوت
بعرف انا خلقان ببلادي****لكن ما بعرف ويّن بدّي موت

[/size]

أنا معجب بواقعية سليمان

سمير هلال
شرق وغرب نقطة خلاف وإختلاف ...... كلما خلاف انفّض بيوّلد خلاف
ديانا الأميره انغرمت بإبن الشروق ...... إيد السياسه دنّست زهر العفاف

قلب الأميرة ما حسب أمن البلاد***ودوّر عا مصلحة الغرام وما استفاد
ومش عدل ....؟تترك طيشها بريطانيا***يهدم عرش حكّام...!!! تا تحكم ولاد سمير هلال تحت الاحتلال Nono

سمير هلال

الحكّام ببريطانيا لو يسمعوك ...... عطيوك عاتأييدهن
حسن السلوك

لكن كلامك دّل عافعل الغرام ...... بيهدّد عروش الممالك والملوك

شغل السياسة... واقعي ومنّو سراب***بيمنع عشق مجنون ...؟منها الأقتراب

يعني العروش ...!!!بتنحمى بوعي الملك***وبووم الغرام..؟ بياخدك صوب الخراب

__________________

هل نظرت يا استاذ كوبيلو إلى منطقية الشاعر سمير هلال، فقد قرص سليمان.

لما السياسه من الغرام ينوبها ...... أيّا خلل ردّو عضعف قلوبها

منعرف غرام النفس خمره معتقه ...... المش قدّها لا يسرح بمشروبها

يا بيّاع الخواتم والعقودي***حرام عليك تنكرلي جهودي
انا بوشربل على النت أسّس***سياسة شعر نوعيّي وجودة

يا بو سمرة غرامك صار اتعس***من المزتوت بفواه الأسودي
اعترف فيّي لأني صرت أطلس***منعت الحرب ووفيت بعهودي

انت مغروم بالوجه المكلّس***بوطفا وفاطمة وليلى وجودي
وانا عم فاوض الغرب المغطرس***بمجلس أمنّنا مثبّت وجودي

وما زالو شرقك وغربك مسيّس ***ونزولك بالعشق أكّد صعودي
تعا عا ايد بو شربل تكبّس***وبلا ما تجن يا قيس الودودي

ولأنو راسك على العشق طلمس***انغرمت على الخصر تحمل فرودي
السياسة سلم بكتاب المقدّس***ومسيح الكون ...!!ما بيحمل بارودي

كفاك تدوب يا زبيب المشمس***انغرمت بريس وبليفني الحقودة
براسك لازم تحط المسدس***ومتل ما روميو وجوليات ماتو
ضروري تموت يا عشق اليهودي

بعد قرصة سمير أنستي ليلى وبطرف اصبعه، عاد سليمان ليقرص سمير بقذيفته مدافعه الشعرية، وما دام القرص داير، خبو رؤوسكم
حتى صار سمير " كالمزتوت في فاه الأسود"

السياسه دورها الفاعل أساسي ........ أنا مش ناكرو إن كنت ناسي

ظهرت كتير سطحي في ختامك ........ تركت ال ماس ولحقت النحاسي

بعرف بالسياسه ألتزامك ....... سياسي بس مانك دبلوماسي

قلّي كيف عم تنكر غرامك ....... أنت شاعر حواسك من حواسي

لشو ترمي ( الملوّح ) في سهامك ....... حسدتو عـا جنونو والتعاسي

غرام العاشق ومعشوق لامك ....... أنا الشعّار والكتّاب ناسي

أحني لروميو وجولييت هامك ....... لأرواح المحبه والقداسي

ماتو بس نالو أحترامك ......... وفاهن حطّم الرقم القياسي

رايس وليفني هودي زلامك ....... بمجلس أمن أحكامو مآسي

ومين بيحمل فروده أمامك ........ سوى أزلام أصحاب الكراسي

بدي مع يوليوس قيصرخصامك ........ رفض عا كيليوبترا يكون قاسي

سياسة غدرك بخدمة مرامك ......... نتيجتهـا التآمـر والخساسي

و(جون كينيدي ) ضحية أنتقامك ........ شرب من كاسك وما داق كاسي

وشفنا وقت بتحّلل حرامك ........ مبتوّفر رئيسك بالرئاسي

ويسوع اللي ظهرتلّو بسلامك ........ يا حامل كيس فضه وقلب قاسي

عيد حسابك وراجع كلامك ........ لأنو تهمتو بفعل اليهودي

سياسيي بتدبير السياسي

فرصه سعيده أبو شربل الغالي

وهلق يا استاذ كوبيلو، وين بدو يبين سليمان?!!!

» حسان بسطاطي وسمير هلال برنامج أوووف
» إلى سمير
» عمار البراضعي و سمير شرف الدين