غزل طوفان شعري حرب حرب

]b]

الحرب الحرب
قد ما بترتاح من هم البشر
ع قد ما بتشعر بفرحه معرّمي
وحتى اذا ما بتحفظ وصايا العشر
بتطلع ع جنّه ولو عليك محرّمي
ومن كتر ما في شر بالكون انتشر
صارت العالم كلها تبيع الضمير
وتزرع الموت المرعب المر الخطير
ومش بس ما بترحم كبير ولا زغير
هيده دول للمزبله وبئس المصير
بتضلّها ولو جمّلوها مجرمه

جرح مخفي
حطيّت ايدي ع الجرح تا شوف
كنّو القلب بيحس بجروحو
لقيت القلب ما بيختبي مكشوف
وآخو بتطلع بس من روحو

اخ اخ

سؤال مشروع
حتى السما اعذارها تبرير
لما بنسأل.. حضن الله كبير؟!
بتخبّرك إنّو الدني أشرار
ومش عارفي ليش هيك عم بيصير
والأرض بتقلّك عدل ما ضل
من يوم ما الأنسان فيي حل
ومن الوجع ما ضل فيي محل
إلا ما داق الحرب والتعتير
رحت صوب البحر قلت بشوف
ليش قلتلو الشعب منتوف
قلّي بموجي انكب هم ألوف
وبعدو لهلق ملح بحري كتير
وحتى السلام العالمي مفقود
بننام عا الدخان وبالبرود
وزاد الظلم ما ضل عندو حدود
ليش دخلك هيك يا الله
بيتصيدونا متل العصافير

طوفان شعري
شو ضل..منّي وشو بقي منّك
حتى السوس ..مبيّن بسنّك
بسنّي الوجع بيصير يغري جروح
وما كنت اعرف ليش ت بسنّك
ليكي السعاده ما بتجي..بتروح
والهم عم يسأل بعد عنك
يا ضايعه بين الجسد والروح
لو تفهميني يوم لو إنّك
ما تدشّري جرح الهوى مفتوح
كنتي خنقتي آخك وأنّك
بتتذكري طوفان جدّك نوح
وليش انبعت عا ها الدني بظنك
بها العصر صاير كل شي مسموح
يا ريت الله يبعت ال طوفان
يقشّك وما يخلي أثر منّك

[/b]