أيار ألوَقْ

موضوع: أيار ألوَقْ الإثنين مايو 04, 2009 2:22 pm

طلـــيت يا أيار بَعد الإنتضـــار
وعمالك يضوو الشمُوع بكل دار
ترسم معـاولهن على خَد الصخور
تصدح مناجلهن تراتيل الــــطيور
ترندح حناجرهن نشيد الإنـــتصار

طـُل متل الصبح ع ضَو النــــهــار
زَهــّر بقلبن مرغريت وجلــــنــار
بأيـــــمانهن صانو مقام الأنـــبــيـا
بزنودهن بــِنيو بيوت الأغـــــنـــيا
بصدورهن نبض القلب بركان نار

أيار يا أيار طـُــــــل بـــــأعــــتذار
خمسين مليار وقريب الأنــــهـيار
بو نــِيع ألـوَق ع بلاكين القـُصور
مبارح وعدهن يرفع شوي الأُجور
وكيف رح يمشي على السكة القطار
والقافلي ماشي بطليعتها حمـــــــار

موضوع: رد: أيار ألوَقْ الإثنين مايو 04, 2009 3:11 pm

كبير يا حسون كبير يا رفيق

ايار يا حسون مش هوي الغلط
بس الغلط يلي تعب غيرو زلط
وهيدا اللي عرم عا بلاكين القصور
من معول العمال حيطمو الزلط

موضوع: رد: أيار ألوَقْ الإثنين مايو 04, 2009 4:04 pm

هــــــسس بوقفولنا عضويتنا يا أخخخخخخخخخخخخخخخخخخخخخ هاني؟

موضوع: رد: أيار ألوَقْ الإثنين مايو 04, 2009 5:33 pm

بسيطا خيي حسون ما تعتل هم

يلي الصخرة بيدو شال
بلبنان العالي جبالو
ولبنان بعيد العمال
بفخر يهني عمالو

لبنان بلاد الانسان
لاكن مش عم يتقدر
من هجمات الكيف ما كان
وضع بلادي متكسر
والعامل عنا بلبنان
عا وضعو ما منتحسر
بايع نفسو للشيطان
حتى يعيش اطفالو

موضوع: رد: أيار ألوَقْ الإثنين مايو 04, 2009 5:56 pm

للـــــيسار يا رفيقي دُرْ *** مَفهومــــك نكران الـــــذات
مطرحْ مَ خيالك بيمــُـر *** للنصر بتـــرفع رايـــــــــــات
الحــــُريي ع جبين الغُر *** ما بدها حـــِجي وإثـــــــــبـــات
وحّدو الثري الغُر الحُر *** أرزاتو مــــا بيــــــنــــــــــــطالو

موضوع: رد: أيار ألوَقْ الإثنين مايو 04, 2009 5:58 pm

حسن كوتراني كتب:: للـــــيسار يا رفيقي دُرْ *** مَفهومــــك نكران الـــــذات
مطرحْ مَ خيالك بيمــُـر *** للنصر بتـــرفع رايـــــــــــات
الحــــُريي ع جبين الغُر *** ما بدها حـــِجي وإثـــــــــبـــات
وحّدو الثوري الغُر الحُر *** أرزاتو مــــا بيــــــنــــــــــــطالو

يا رفيقي نحنا بلبنان
متل الشجرة المنتوفي
من عاني بماضي الازمان
من هالصيغة المعروفي
وكترو تجار الاديان
بلادي صارت مخطوفي
انشالله بي 7 حزيران
الظلم يهرهر عا شكالو

يلا خيي حسون رايحين شحط من هون

نجمات الساحات الحُمر ** فوق البر وفوق اليَم
رجعت تسطع هيو السُمر ** وخَلّو البيض بلون الدم
بدنا يا رفقات العُـــــــمر ** نعَلي اللصرخة الشمل التم
وكلما النجل يحصد غمر ** تبارك بالأرض غلالــو

اوكلما المنجل .. غلطنا .. ما تخاف منقدم لجوء سياسي عند عمار