محاورات طريفة بين شعراء مرمريتا شعّار الحيص بيص ههههه

شعار الحيص بيص

--------------------------------------------------------------------------------

الشعر دنكز من ردود "الحيص بيص" ***بشعار خنقوا للشعر آخر بصيص
وطفيوا الجمر برخيص صفوه عابره ***وصار الجمر مدفون برماد الرخيص

ربيع
ورد خطأ اعتقدت انه الشاعر مروان سليمان عفوا

للتنويه ربيع هو الشاعر راجح والمأكد انه الدكتور اياد قحوش



جعفر حيدر

من غفوتك بالوهم يا منــــــــحوس فيق
شـــعار نحنا وما لنا بشـــــــعرك رفيق

منغط بالصفوة ومن جمر الشــــــــــعر
منطلع متل م بيطلعو طيور الفينـــــيق


ثناء حيدر


-----------------------

تمهل يا عامل بالشــــــــــعر حالك كبـير
لا جمرتك حرقت، ولا نارك ســــــــعير

جايي تدنكر بالزجل أشـــــــــــــــــعارنا
أجرك قصيرة وروح شفلك شي حصير


راجح
ربيع

شعري جمر في دفتري لويندقر ***عيون العدا من وهج نارو بتنفقر
وصيتي سقر والشمس نقطة بدفتري ***ولما بتطفوا الشمس نطوا عاسقر

برأيي خلوها واحد عا واحد ..فالمآيس عن حياتو منكون يكمل ولاتزعلوا جاي دور البقية..والبقية بحياتكن ..وكمان عالأكابريه خلوها بيتين تلاته بس ..

ربيع

جعفر حيدر



ما رح بطفي الشمس بدّي حيلها --------- شمعة زغيري، وإســكر مقابيلها
زتيت نفسك في جحيم المعركي --------- رح شوف كيف من الجحيم تشيلها


الدكتور جورج حنا

يتأهل بربيع أي مروان سليمان


أهلا وسهلا بك أيها الربيع القادم بقوة كبيرة , نوّرتنا .
--------------------------------------
حاجي تْعربش عالسطح يا عْرق ليف
نحنا لِوا بالجيش مو متلك عَريف

اسمك لطيف وصار لازم تْبْدلو
البَق ألك لو كان بِ يصير الخريف
--------------------------------
ربيع

اسمي انحرق بخور كرمال الجميع *** بالنار عاهيكل صلا الشعر الرفيع
وسمعت رب الشعر عميحكي الي ***يانار كوني برد عاراس الربيع

ربيع

جعفر سليمان
هـ النار خافت من جحيم المـــعركي ------- صارت برد ومن البرد عم تشــــتكي
وبكرا إذا رح يرتمي ظلي عـلــيك ------- رح عرفك كيف الحكي وكيف البكي


ربيع

بالنار قوستك بطلقة من الفرد ***وبالبرد لفلفتك ياميت بالبرد
وماضل منك غير ظل ومرتمي *** يشحد بكي للميت ويشحد ورد

ربيع

جعفر حيدر



المجنون ما بيعلك أقلّ من رطل
صوتو بهورة لم بيفرغ هـ السطل

والعقل لما جوزتين بخرج صار
ماعدت تعرف وين ميحشي العطل



ربيع


بهالجوزتين العقل خبى الموهبي ***وفيهم بكسر راس شاعر خلبي
ولما على الجوزه بتطلع بالزجل *** في وقتها بالشعر رح عدك نبي
ربيع


جعفر حيدر


بو جوزتين بخرج ..... حدي ما إلك
من الموهبي العندك طريقك ما سـلك

شفلك شي جوزة تعربش عليها تقول
اللي طلعك ع الجوز ... بـدو ينزلك


ربيع


شعار هالموقع لهن بالشعر صيت ***ومعود الالهام بسريرن يبيت
ووقت للي سمعوا ردتك قالوا سوى ***ياريت ياجعفر غفيت ولا حكيت

ربيع


جعفر حيدر


يحميك اللــــــه وعين الله تطرقك -------- لو غفيت حتى غفوتي ما بتعتقك
طالب غفوتي تا تفرفرش بالزجل -------- وما يضل واحد بالمعنى يســحقك

بتعترف لك بالنصر جولة حيص بيص
يا ريتنا من بعض أبياتك أصـــــــــيص

ما تركت فينا من أثر شـــعرك بصـــيص
ودرب التحدي كان للمــــــــــتلي عويص

صعبي قميص الشــــعر واحد يلبـســــــو
لكن لبقلك يا صــــــــديقي هـ القمـــــيص


ربيع


ياسيد الحس ويا بو القلب الوسيع ***بالذوق ريحك شلطحت منبر ربيع

لما اتنين بيلتقوا بعركة زجل ***اسم الشعر بيفوز برضاة الجميع


وينك ياجعفر هات كتفك وانتخي ## وشمر ع قصباتك بموقعنا السخي
حاجي على بيدر زمانك مرتخي ## وناتع كرش بيقول للريح انفخي
ووحياة يللي قال شتي وبخبخي # وحط المخوخ وقال الها مخمخي
يابركضك عامنبري حتى تخف ## يا بعلقك متل الدبيحة بمسلخي

ربيع



جعفر حيدر


يا هلا بالغالي
وين هالغيبة يا حلو


اسمع حديثي ... وشــــــم زهرات الربيع
خايف عليك ... قبال أشــــــعاري تضيع

من بعد غيبــــة ... رجعت لي بدك تبيع
كمشة حروف وحكي ... جمدها الصقيع

تمشــورت عالمســــرح تأبحث عن مذيع
أو شـــــــــــاعر مأصل نثَر شعرو البديع

ما لقيت شــــــاعر .. شفت خشبة يابسة
وسألت .. قالو من الفزع خشّـــــب ربيع
__________________
ربيع


عالجلجله خشبات حظي بنصها
وحظك أنت تتكون حدي لصها
خشبه أنا ن فكرت أنت تقصها
روحك بنص الشق بدي عصها
وخشبة المر الجاي حتى تمصها
مع كل مصه غص رح بتغصها
مخشب بقبضة ذو الفقار وقصتي
نهج البلاغة عالدهر بيقصها

جعفر حيدر


روحك يا خشبة عند ما رح شــلها
ما رح بتعرف نصها ... من كلها

إن كنت قبضة من خشب عا حلها
زنودي بأماني ذو الفقار بســــــلها

وخشـــــبة المرة الجاي بدي بلها
تا تشــتشـــــك ويطير منك غلها

ونهج البلاغة قصـة الدنيا، وأنت
حامل سفار وراس فاضي بظلها


ربيع
راسي ن فضي فض ببحيراتو الفضا
وعبى الكتب وبفضوة البال ارتضى
فاضي متل بيت الكريم للي قضى
عاجوع طفله من الزمان مرضرضه
فا ضي متل عين الشهم ومغمضه
عيونك ياصفوه فز من هالمنفضه
وشوف القلم فضى الحبر فوق الورق
تايخلدو شعر الشريف المرتضى

جعفر


لما تنســـــــّـم من هوانا المعرفــــــــة
العالم بيتشـــــرّب بروح الفلســــــــفة

الفينيـــــــــــق من صفوة رماد مكثفة
متلي طلع تيفيـّــــــــق الدهــــر الغفي

شــْعَار الشـــــــريف وجعفر المتلهّفة
هودي علمهن من علومي المرهفـة

أنت القلم فاضي ... وأنا حبر الكلام
داير ورايي ... تا حروفي تقتفـــــي


ربيع

الريشه فرس لما بخيالي بغطها
بتنط نطه الحبر مابينطها
والأرض ريشه وأنت حبر بشطها
وشعري نسور الشاعريي وبطها
ويا حبر هالريح للي خطي خطها
وما فيك تتخطى يا أزرق خطها
كل مابهب بمط عاحبر البحور
و بخاطري رقاب البحور بمطها



