كي لا ننسى قانا الجليل للشلعر موسى زغيب

وتخايلو ضيعة بجنوب لبنان ... غافيي والصبح عم يطلـع
وعنقود صهيوني إجا شعلان ... يفرفط حبوبو فوقها وتولع
وعاالستالايت مصنع الأمركان .. يكّبس زرار يحوص يتطلع
ما يشوف إلا قنابل ودخـــــان .. وأجساد تتمزّق وتــتشــــلع
وكترت ما شربت دم طاهر كان .. ودفنت ضحك أطفال بالموقع
امتص العشب قدسية الأكفــان .. صار يقشع ويشعر ويتسـمع
قانا القداسي منبت الوجدان .. هيي أساس النهر والمــــنبع
ياسوع فيها بارك العرسان ... وريحة قميصو زعتر ونعنـع
والفرق بين الكفر والإيمان ... إنو بقانا اللعم بتـــــتوجــــــع
نحنا منجي بمصاحف وصلبان .. وهني بيجو باالنار والمـدفع
يا ألبرايت لا تحقرو الإنسان .. لما الزمان بيجبرو يــــــركع
انتبهو في نبتة بتنبت بلبنان .. الورقة رفيعة والغصن أرفع
منحدل عليها من الزفت أطنان .. ومنقول راحت ما بقا ترجع
ولما بيسري بدمها نيسان .. بتشق زفت الارض وبتطلـــــع

قانا 96 للشاعر موسى زغيب

بتذكّر وقتا كنت موجود شخصيا بالمصيلح، مطرح ما كان الحفل.
مطلع القصيدة لموسى:

ضيعة بأرض جنوبنا ... الـْهالـْميل
طفلها "الإنكغّ" عا تمـّو
إلاّ وصبح ... من بعد نصّ اللـّيل
غافي وحضن إمـّو عم يضمـّو
نزلت عناقيد الغضب والويـْل
شلعت الطـّفل ... ومزّقت إمـّو
حتـّى انمزج بدمـّها دمـّو ...

وماتت العيلة ... وما بقي غير خيّ
عمرو تنعشر عام ... مش أكتر
ولا عاد إمّ بيملك ... ولا بيّ
ولا إخت حدّو عالدّرس تسهر
تمنـّى الزمن يسرع بعمرو شوي
ويكبّرو من قبل ما يكبر
تا يلفّ عا خصرو حزام الموت
ويروح ... بالمحتلّ ... يتفجـّر

برأيي كان في يتجنـّب يقول هالبيت:

وعاالستالايت مصنع الأمركان

هيدي من أروع مع قيل.......كتير عجبتني

انتبهو في نبتة بتنبت بلبنان .. الورقة رفيعة والغصن أرفع
منحدل عليها من الزفت أطنان .. ومنقول راحت ما بقا ترجع
ولما بيسري بدمها نيسان .. بتشق زفت الارض وبتطلـــــع

أنت بوافق حكمت، وهال الملاحظة لهالنبتة ورسمها في صورة شعرية لا أجمل بل وأبلغ ما قيل من شعر.

» موسى زغيب
» موسى زغيب قصيدة يا أمي
» موسى زغيب في عيتا الفخار
» الحقيقة لا تتزوج للشاعر موسى زغيب
» عبد الجليل وهبي