جمرة الماضي

موضوع: جمرة الماضي الثلاثاء يناير 19, 2010 7:18 pm

بعدو الوعد بجوارحي مشلوح
متل الملف بمكتب القاضي
مرة قبالو منقشعوا مفتوح
ومرة عن الأحداث متغاضي
تمنيت حتى زهر عمري يفوح
يحن دمع الفجر عا حواضي
الناسك المن الله الطهر ممنوح
بجمرات بخورو الدفا حاضي
لكن انا العم ضل داوي جروح
منقل حياتي من الجمر فاضي
بخور حبي صار عشبة روح
عم تحترق عا جمرة الماضي

لكن انا العم ضل داوي جروح --- منقل حياتي من الجمر فاضي

يا سيّد الكلمة الجميلة يا ملك

عروش المنابربالزجل لبقت ألك

وجمر الحكي الموزون زيّن منقلك

تا صار يا فيّاض فايض منهلك

يلّي بيشرب موهبة بيعطش حلا

واللي بيشبع بالدني فيها هلك

رائع يا فادي واعذروني غايب ها الشهر لأنو عندي شغل وعم غير مطبخ الشعري

عم طل لحظات
ههههههههههههههههههههههههه تا شوف كيف صرتو بالطبخ
ههههههههههه

بحر الزجل بو شربل

يا عيني عا ربّك

عظيم اخي قادي