جعفر حيدر

مش شايف طحينات ســـــامع جعجعة
كلمات مجنونة ... وحروف موزعــة

بو راس فاضي ... حاج بيكفي بعبعة
كبر الحكي ... خلا المعاني مخلّعـــة

شــــــــعرك انت بطة إجر شاعر وعى
وبحرك شـــــي كم قطرة بجرة مقرقعة

ومن قبل ما تكتب قصيدك ... كم شهر
خلي حروفك في قصـــــــــــيدي منقعا
__________________
ربيع

انقعني بقبر الحبر فكره مجنزه
عالسطر كرجتها حروف مهمزي
الالهام غناها بصوت المزمزي
وغفيت بتخت الروح بعد الهزهزي
وصارت جمر فوق الرماد مقلقزي
تحرق بحور من الجليد مقززي
ومن قبر حبرك بعد تالت يوم قوم
كسر بواب الفوق فكري مدربزي


جعفر حيدر


ما بقبرك ... الحروف بدي زخــــها
تتضل تعرف مين هوي رخـــــــــها

رح بنقع حروفك تعبي مخــــــــــــــها
وتصير تكتب ... مش تا كلمة تبخها

يمكن بتالت شهر ... بدي طخـــــها
ومن منقع الحبر العظيم بضخــــــها

تنشوف معنى حســـــــنها من كخـها
ولاّ بعدها مجوفة من تخـــــــــــــــها

ويا ويل ويلك من جحيم المعركـــــة
حروفك رميتك في براثن فخـــــــها


ربيع


الليل حبر الوقت وشعاعي فقط
علق بخد الليل نجماتو نقط
وفخ النصبتو قبال مني مالقط
ومن تحت باط الضو بالعتمه سقط
بعرس الشعر قدمت أفكاري نقط
وأنت الشعر من حضرتك دمعو نقط
وعبى بعلامات التعجب دفترك
وحطلك علامة ذكاك تلت نقط



جعفر حيدر


ياليل ... شــــــــعرك جدلو عا دفتري
ويا نجوم من شعري وكلامي اسـكري

وب 3 نقط وحي الحقيقة استحضري
وفيضي معرفــة ... ونوري وتنوري

بالأولي ... يا فلســـــــفة فييّ اكبري
وبالتانية ... يا علــــــوم عني خبري

وبالتالتة ... خلي التواضـــــع غايتك
بتواضعك يا نفس ... بيكبر منبري


ربيع


بالفلسفه شفناك ندر وماانقبل
وشايف شرود المعرفه شردة هبل
وبالعلم كفك دق عابطن الجبل
وفكرت انو الأرض عليت بالحبل
ولما التواضع بالذكا حالو جبل
ووزع على جبيني تراتيلو قبل
شافك بعد ما درستك على بيدري
من حبة الالهام فاضي يا سبل


جعفر حيدر


راســـــك الفاضي ... هيك قلنا يا صـديق
وأنت قنعت ... لا تلف من نص الطريـق

المتلي ندر للفلســـــــــــــــــفة ما رح يليق
خصوصي وأنت بالنص عم تشهق شهيق

والأرض كل كم ميت عام بتســـــــــتفيق
بتحبل بمتلـــــي واحد بفهمو عريــــــــق

وحتى الولادة تـــــــــــكون أنقى من النقا
طمرو الفواضـــــــي كلها بوادي سحيق


ربيع

انطلق ياشعر ع جناحي ولاقي
المجد العاسنيني الحمل لاقي
وشوف الغيم كيف لف القصيده
ودراها بريح شتتها سواقي
أنا فاضي? أنا بعدالحصيده
فضيت على بيادر اشتياقي
أنافضيت قلبي من الحسيده
حرقت عمري ت ضوي عارفاقي
أناالصحن الفضي بليله سعيده
وشبع طفل المشردعن طباقي
وفضي بالي من البنت الوحيده
البأرض خلاقها انزرعت خلاقي
أنا فاضي أنا ما بمد ايدي
ت دفي جيبتي وعبي نطاقي
أناالبارودةالفضيت أكيده
وعمتدافع عن الشعب العراقي
واذا فضيت من دمي وريدي
وزهقت الروح تايضلو البواقي
الأرض بتقول جيبولي شهيدي
السمابتجن عايوم التلاقي
لكن أنت يا نقطه زهيده
من الحبر المطرطش عاوراقي
بصم شارون فيك على المكيده
وبنى السماه هوي حيط واقي
لكن بس وحياة المجيده
مارح يعلى الواقي عا فياقي
وبعد بكرا رح تقول الجريده
أنا الفضيت من فردي رصاصه
بصدر شارون تاتكون انطلاقي


بالنهايه بعطي هالعركه خمسه من عشرة ومبروك الك لقد أبليت حسنا وتوفقت وتفوقت


جعفر يستسلم

الصديق الشاعر الكبير ربيع
لكم يسعد المرء بلقاء شاعر مثلك !!
وأرى أنّ خير ما نختم به لقاءنا الذي أتحفته أنت
هو قصيدتك الختامية !

فليسمح لي قانون الزجل أن أستمتع بها خاتمة للقائنا .
كما يستمتع بها غيري .
أشكرك وأسجل حبي وإعجابي بك

أخوك جعفر حيدر

جعفر حيدر
فتح ربيع الشـــــــــعر وتعبا ورود
وعالحب قلبي يا حلو بلش ورورد

صبيت كاس الشعر وحملت الهوى
وبلشت قامات الشــعر غازل ورود


ربيع


ياحيدر البقطب عمترفع لوا
قبالك لوا من وهج خط الاستوا
وبين الهواوالمي في عندك بواب
ياافتاح باب المي ياباب الهوا



حيدر


جايي ربيع المعرفة وجوو حلي
وبلش نسيمو بالدلع والدرغلي

والشمس صارت مرحلة ع مرحلة
تطلع عَلى كتف الجبل تا تعتلي

والبدر صاير خلف شجرة يختلي
والمي صوتا من ينابيعا علي

وبلش حفيف الشجر للزهرة يقول
ما حلا النسيم الفالش رياشو إلي


ربيع

بحمص وحماالعاصي استأذن وارتمى
بحضن الطبيعه خير طرطش عالسما
ميماس حمص بميتو حلى حمص
وقيمة حما ناعورة المي بحما



جعفر

وبمرمريتا يا نســـــــــــــيم الموهبة
احمل الغيم ... وقول يا ريح اسكبي

نسمة عليلي نســــــــــمت تترد روح
القلب اللي عا نسمات هالضيعة ربي


ربيع

هالمارقه وبعيونها الأزرق مرق
متل الحكي المسكوب عاصفحة ورق
ولما الهوا قبقبلها فستانها
غبيت عافستانها كبعة عرق


جعفر

لولا الهوا من وين فستانا حكي
ومن وين كانت من حلاها ملبكي

ولولا عيوني والهوى يتآمرو
ما كان فستان الحبيبة بيشتكي


ربيع


حكاية دموع الحب هيدي حكايتي
وبعمل عيون العاشقين مرايتي
بسخر هواك بطلعلك وبنزلك
حتى من الموضوع حقق غايتي



