بعيدك يا أمي

موضوع: بعيدك يا أمي الجمعة مارس 19, 2010 12:20 pm

بعيدك يا امي الناس مهتمي

يا روح الله النازلي تسمّي

يا مركب الأحساس بالوجدان

قديش صرتي بعمرنا مهمي

مهما خلق بالكاينة أديان

تفرق بشر أو تجمع القمة

بيبقا صداها بيزعج الأنسان

واسمك طهارة مزينة القمة

انتي منارة لعمرنا الهربان

لا باع الله ووّسخ الذمة

انتي حلم بجروحنا بردان

وأيام مرة وصارت مسمي

بكرى بعد ما يرحل سليمان

والجسم يفنا وينتهي رمي

بدو التراب يصيح بالأكفاااااان

ما في حنان بها الدني بيساع

الا حنان الأم يا أمي

موضوع: رد: بعيدك يا أمي الجمعة مارس 19, 2010 2:23 pm

الله تــا خلـــقـِـك إمّ للإنــســــــــان
شعلـــة دفـــا وتحــنـان ومـــــودّة
خرطش شمس عا ورقة الوجـدان
ومن بعدهـا .. خلـقـِـك بعــد مدّة
متـل شـاعـر بيـّـض القــصـــــدان
الكانو قـبــل عــــا وراق مســودّة

ينعاد عا جميع الأمهات بالخير والصحـّة

موضوع: رد: بعيدك يا أمي السبت مارس 20, 2010 1:23 am

إِمّي، بِعيدا، ولكلّ أمّ غابت، من ديوان "عمْر... ما بيِنْطُرْ حَدا)

مَرْقِةْ طَريق بْهَـ الدِّني
وْشو اللي بِقي عَ هَـ الطَّريقْ
إِلاّ خيالِكْ عَمْ يزَهِّرْ كِلّ يَوْم،
وْمَعْ شَمِسْ حِزْني بيفيقْ.
بِبْكي؟ ما بِبْكي،
بْخاف دَمْعي يْجَرّحِكْ،
حتّى الدَّمِعْ مَجْروح،
يَمّي، وْلَوْ غِلِطْ مَرّا وْنِزِلْ،
يِمْكِنْ بِشَوْقو لْمَطْرَحِكْ،
يِجْرَحْ بِشَوْقو مَطْرَحِكْ.
بِتْرُكْ، يا إِمّي، دَمْعتي
لَفَيِّة غْيابِكْ رفيقْ.
كِلْ يَوْم، وِغْيابِكْ مَعي،
بِقْطُفْ لَقَلْبي الْعِطْر
وِبْغَسِّلْ عينَيّي بِالنِّدي،
وْبِفْتَحْلِك بْواب الْجِرِحْ
بَلْكي، شي مَرّا، بْتِرْجَعي.
وِجِّكْ دَفا، وْكِلّ الدِّني بَعْدِكْ دَنيقْ.
كِلْ يَوْم، بِسْهَرْ عَ السَّكِتْ،
بِحْكي مَعِكْ،
مَعْقول كيف بْتِسْمَعي؟
وِبْتِرْجَعي،
بْشوف الصِّبِحْ جَمَّعْ عينَيْكي شَمْس
وِبْقَلْبو فَرَحْ،
بوعا وْإيدَيْكي غامرين
نْهار طَلّ بْغِرْبتِكْ،
زايدِْ عينَيْكي وْبَسْمتِكْ،
وِبْيِنْفِضِحْ سِرّ... وْما بِقْدِرْ إِحْفَظو
بْبيري الْغَميقْ...
بِمْرُقْ أَنا وِالسِّرّ عَ هاك الطَّريق،
بْغَيْبتِكْ، مَرْقِةْ طَريقْ..

الشاعر حبيب يونس
.

موضوع: رد: بعيدك يا أمي السبت مارس 20, 2010 10:45 am

بعيدك يا امي غصّت عيوني
دموع الفرح؟ ما عرفت او احزان
بعرف اشتقت كتير و جفوني
دبلت عابرد الشوق و الحرمان

موضوع: رد: بعيدك يا أمي الأحد مارس 21, 2010 9:27 am

يانهر بجنةّ الرب ونميـــــــــــــرو = تحت أقدامك بيفقش خريـــــــرو
يابنك اللي عطا بلا كمبــــــــيالي = حنان كبير للإبن ومصــيــــــرو

ياإمي يا إسم عالقلب غـــــــــالي = بأساس الكون من عجنةّ خميرو
عاراحةّ طفلك سهرتي ليــــــــالي = بيسار العاطفـــة تهـزي سريـرو

وبعيدك عيدوا كل الأهــــــــــالي = اختبى باذار بردو وزمهــــريرو
وفصل اللي حمل شعري وخيالي = ربيــــــــــع الورد قدملك عبيرو

وتاإوفي قسم من فضلك عاحالي = ورضاكي إطلب وأعمل سفـيرو
بعيدك جيت تاوجّــه رســـــــــالة = النطق بالحكم صحيلو ضميـــرو

وتايطلع عــادل بحكمو ومثـــالي = خذوا من الأم نـور بتستـنـــيروا
وتايبقى الحق عايش بالعـــــدالة = تجي أنـزه قضاة من المحـــــاكم
عدل منها وعدالة يستعيروا

* * * * * * *

مشرف عدد الرسائل : 519 تاريخ التسجيل : 15/03/2008

بعيدك شو بدي قول يا إمــــــــــــــــي
بروحي مادامك عايشي ودمـــــــي
اغلا اسم اسمك عاتمي ضــــــــــل
وأول اسم قلتلو على تمـــــــــــــــي

بعيدك ركض نوار قبل الكــــــــــل
بشوق الربيع اشتاق للشمــــــــــــــة
وقدملك زهور الندي والفــــــــــــل
ورقوةّ طهارة بلّش يسمــــــــــــــي

وعيدك يا امي كل ما بيـــــــــطــل
بيرق حنان اللاح عالقـمــــــــــــــة
عن خلود المجد مابيــــــــــــــقــــل
بتبقي بعطفك رمز للأمــــــــــــــــة

يمي عذريـنـي انطال بعـدي وخـل
وعنك بعدنـي بالدهـر هـمــــــــــي
مع كل طـــــالع نجــم نـورو هـــل
ومع كل فـجــــر جــديد عم صلـي
واطلب رضـاكي وإحــلم بضمـــي
=============