حوار بين نتنياهو ولبنان وسفير ومرشح رياسي

سفير الى ......مرشح رئاسي


من مين.. بعدك خايف ومرعوب؟
ما الكل قالو..!! توغّلو بجنوب
وجايين حتّى يبشّمو الكرسه
تحضّر منيح الركب بالمقلوب
تذكّرت..! لمّا ريّسو مورسي
وبمصر رقصتلو كبد وقلوب
حلمك اذا عا الواقع بيرسي
انت الرائيس وما عليك ذنوب


تحضّر لأنو الدور جايي عليك
وكل اللي متلك راهنو ربحو
الخانو وطنهن شايف بعينيك
بعد الحرب ما استشهدو اندبحو


خليك راهن يربح المحتل
تا شوف وين بينصرف ربحك
ايّاك تنطر من المجرم حل
متل الحمل انطر وقت دبحك
ما بحط كل الحق ع القانون
في حق لازم فيه تعترفو
ابن الأرض ..بيموت ما بيخون


مهما جرايم حرب تقترفو
بتعرف انا بمثّل دول تكفير
الما يوم عا ظلّامنا اعترضو
لكن في عندن احترام كبير
للي بيدافع بس عن ارضو



لا تفتكر من بعد ما ترتاح
منّلي غفرلك ذنبك وجرمك
حتّى اذا بتحالف السفّاح
السفّاح زاتو ما بيحترمك
من هيك لا تراهن على سفّاح
استرجع ضميرك لو بقي منّو
لبنان عم يحتل بدو سلاح
روحو احملوها ودافعو عنّو
بركي بيقولو متل ابن الضال
لما رجّع أهلو بدو يغنو

هنا استحى من حالو


حوار بين نتنياهو ولبنان
بعلمي بخمس تيام فينا نفوت
ناخد جنوبك ندخل ل بيروت
شو صار فينا ليش ما فتنا
مش خوف منك خوف انو نموت
لبنان
لا تفتكر تفرض عليي فرض
استقبلك مهما هدمت بيوت
ان كان الله واعدك بالارض
ارضي وقف الله مافيك تفوت
نتنياهو
حلمي الحقيقه الامن تهديني
ولا تساند الشعب الفلسطيني
بكفل الك ما بقصفك طلقه
اعطيني وعد رح تقبل اعطيتي
لبنان
ما زال قلتو دولتين وهل
هالسلم قلي.. الهن والكن؟
ما في ضمير بيقبل بلا حل
والقدس منها ملكك وملكن
القدس ملك الرب والاديان
الانجيل والتورات والقرآن
بأياعداله ببنقبل او دين
انو الشعوب بقلبها تنهان ؟
نتنياهو
نحنا ما قتّتلنا ولا دببّحنا
(السنوار) هوي البلش ونحنا
هجمنا ع غزه نحرر الاسرى
لا تحررو الاسرا ولا ارتحنا
وبجبهة الاسناد (نصرالله)
هدد بلدنا وامرنا لالله
فتنا بحرب وانت يا لبنان
عنهن ما كنت نهار تتخلى
لبنان
مني نصيحه فل لا تعادي
يا مفكر تغبر شرق مختل
كيف بدك اترك ولاد ي
ما بيقبلو .بجنوبنا ننذل
هني صحاب الارض لا تهتم
لو ضل فبهن بس قطرة دم
ما بيتركو فيها ولا محتل
**×******'''
(هنا ذهب نتنياهو وقلو تركني فكر ويا للاسف شعبنا يقتل والحرب تجر الى حروب ولبنان دايما مع (السلام )(العادل)









يتبع