جعفر

يا دمعة العشاق أوعا تنزلي
مش مي إنتي ليش بدك تزعلي

بكرا إذا بيمر ع الدمع الهوا
بيحولك يا دمع ( دانة ) مدللة


دانة : اللؤلؤة النادرة الجميلة


ربيع

شراع المشي بقوة رياح موجهه
عبى عيون بالدموع ورجها
ولما رمال الشط صفرنها السفر
فاقت برشقة مي غسلت وجها

جعفر
ولما رمال الشط صفرنها السفر
ونال منها الحلم والغربة وطر

شمت هوا الحلوين من بعد الغياب
صارت قدر للشوق ما بعدو قدر


ربيع


الشمت هوا الحلوين من بعد الغياب
نويت تعود وتطمر سنين العذاب
ورجعت بأول قارب على بلادها
والبحر رد الغايبه ولم الحباب
ربيع

ربيع

بس تحتى ننهي الموضوع يا خيي حيدر لأنو مابحب خلي شي معلق وعالسريع:

أنا نهر الحلا مواجي فراشي = الشعر عاضفتي واقف فراشه
زهور الفكر شربتني قصايد = وحملني الطير لولادو اعاشه
أنا المي الكنت بالأرض سايد = وعوجه الخلق مدوني قماشه
اعتمد فيي يسوع وصار قايد = وبزمزم للنبي سقيتو انتعاشي
وصرت للشاعر العندو عوايد = يزور الجن مركب سحر ماشي
من دراجي ربيع الكون عايد = يحلي الأرض ويطعمي المواشي
أنا الخير وبفعل الخير رايد = وقف ريحك وسكت عويلو
وعلى تم الدني ازرع بشاشي
ربيع


رجعوا الشعور بحيص بيص ينغصوا // ويقمروا بزر الحكي ويفصفصوا
يا بخبص للي بعبصو ا عيون الزجل // يابعبص عيون للي جايي يخبصوا

ربيع


هنا يتدخل بو علي حسن بنوت لينقز صديقه جعفر هههههه


حسن بنوت


بتبعبص وتخبيص يا مستر ربيع
خايف ما بين الفعل والتاني تضيع

جايي على عكاظ الزجل تا تشتري
بعناك لاكن إنت شو عندك تبيع


ربيع

بايعتني بالعرش غصب ومش كرم// وراسك من التاج العلى راسي انحرم
وعندي مواهب بالزجل ما ببيعها // لانسان من شمس الزجل وجو برم

ربيع



حسن بنوت

بايعت حالك عالممالك والعروش
وقعدت قعده وصرت من أهل الكروش

وتاجك على راسك الفاضي ياربيع
وقيمة ذكاك بيطلعو بأربع قروش


ربيع


بفخر بأني وزعت مالي الوفير// عالمملكي تاعيش مرتاح الضمير
وهلق قروشي البيض هل خبيتها //عاحرجك الأسود انرشقت يا ضرير


ربيع


حسن بنوت


هالمملكه للي انت قدك قدها
بأربع قروش وبس فينا نحدها

ولو ساهمت فيها بسوق مجالنا
من عندنا جرة ذهب بتردها


ربيع

هالجرة للي مدهبه فوق الحروف // وجواتها مابتشتهي تفوت الحروف
بتخجل توقف حد قرش الأرمله // يابوعلي بابا يا سراق الكهوف


حسن بنوت

تبغددت عالنعمه الإجتلك يا فقير
بحيثك عديم المقدره وباعك قصير

استهونت تسرق من فلوس الارمله
ونحنا سرقنا الكنز من دار الامير

ربيع

بهنيك هلق بلشت حدي تصير =تقول الحقيقه العكسها أنتي زغير
يعني بهالسرقه أعترفت بشغلتين =انك حرامي وبالشعر اني الأمير



حسن بنوت

ذكرتني بإنسان في هالشغلتين
بيفسّر المعنى العلى بالو خطر

بتنزل على راسو الشتيمه دلقتين
بيقلك الدنيا عم تنزّل مطر


ربيع


بحب الشتيمه ان كان في عندك ميول = بهنيك عمتحكي بأصلك عالأصول
ولكن أنا بأصلي بشوف شتايمك = ضعف ووسيله للظهور وللوصول



حسن بنوت

ضلـّك على المعنى وعلى الكلمه حريص
من قبل ما تندم عا صفحة حيص بيص

نحنا هجينا زهد شعرك والذكا
وما في رخيص بيقول عن حالو رخيص


ربيع
من حيث وضعك بالزجل صفى عويص = ومعتمه عليك ومش مبين بصيص
مضطر انزل لك تاأقدر طلعك = وتاسايرك مجبور قدملك رخيص

ربيع

حسن بنوت


أربع قروش تا فيك منهن تستفيد
بمجال سلطان المعنى والقصيد

عا بحورنا إنزل بنيه صافيه
بتطلع وحامل درتين بكل إيد


ربيع


هلق عرفنا جرتك جابت منين // الجوهر ت صفى للأمير عليك دين
بنزل ع بحرك حامل ألوف الدرر // وبعود باقي بس منهم درتين



حسن بنوت

هلق رخيصك كنت عمبتقدمو
أصبح دراري ريت شعرك تعدمو

عندك تناقض بين رده وتانيه
عا شكلك الشعار ما بيتقدمو


ربيع

عندي درر عامد عينك والنظر // لاكن لهلي بيفهموا معنى الدرر
بس للي راسو من الحجر آخد شعور // ان ماسرق ما بقابلو الا بحجر

ربيع


عندي درر عامد عينك والنظر // لاكن لهلي بيفهموا معنى الدرر
بس للي راسو من الحجر آخد شعور //ان ماسرق بيعود من عندي بحجر

تصحيح للتوضيح


حسن


ما زال معنا صرت ماشي طوطحه
وإجر مكسوره وإجر مفركحه

بدك عا وجك طب توقع يا ربيع
ويضيع راسك بين أحجار الرحى


ربيع


لاتخاف عاراسي أنا بالمرجلي // قبلك مودي كتار ع ديار البلي
وراس للي كسر راسك بحرب الزجل //بيكسر حجار الرحى يابوعلي
في شده عالسين بكلمتي كسر و بيكسر



حسن بنوت


*****
ألله اسمالله عليك شو راسك قوي
بدّو حمايه من القرينه والحسد

من كتر ثقلو عا كتافك ملتوي
وعا فرد ميله عالمشي طاح الجسد



ربيع


يابوعلي بهالحمل لاتجرب تشيل// أحسن ماتوقع تحت محدلتي قتيل
وعاقد ماراسي تقيل من الذكا // عاقد مادمك بهبلنتك تقيل



حسن


موج الشعر من وهج دمي عم يفور
لاكن جنابك يا أمير الاغبيا

لا دم فيك ولا ذكاوي ولاشعور
ومن راسك الفاضي انقطع شرش الحيا


ربيع


مره قلت راسي تقيل وعالعجل// غيرت للفاضي ..شوما عندك خجل?
وعندك تقل بالدم لكنك خفيف // بالمرجله وبالعقل وبحرب الزجل


بو علي حسن بنوت

راسك تقيل لكنما عقلك خفيف
ومني نصيحه استسلم وهالشوط عيف

وبالمرجله لو كنت عنتر بالزجل
من ضربتي بحول ربيعك للخريف
*****
شكرا خيي ربيع على هذا الحوار الرائع
__________________


ربيع


مازال راسك أزغر من الكشتبان =ومخك الابره وخيطك بتمك لسان
خيط زهوري بحقدك وخلي الخريف = يعصف ع بيدر ضعفك ينقي الزوان


