كوندا وليفني اشرف

المشاركة الأصلية كتبت بواسطة سميرهلال
شو بتريد من الشاعر بهالظرف الانساني والوطني يتغزل بسواد كوندي وشقار ليفني

رد نمر شبّو

ياهلال لاتخاطر بألهامك
وتغرق متل غيرك بأحلامك
خليك شاعر قابض عَ الكون
والأرض غبرة مجد قدّامك
لا تضيع مرّه هون مرّه هون
وتسخّر سنينك لآلامك
لبتشوفها عبدة فقط بالّلون
أبنل وأشرف في مواقفها
من بودرة نسوان حكامك

****
شو ذنبها لو كان لونا ليل
وأسمها ( كوندا ) ومش نجوى
لوما خليلك كان عندو ميل
لها الّلون منّو ماسمعت (أجوى )

***
وشقار ( ليفني ) بشعرها المشّقر
مش متل يلّي بيصبغو شَــعرن
ولا متل شعّار الوطن بالسّـــرْ
كرمال قرش بيصبغو شْــــعرن
شعر النياحة بالوطن بيضرْ
تركهن يموتو خوف من زعرن
يلّي خيالن يبّس المخّضَرْ
لازم عن تراب الوطن كًََعـــــــــــرن

***
هودي ماخانو شعبهن ياهلال
يوم ولاشعبن بالعمر خانن
متلهن ياريت عنّا رجال
كنّا فدينا الروح منشانن
هودي ماسرقو زهرة الأجيال
تايزرعوها بقلب بستانن
هودي ماسرقو من الخزيني المال
تايكدّسوها بقلب جزدانن
هودي ماقطعو الكهربا كرمال
يضوّو غرف نومن لنسوانن
ولابعمرن استولو على النّقال
ولا نفطن تهرّب لجيرانن

هودي جماعة فعل مش أقوال
وتايقدّمو للنّاس برهانن
انخسرو الحرب بينحنو بإذلال
وبيدشرو المنصب ألك بالحال
وبيرحلو لولا الشعب دانن