حسن بنوت


بخيط من مصّيص رح جبلك دوا
وجمّع شو في فتحات بجسمك سوا

وما يضّل فيك بخواش إلا وخيطو
وتصير لا تطلـّع لا شعر ولا هوا


ربيع


بحيثك أنت للشعر ليل فضيحتو//رح اقطعو تاأحرمك تصبيحتو
بس الهوا من حيث منخارك طويل // خلقان حتى تعيش أنت بريحتو


حسن بنوت


عندك نوايا سيئه وعندك ميول
لازم لسانك يقصر وعمرك يطول

وباب الهوا العندك ما رح منقطبو
إلا بابره تكون شبر ونص طول

ربيع


ياخطيتك ضيعت حالك وانطوى // الصيت البنيتو وصار مامنك نوى
نحنا فتحنا بالزجل أرقى بواب // وبعدك أنت بتفكر ب باب الهوا

نبيل فيصل يطيب

حلووووووووو يا ربيع
__________________

ربيع



يافيصل على الشعر من قلبي بغار // ومابحب راس المدعي ينعم بغار
يللي التقى بعزريل وتآمر معو // غير للي مع جبريل متلاقي بغار



بالطبع هالحكي مش موجه للاستاذ بنوت


حسن بنوت

طبعا أنا حاولت علّي المستوى
لكن لقيتك فجّ كرمك ما استوى

ووقت الشفت بالشّعر وجهك يا ربيع
غلبطت بين وجهك وبين باب الهوا


ربيع


الداعي ملك كبر النفس من شيمتو//بيدفش بواب المملكه بتعريمتو
لكن أنت باب الهوا مشغول فيك //ومشغول فيه وقيمتك من قيمتو


حسن بنوت

انزلنا ألف قامه وجينا نرفعك
تاريك راضي تضل قاعد موضعك

هيدا جزايي تركت جاهي ومركزي
وقبلت اتبهدل واتشرشح معك



ربيع

هلق كنت مبسوط شوللي قلقك // تاتكفر على حظ فيي علقك
ليكون من بعد الهوا كب الشتي// وتغرقت بللي اشتهيتو يغرقك

ربيع

كلمه ع بالي قولها صرلي الي // شي شهر بس اليوم منطقها حلي
مع احترامي لكل شاعر مرجلي // ولكل من صوتو بهالموقع علي
في بس شاعر هون من وزني تقيل// وهوي وغصب عل ما عجبهن بوعلي



حسن بنوت

كعب إجرك لقحف صنديحتك
منظر بيصدّ النفس وبيلعي لعي

وعاقد ما هيي قويه ريحتك
شتـّي يا دنيا ما بقا تفرق معي


منشكر ومنقدّر صحاب الموهبي
بكل تكي وكل لحظه وكل حين

وكل شاعر قال يا قلام اكتبي
بينعد خيي من عدا ما نقول مين

ربيع


نحنا قعدناعلى كراسي المنتدى// بحرب القصايد طامعين على المدى
لاكن أنت تحت الكراسي وطمعتك // يعطوك خبزي كل ما تشمشم حدا


ربيع

ياريت شعار الحقيقه بيرجعوا //يغنوا مع للي المرجله خلقت معو
ياجعفر وبنوت هالرد اسمعوا // بيكفي بقى تنطيش عالمنبر تعوا
بالأمس لما حملت سيف تفرطعوا // وهربوا للي كانوا يعيطوا ويبعبعوا
واليوم جايي لأجل بصبوص الخصم// حتى اذا بصبص عشعري اقلعو




حسن بنوت

أترك سراج الشعر نايص منطفي
بعتم الليالي يا غبن قلبو الوفي

كلما حرق حالو بنور المعرفي
بتتسلطن وبتهب ليه العاصفه

يا نجوم غني ويا كواكب زقفي
وعا منبر الشعار ردادي وقفي

ولا تحجبو عين الغزاله ونورها
الشبّع جهات الكون شعر وفلسفه


ربيع

بالشعر سموني أنا الصخر العنيد // الفل الحديد وماانفل من الحديد
ويابوعلي بيكفي على المنبر تعيد // تجرب تدق بكتف سلطان القصيد
ولما الغزاله مسخ بتصفي أكيد // منقلع بعود الشعر هالبوبو الوحيد
ومش بس عينك هالجلد رح اسلخو// بلكي بيطلع جلد ناعم عن جديد


حسن بنوت

شعري شمس نورو على العالم دفق
بصحون وهمك ياربيع ما بينخفق

وحكي البلا معنى اذا سوقو نفق
بينك وبينو جسر بالطول ونفق

شفت الغزاله ونورها قلبك خفق
وعقلك صفق عاقد ما كفك صفق

وراحت عيونك تسبق ظنونك سدى
تشوف العجيبه المنطويه بالشفق


ربيع

جيب الغزالي وجيب أخوان الصفا //تايطلبولي, ويطلبولك بالشفا
عملتك عجيبه بفضل شعري المصطفى // ومشيتك على الدير قدامي حفا

ياعين عالحاجب مارح تعلي كفا // تنطي عمخرز نور بصبوصك طفى
ومازال بتحب الشفق قبل الشفق // الاعدام فيك بنفذو راس وقفا



حسن بنوت

نفسك إذا ما ردعتها عن غيها
بتضيع بمواج الغرور وطيها

وروحي على عتاب الديوره وحيها
براية الوحده اعتز فيها وحيي ها

الشمس ما بتفرق الاًخت وخيها
بأنوارها الاحياء لبست زيها

ليش تا تتعب وتحجب نورها
شفلك شي صفصافه وألطى بفيها



ربيع


حرب الزجل بيناتنا أكتر ضروس //وأكتر قسا بالشعر من حرب البسوس

وعاباب الديوره وقفت جاهل عبوس // هونيك تشحد هون جبيه تبوس
ان كنت انتي شمس بهدلت الشموس //الصارت سراج بشح موهبتك ينوس
ومش شمس أنتي عبد شمس وبولهب // منك بكره الأنبيا آخد دروس


ربيع


ياجعفر رفيقك تكى عمخدتو // وبدو سنه حتى يتلت ردتو
وايد للي شدت دينتينك شدتو // وماعاد تلزلملو براغي عدتو
صفى مفرفط هون كوع وهون بوع // وهونيك نقب ومش ملاقي سدتو

وأنتي ياجعفر بس راسك افتحو // بازميل وهمي من عدا مااجرحو
بلاقي شحم لما بايدي بزحزحو // بيطلع دماغك بودره وشي بمسحو
بزرع بدالو من الجوزه جوزتين // حتى يضلوا الجوزتين بمطرحو

ربيع

حسن بنوت

حبيب القلب لا تواخذني احيان ويسبب ظروف العمل والبيت ما بقدر حك راسي.

*****
ما قلتلك تكفر بالله وتنتكي
وتمشي عا درب محزكي ومزكي

الشمس في الها خيوط مشبكي
الرب كونها بساعه مباركي

تا تلبسك بالنور بدله محيكي

يللي قنع فيها طلع عقلو ذكي
ويللي نكرها مرجعو للمهلكي

رح ضلني شمس بسمايي متكي
وعالناس ارخي شال نوري الليلكي

وعليك لو بضوي شمس ليل ونهار
بتضل بعيونك الظلمه الحالكه
*****


ربيع

يابوعلي المهره اذا مش راضيه // بتوقعك بالحرب وقعه قاضيه
سباع الفلا بترجع بروحك حاضيه //ن حطيت مرتيني عكتفك فاضيه
عيني ثقب أسود بحربي ماضيه //تطفي الشمس تاتصير ذكرى ماضيه
وعندي رموشي بكل عركه بالزجل // بتنخخ سيوف التحدي الماضيه


ولايهمك ..اي عمنمزح


جعفر حيدر

يابوعلي شو عملت بالغالي ربيع
تا صار ميغني مقامات البديع

وليش ثقبت عينو شو خايف لا يضيع
صاير عم يخبص خريفو بالربيع

والله إذا بتموتو ما بسامحك
عا مين بدن يضحكو بعدو الجميع

لما فتحت راسي انشلّت عينتيك
فكرت إنو البودرة طرشت عليك

يا حسرتي بعدين لو جالك ولد
مش رح بتعرف شو إجا غير بإيديك

*******

تركني وفرفش يا ربيع بهالمدى
يا حيف ضاع التعب بلمتلك سدى

طلّعتك من شوي ع جديديع جوز
وجايي تا هلق نزلك ع المنتدى



ربيع

عيوني بنضارات كانت باصرة// وكشفت حقيقة هالرجال القاصره
من الخاصره ولفوق حجمك زلمتين// بس العجيبه تحت زيح الخاصره


يافيصل رفيقك على حالو جنى // رح اكسرو براسك عكسرة ميجنى
بطلع سهم وبغز في قلب التنين // وبنزل مهده فوقك وفوقو أنا



جعفر

بقبش تا تقشع يا ربيع المعرفة
من دون نضارات بايدك واكتفي

فعلاً عجايب تحت خاصرتي أنا
وكلما لمست شوي بتقلي عفي


ربيع


عيوني عمى القلب للي فيك مراقبه // ومتل الرمح حيطان روحك ناقبه

وكرمال أعمى من البصيره والبصر // الثقب البعيني صار نظره ثاقبه


هي باصره بدمك عأرضي مزوزقه // بقبشت بس لقيت خرقه مخزقه
كلمة عفي بالأصل جايي من غفي // وغفيان فاتح تمك وراخي البقا



جعفر يضحك





راااااااااائع يا ربيع



ربيع
حبيب قلبي ..تصبحواعلى خير..وهنت ملك ياجعفر


جعفر


يابو علي من جعفر سماع العتب
كان في شاعر ابن عيله ونسب

ومن ظرف شي اسبوع كنت مقطبو
ليكون بعدو قاعد يفك القطب


ربيع


ياجعفر: البشعر دحبى عالبلاط // مش متل يللي دق بالمريخ باط
في ناس لفتت انتباهي بالعياط // وفي ناس عجبوني ع كتر الانضباط

يامبهدلين الشعر مابيخلص شباط // الا وبايدي جاي عملولح قشاط
ت يضل بس الماشيين على الصراط // وتاأطرد التجار من قلب البلاط

الشعر الحلو من الموهبه مخيط خياط // وخزان دمعو للنهوره احتياط
وزنبق وعي عالجدول وكلو نشاط // وخصلة شعر من رقتو داخوا المشاط
ومش بس وزن وقافيه بمعنى سخيف // ونبره رخيصه عاطريقة جنبلاط



حسن بنوت


ياربيع بالشعر في هيك وفي هيك
عندك أجير الموهبه وعندك البيك

وانت العلى المريخ وصلت منكبيك
وجوات راسك ما عرفنا شو لديك

بفزع أنا بالشعر لو بقسا عليك
يفجر جهاز الكمبيوتر بين ديك

من هيك بدي انصح المتلك دويك
عن ملك عرش الشعر خبي عينتيك

وخللي الدروب العالهريبه لصالحك
وسرعة الخاطر جيب من سرعة اجريك



ربيع

الأفكار سرب طيور وقبالو لطى //فكري كأنو دبوق شعر ممغنطه
تاصرت لو الالهام ع خيالي خطا //يشوفوا غطيطه عالجبال مبهبطه

الله عطاني وقد ماالله عطى //بتواضع وعالدرب عمعد الخطى
ومن هيك لما الشعر جبريل امتطى// وجبلي عبايه بالغناني مرقطه
تركت المغاره وهربت عالبيت صيح //يامعشر الشعار جيبولي الغطا



حسن بنوت


طيور ودبوق وحكي وغطيطه وحبوب
يا ويل ويلك لو عصف ريح الهبوب

بركض ومشي بتبلش تكيّل دروب
ومش هم شو سميتها بتبقى هروب

بفن الغناني لبّسك جبريل روب
بألوان نانسي عجرم وهيفا وطروب

وحتى تستّر هالخطايا وهالذنوب
ستر وغطا ما لقيت بشمال وجنوب

حتى البلي ماراد انو يسترك
ما ضل غير الليل ستار العيوب



ربيع


لما عمر مع صفك بياخد قرار // بيكون متلك مجرم بحق الكبار
ولازم تنادي جوقك يلموا حجار //تيضاربوا للي قبلك مركع كتار

هنت النبي وشوهت حادثتو بغار//حراوجنبوذكر هيفا عليك عار
العيبي عليك نما شفت مجدو نهار //مضوي بليلة قدر وملالي قمار

ولو شفت قشري عيوب عمق بالفكار //بتشوفني بالعمق جوهر قلب بار
متلي القمر الغيوم وقفتلو ستار //والجمر صفوه بتسترو وبيضل نار
وسيفي انستر بالغمد لكن ياحسن //اليوم شق الغمد سيفي وفيك صار


ان كان قصدك اذكرك بالرد روح //مش شغلتي تاحط للمقتول روح
لاسكرك قادر يحلي بالعسل //ولاملحك البيزيد في وخز الجروح

ياسيد فيصل الله يساعدك




جعفر


كلما الشعر اشتهى يفتح عينتين
بيجي ربيع الشعر يفرش ميلتين

ميلي نبوة وملحمة وميلي حلا
وجعفر بيتفرج وناوي عالتنين

ربيع


بفتح عيوني بواب تيفوتوا الضيوف//وبفرش زهوري تخوت بمخدات صوف
وبعمل حسن فرجه الك وبقول شوف //شو صار برفيقك كتر ضرب الكفوف
وضلك تفرج عانبيل وعاعمر // الركعتهن بالشعر ع نحاس الدفوف


ربيع


مش كل من فكر ع سلم مركزي // يعربش بيوصل للنتيجه المحرزي
شاعر أناولو عنتري العتمه غزي // بيخرق بواب مكهربي ومدربزي

يالهبة التنور هالفكر اخبزي // وطعمي الكتب وهج الخيال القرمزي
وياموت ببعتلك فصول محززي // من مخوخ أخصام بجليدي مقززي
تاضل عالمنبر بكاسات الفرح //مزمز طموحي وارقص على المزمزي


جعفر

مش رح بدافع عن حدا شو ما بدر
مهما زحفت وحفرت سفح المنحدر

مش بو علي البدو محامي مقتدر
هوي اللي عمرو بالقصيدة ما انغدر

هي بوعلي الصاير على المنبر قدر
شعرو ندر صوتو ندر هوي ندر

ويمكن على دمات أخصامو ندر
يدخل بعين الخصم دخلات الخدر

ومهما صدر من خصم عنو ما صدر
إلا الشعر والحب وليالي القدر

واللي أجو عا منبرو سحابات صيف
بتمر ما بتترك على المنبر كدر


ربيع


ياجعفر بهالبرد مابينفع لحاف//الريح هوجا والتلج غطى الكتاف
وب سنان معتاده ع أكل الخبز حاف// مافيك فيها تعض الا عالشفاف
وراح الزمان الكنت منو وفيه خاف //من ابن جبله وقت بيتقل القاف
وخبر عمر هالبيننا زاد الخلاف // وخيو نبيل البان عقلاتو خفاف
وأنتي ياجعفر بوعلي حدو وقاف //وجيبو سمان المملكه وجيبو النحاف
وجيبوا قلوب الارتجالي والحواف //وجن التحدي المتل فعلو ماانشاف
وكل من حكي ولو كان بحر من الزجل // بينشف وقت بالحرب مابقلوانشاف




جعفر

جبلة يا صافتلي صبية مدللي
من جاه رب الكون آية مكملة

ع جبالنا فلتت شعرها المخملي
ومدت حلاها عالبحر تا ينتلي

لبست البكيني وعملت بلبلة
وقالت يا دنيا تطلعي وتأملي

***

ولما لمحها الشعر جايي ومقبلة
بوجها صلاة الحب ثورة مشعللة

وعا جبينها نور الحياة المقبلة
وعا خصرها روح الزمان الأولي

صار الشعر يتنحنح الها ويختلي
يغرف ويعطيها كنوز مرسملة

***

تاصار آدونيس هالأسمو علي
رب الفصيح باسمها عم يعتلي

وبعدو نديم محمد الشعرو حلي
اللي قال يا حوا لعندي تفضلي

تا لبسك أحلى البدل المفصلة
من قلب روح الشعر لبيغلي غلي

وقبلن البدوي القال يا جبلة قبلي
شعري هدية وافرحي وتأملي

***

أما الفلاسف يا ربيع المبتلي
شو بعد ... يا دنيا من العرش انهلي

***

حاجي بفقري تهتني بلا بهدلي
فقري ورغيف البصل عزي ومأملي

كنا إذا جعنا .... رغيف مبللة
بالزيت تسوى الدني وديار البلي

حتى عروسة بصل كانت مسألة
أطيب من اللحم الببطنك تلتلة

***

والقاف ... اسأل يا ربيع ... المشكلة
منا بقاف وبلا بآف مطولة

المشكلة بالمتلك البعدو صلي
وبعدو الرعب عامل بقلبو مسلسة

وعني إذا حبيت اسأل ... منهلي
من الفلسفة مش دهب رنان وحلي

ما بخوف ولنها ببالي البلبلة
افتح عيونك حاج تهجيني الي

***

وياشاعر اللي زنود شعرو مجدلي
غلطت بالعنوان مش هون الولي

دور عشغلة تانية بتخوفك
ومن هون فل وحدك ديار البلي



هنا مروان سليمان شاعرنا الكبير يتدخل



مروان


لمّا بعتمة شِعركن نجمي سَطَعْ --- فيكن حبال الموهبي شِعري قَطَعْ
وكل مين بعدو جاي تيصَفصف حروف --- بيكون عَجهنّم إجا بْطاقه قَطَعْ




حسن بنوت


إسمع يا تاريخ الزجل شو صار
يا خجلة الكلمه البهالمعيار
احيان افضل يسكت الانسان
دوبة خجل افضل من الثرثار

قيمة الكلمه بجوهر الرنان
حبة وفا اشرف من القنطار
ويللي في عندو من الحماس لسان
شيل الادب منو كيانو انهار


مروان يطيب


أحيي شواربك ياأبوعلي، جميييييييل جدا ***



ربيع


ياشعر هالعركه البطلها رادها// تكون الدرس للي الخطيه عادها
وزكزك ملوك المرجله من رقادها //وفكر بنقيفه يجي يصطادها

الرده اذا ماالحق كون زادها //بيتعب لسان الببغا بتردادها
ونار الحقيقة مشعشعه ببلادها // وما فيك لو تفتفت عااخمادها

تروى ياجعفر هالدني بأبعادها//كبيري عليك ومنبرك مافادها
وجبله عزيزه بأهلها وروادها//وقسامها بالعز قلعه شادها
وشعارها بالفلسفه أسيادها// رفعوا علمها وزينوا أعيادها
لكن أنت بهدلت جبله الجابتك //وضيعت مجد الجمعوه ولادها

ربيع

(في شده عالواو في كلمة كون, وكلمة تفتفت جاي من تفتف. وهناك سكون على الراء في رقادها )



وياجاي ومكبر الشلفه اليوم ليك // هجي الزجل من قبل ما ترفع يديك
وخليك مع صف للي كسروا بالزجل // ولما بتوزن شطر رح جاوب عليك



حسن بنوت


من طين جبله جعفر الشعر انجبل
ومتل الجبل شامخ بمجدو هالجبل

وشعر الهجا عا إبن جبله وعزها
من شخص مجهول الاصل ما بينقبل


جعفر



الحبيب الغالي ربيع الزجل


***

غصبا عن المتلك يا ضايع بالدني
جبلة عزيزة جبالها ما بتنحني

أسيادها نحنا ... ومواسمها جني
أفكارنا ... والرب فينا معتني


وياشالح الأفكار هيدي ولدني
من قبل ما تكتب بشعرك اعتني

حاجي مسبة يا ولد عقلو زغير
رح غادرك حتى ما وسخ معدني




ربيع


ما بيهرب من الحرب الا ضعافها// الهريت سياط الشاعريي كتافها
التعلب بيقول الكرم حصرم بالزجل// وعرجت جمال المنبر من شفافها




جعفر

الحبيب ربيع

-------

بعد النصر ... لأسود عا أعقابها
بترجع ... بتخفي قوسها ونشابها

بس القنافد ... بعد ما يفل الوغى
بتستأسد ... وبتسن بعدو نيابها



حسن بنوت


عين العنايه عليك عتم عينها
عشرين عين وعين عينك عينها
عنتر عبس عز العناتر عنتره
عا عتاب عبلا عدّل على عينها



مروان سليمان


حبّيت بي حَجره صغيري عن بعيد --- قلّكن بيكَفّي عاد تهديد ووعيد
--- يعني مافيكن بالقوافي تكتبو --- للناس شي موضوع مِنّو نستفيد؟؟



عمر التن يتدخل

فـلان مـوقـعـنا مـا بـدو مْـسـاطـرك ــــــ تا تـقـيـّيـم الـشـعـار مـنّـو نـاطرك

بـالـهـم لـو عـايـش مـا رح منشاطرك ــــــ حـيـثـو لعـنا بس هوي ال قاطرك

بـذوق الـزجل والشعر وطيو قْناطرك ـــــ سـيـرة عـمر لا تجيبها بمخاطرك

كـسـر الـوزن بـالشعـر ممكن نجبرو ــــــ ومش قادرين لجبر كسرة خاطرك



عمر


ربيع يتهجم


ضيعان هالشعر فيكن:

يابحر بيني وبين شط الشعر موج // وطيلع لآلي العبقريي من الدروج

ومروان لاتجرب تعربش عالبروج //بسلم وهم مسنود عااجرين عوج
الدب المقوس صعب يركد عالتلوج // ويعاند بليل التحدي رياح هوج

وخبر عمر عني وقللو على السروج // طلعوا الفوارس وابتدوا يعبوا المروج
ولاتكون عاسكين آخرتك لجوج // الموت جايي روق حدي ولاتضوج

وتاتعرفوني مليح ياولاد العلوج // روحوا وعدوا براس بنوت الطعوج
هيدي حقيقه مش اشاعه وعمتروج // انعرفت لكلشي مد ايدو عالخروج


ويا شريم توجني الملك و افتح حروج // شاعر بكرمو اسود عنقودو نضوج
وخلي الدفوف تدق وتلاقي الصنوج // ويهز قوس النصر بالخصر الغنوج
وجبلي حدا من مستوايي بالزجل // فصفص مخوخ البيض ومخوخ الزنوج

ربيع يتابع الهجوم


ضيعان هالشعر فيكن:


بيكفي تردوا خام عالشعر الحرير // وتراشقوا ياقزاز ع حجار الأمير
كوخ القصب ما رد ريح الزمهرير // والليل متل النور بعيون الضرير
والزلحفه لوتسلقت بالصخر شير // ونطت تاحتى تطير مابتقدر تطير
لوكان فيكم دم بالباع القصير // مابتهجموا تاتحصدوا بئس المصير
يامعشر الحساد لاتحكوا كتير // خلوا البلاغه بشهدها تغل القفير
وتعلموا الأوزان من هز السرير // ورسم الصور بالشعر من مرج العبير
ولما ع نار الشاعريي بتستووا // برجع لكم تاكسر الراس الكبير


ربيع

هنا يتدخل محمد حسن شريم





يا ربيع بالشعر يا عاطي دروس = بنت الزجل لبستها طرحة عروس
في أبريا أنحكمو وفاتو عالحبوس = وبرا بقي إجرام عالعالم يدوس
البيّ باقي بيّ لو حتى عبوس = بالسر نادى الرب أولادي حروس
والغيم يلي في سما ألله أنوجد = يمكن يخبي بس ما طفى الشموس


ربيع



آلهات السلطنه دقوا الجرس //جايي المتوج رب عاضهر الفرس
باسمي احتكرت المجد وبقلبي انغرس // حب الشموخ ومنبري بشعري انترس

وياشريم لما راس مروان انهرس // وغمغم عمر من هيبتي وصابوا خرس
ولما ابن بنوت ربطوا بمرس // ومجدو انهدم من سطوتي ورسمو اندرس
أنتي رفعت التاج وتمجد ربيع // وجعفر وقف مع فيصل قبالو حرس



ربيع

مازال صرت متوج بعين الجميع // واسمي انقرا الجبار بشفاف المذيع
لما بتنتصروا على شريم الأبي // في وقتها مسموح تحكوا مع ربيع



جعفر


أهلا بقصيدة فرفشت عنابها
علينا وفرشت بالهوى أهدابها

وأهلا بربيع الطل يحمي غابها
ويحطني كعبة على محرابها

مرة أنا صاير حبيب حبابها
ومن بعد فترة زتني بترابها

وهلق وضعني حارس على بابها
ركزلك عشي شغلة وحاجي مجابهة

قبلان أبقى حارس بواب الزجل
تا أمنعك والله تعدي عتابها

يا كلمتي حرفك ع هالغزوي اسرجي
ومن جن عبقر هالبلاوي كرجي

ولا تتركي الشعر المعتق لهوجي
البيروح بينهب فيه والبدو يجي

وكلما أجا واحد بيجينا حربجي
وكما اندحر بتصير روحو معجعجي

مش فاضيين ندلل ولاد الزجل
ولا نصوج البتضل روحو مطعوجي

محمد شريم

بعد أن وصل التحدي بالزجل في هذا الموقع العزيز بين الشاعرين ربيع وحسن بنّوت إلى مستوى راقي جداً ونزولاً عند رغبة كثير من الأعضاء الكرام جئنا وبكل محبه لندعو ونستفيد من خبرة وشاعرية الشاعرين الكبيرين بموضوع مباراة زجليه تجمعهم الأثنين في موضوع مهم ومميز وكبير بحجمهما
ولنا أمل كبير أن يتقبلا دعوتنا ويشتركا معا .

[poem=font="Simplified Arabic,7,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]

**************

يا بو علي يا بوعلي بالمرتجل = شفناك وعرفناك ما بتخشى الأجل
ويا ربيع شفناك ما عندك وجل = شاعر محنك قلت وبقلك أجل
الموضوع بين ظاهر وباطن بفتحو = نقو ومعانا فلسفو شعر الزجل

******* [/poem]


برنامج المباراة كالتالي :

معنّى ويبدأ الشاعر حسن بنوت الجوله من 8 ردات معنّى كل رده لا يزيد عدد شطراتها على السبعه
بعدها قصيدتين لكل شاعر عدد بيوت القصيده لا تتعدى العشرين .
الشرط الوحيد أن لا تتعدى مده الإجابه 24 ساعه
__________________



حسن بنوت


بباطن وظاهر موسم الشعر ازدهر=جمّ المعاني وقلـّق عيونك سهر
بمجال شاعر كلمتو سيف انشهر=ونور الشمس من نور افكارو انبهر
احتارت العالم بيننا بسر وجهر=مين انتصر بالمعركه ومين انقهر
وهلق اجا دور الحقيقه تنشهر=تا تشوف زهرك يا ربيع يبّس وهر
مش رح بقلك كيف فات وكيف ضهر=رمحي الببطنك شك من ضهرك ظهر
تحزر يا ابني ووقت ما تلاقي جواب=قول ولله بو علي مني انوهر



مروان سليمان

توّجت حالك بيْدك بمشهد وضيع --- ولبست جبّي محيّكي بلون الشنيع
مروان حب بوشوشي يحكي الجميع --- إنّو الزجل ضيّع خريفو من الربيع
لاكن إذا الشغلي جكاره ونمردي --- قبالو ان كنت رجّال اصمد ياربيع


ربيع


مازال صرت متوج بعين الجميع // واسمي انقرا الجبار بشفاف المذيع
لما بتنتصروا على شريم الأبي // في وقتها مسموح تحكوا مع ربيع



ربيع يعطي محاضرة هههههههه

بحب أبعت تحيه لكل البيعرفوا بالذوق وأولهم نبيل فيصل لأنو بيعرف حدودو وكمان عمر لأنو بيعرف وين بيوقف ولأنو عميتقدم ولمروان لأنو مبلش مليح ..واذا بدكون راسلوني ومنحكي بالتفصيل وأنا بخدمة الشباب وبدي قول أنو مافي حدا أحسن من حدا والبقية ماذكرتهم اما لأنو خايف مايقبلوا الحقيقة واما لأنهم بيفكروا حالهم شغله كبيره بس هني عاديين ..لازم بقى نتطور وأنا جاهز للنقاش ..ونحنا مع بعض منذكر بعضنا بالأصول وبالقواعد ..واذا ماصار في نقد مامنتقدم ..
ويللي عندو أي نقد لللأشياء البكتبها أنا وللشروط القاسيه يللي حاططها عنفسي فيه يحكي ويلعن بيو البيزعل مني أنا ..

فيكم تراسلوني وأنتو كلكم أخواتي ولو بكون قاسي شوي ..بس سدقوا أنا كمان قاسي مع نفسي وبكب نص الشعر البكتبو وأحيان بتمنى أقدر أمحي شغلات كتبتها من قبل ..
للجميع بدون استثناء من قلبي سلام ومحبة..

ربيع

نبيل فيصل


لمـّا المريض يْـكون قرّب عالأجلْ ........ بْـيسْــرق دوا ينْهـي حيـاتـو عا عَجـل

ومعليش عنّا اليوم شاعريُــحتضر ........بْيسْـرق قوافي يْعيش في عصر الزجل


ربيع

نقد بسيط :
عاعجل ..الأفضل ويسمح لك الزجل بقول على عجل مع تسكين عين على
أيضا بالعامية غير دارج القول يحتضر بضم الياء ..فهذه فصحى ومن عيوب الزجل

ثم أن تقول بيسرق قوافي فهذا غريب ..فهل القوافي ملك لجدك مثلا ..

روح خود وقتك وفكر وارجاع بشي بيتين تنشوف اذا الدرس الأول فادك ..

ووحياتك ماعندي غير المحبة بقلبي وللي عبالو أهلا ..ولو كنا قد بعضنا بالزجل كنت بردلك زجل


مروان سليمان

لما الزجل يطلب شهادي من حدا --- واجب عليّي وقّف ولبّي النّدى
مْن شموخ موج ال بالبحر غطّى المدى --- ومن شهقة الورد المزكزك بالنّدى
ومن نغمة الطير ال بكل وادي شدا --- ومن هيبة البدر ال على التّلي بدا
منشوف غنّيه بشِعرك ياربيع --- بتبقى مناره للزجل صوت وصدى



ربيع


مازال لما شافني الموت انعبط // رأي الخلق معبوط مابيهمني
وشباط لولا مجاكرة بألله شبط // بيضل اسمو شباط شهر الولدني


وبنوت غنجة خصر بالشال انربط // عاهزتو عاللحن بتهز الدني
لاكن اذا كفو على رقبه خبط // بتضل حمرا طول أيامي السنه

وجعفر بحرب الشعر متل المنجنيق //بيضرب بيهد براج بابل بالزجل
وبحرو مواسم شعر وغناني عقيق //رسمت مزاميرو على كتاب الأجل

وشريم تاريخ واسم شعري عريق //عافزتو بيفز شعر المرتجل
شاعر قوي سفاح لاكنو رقيق // قبال الصبايا بتنزف حروفو خجل



وساحب عمر بالمرجلي ومستقبلو // يتربع على العرش ويصفي الملك
آيات شعرو بس مبعوتي الو// بتضوي بليلة قدرها ليالي الحلك

ومروان متل السهم طالع بالعلو//وعاشبحتو بالجو بيضيق الفلك
فكرو ببير المعرفه نازل دلو//وطالع السر للي طفى الشمس وسلك


ولما شهاب السحر بالعالي شهب // وبرق التحدي عتمة المنبر نهب
طل القطف لقصايدو حب البرد //عن غصن فجر المجد بكروم الدهب

ومشيت متل السيف متل للي فرد// جناحو خمايل جن و عيونو لهب
ونهر الوحي عاخاطر ظنونو شرد // متل النبي للي حاش أكتر مانوهب
ولف البطش كرباج عاجنبو وطرد // لصوص الزجل وبهيبتو المتل قدر
قص الضهور ومسرح خصومو انرهب
ربيع

المنبر بواب مدربزي والشعر غاب // وبدي سبع بالغاب ت يرد الجواب

يابهبط عليك البواب بمنبري// يا طلاع وحدك أنت من خلف البواب


جعفر

بنزل أنا مابطلع بهالمستوى
وحربي معك بالترغله شمة هوا

ولما عبالي اطلع على المعركه
بطلع أنا والباب في وجك سوى
__________________



ربيع


مازال بتحب الطلوع وبالفنون //طيلعت خلقي وما بتدفعلي الديون
رح طيلع عيونك وروحك بالزجل// تتصير روحك طالعه ومالك عيون



جعفر

مازال بتحب النزول ومختبي
بوكر النمل خليك نازل ياصبي

ورح نزلك جوا القبر يابوعيون
بتنزل خجل من هالكلام الخلبي

__________________


ربيع


بنزل بحور الشعر وبيوتو بفوت // لملم اللو لو وزينو بأحلى بيوت
ومازال طلعت ريحتك عامنبري //الأسهل الي انزل على قبري وموت




جعفر


موتك أكيد ومالك بموتك خيار
جاييك عزرائيل يا طالب النار

المنو معود ع العطر وروايحو
بيفطس اذا بيشم عطر الجلنار



ربيع


علقه كبيري بالتحدي علقتي // وعزريل متلك رح بياكل فلقتي
ومن وين بدي شم عطر الجلنار // ومدحوش طول العمر أنت بخلقتي


من كتر ما شعرك محبه عميجيب //من شي بعيد بهالدني ومن شي قريب
صندوقك معبى ومافي مطرح الي //تازت مكتوبي ببيريدك ياحبيب

الحاج بدر


غني ربيع الشعر وعلي مطلعك = فوق النجوم الساطعه فكرك سلك
ما اروعك ما اجملك ما ابدعك = كل المحبه والوفا مني الك


جعفر



تتهنا يااااااااااااا ربيع

يا نجوم طلي ويا شموس تطلعي
بدر الشعر بالشعر هنّا الألمعي

لو كان عندي نص نجمة يا ربيع
ما كنت غير بواسطة بتحكي معي



يا ربيع

يللي معي معود تضلك بالحضيض
رح سايرك واتحمل الشعر البغيض

مدحوش فيك بحيث مامنك نوى
متل الدوا المدحوش في تم المريض


ربيع


يابدر عالسكه أنا مشيت باص // محجوز للي بيفهموني بشكل خاص
شعري بصدر "مسيلمه" درزة رصاص // ونيشان عاصدر "الوليد وابن عاص"
وخليك حدي عالصراط المستقيم // تانوصل المنبر على شط الخلاص



ياجعفر

ياقاطعين الرزق جيتوا مقاطعة // تاتسفروا الشاعر ع تاني مقاطعة
لاتعالجوا شاعر حمل هم القصيد//بحبة دوا من شهور هيي قاطعة
ربيع


جعفر


مازالو هيكلك يا شب قالج
وشعرك من هموم الشعر فالج

اللي سمعو ردة البيتين قالو
ما منو نفع فالج لا تعالج


ربيع


كنفشت ياجعفر وقويت نخرتك // وسوسة غرور الشاعريي نخرتك
عاهالشعر مش بس اني بنفلج // ضغطي بيطلع للألف من شخرتك


جعفر


هلق عرفت العن شعاري أخرك
ضغطك طلع أو طار بدي سخرك

ان حبيت تكتب شعر عالي المستوى
لا بد من بخور شعري بخرك


ربيع

البخور واجب تحرقو عامنبري // وتبوس آيات المعنى بدفتري
ولو حرقت صابيعك العشره بالزجل//منها كتيره عالأمير العبقري



جعفر


مبخر بموهبتي الحروف الساحرة
وايدي لرقبة خصم شعري باترة

الصابيع صاروا سياخ نار وبالزجل
بشويك عا المنقل بحفله عامره


ربيع

بصابيع ايدك جاي تحرقني ?انخجل // عنك لسانك وقت ماشاف الدجل
وتاتحرق الشاعر الأول لازمك // تحرق أيادي كل شعار الزجل



جعفر


مبخر بموهبتي الحروف الساحرة
وايدي لرقبة خصم شعري باترة

الصابيع صاروا سياخ نار وبالزجل
بشويك عا المنقل بحفله عامره


أعتذر عن خطأ ورد في البيت الأول
فالقافية هي / مرة /
وليس / رة /

***********

تحديتني وكان التحدي مقامرة
ومابظن رح تسلم بهيك مغامرة

الصابيع صاروا سياخ نار وبالزجل
بشويك عا المنقل بحفله عامره


والشكر كل الشكر لمن أشار لي بذلك

يا مريض دورلك على غرفة نعاش
ودهن بمرهم راسك ... ولفو بشاش

منشان قملة زغيرة بفرش الزجل
مش مستعد اليوم أحرق هالفراش


ربيع


محروق سلافك وهيك المختبر // أكد وفحص العقل ثبت هالخبر
ومليون قمله مأبرين بفرشتك //تاصرت جته بقلب فرشه من الابر



جعفر


فرش الزجل مليان قمل ... وشرشفو
مليان ... مش قادر لوحدي اعشفو

لكن أنت بالذات لا تفرح كتير
دمك الفاسد بالشعر رح نشفو