انتخابات بلدية برحليون سنة 2004 ههههههههههههههههههههههههههههههههه

رسالة سنة 2004ـــ7ــ6
الى الغالي سليمان مع عروسته العزيزة
تحية وسلام....الخ
أحببت ان ارسل لك كيف جريت الإنتخابات في برحليون بطريقة لا شك بإنها ستعجبك
وما بذلك قصد..!! الا لأنني أعلم محبتك للشعر وخاصة وصف احداث القرية بالقرادي
وهو نهج ابتكره المرحوم جدك وهبي عيسى عسى ان تعجبك وعلى الأقل اراك قريبا مع العائلة في لبنان

سلام حار وتمنيات

الى اللقاء صديقك
انطوان عكاري

واحياءللتراث وا للإبتكار الذي ابتكره المرحوم جدي انشر القصة بأمانة
وأتمنى على الصديق الاستاذ طوني ان يعمل قصة عن مجريات الإنتخاب هذة السنة بموضوعية بعيدا عن التحيّز هههههههههههه وأن يبقى صديقي رغم النتائج

وكل من يرغم من شعراء برحليون ان ينشر كل ما لديه دون تجريح
منتدى برحليون يفتح رحاب صدره للإبداع بعيدا عن الحسبات الضيقة
ههههههههههههه
بحر الزجل
يتبع
وإليكم القصة

الفيتو الطعن والهد ما بيبنوا ضياع***التفريق ما بيفيد متل الإجتماع
ما عاش يللي حب يتحد الكبار***وما خلق بعد القادر يكتّف سلاع

************
ناصيف قال ضعيف ما بيعمول وفاق***وقال الشرف صندوقة الكلا نفاق
لكن انا ما بحيد عن مبدا أكيد***ما في ضيع تعمر بدون الإتفاق

************
بإبن شلبية الناس تماتلو***القانون مشى عا الإلو والمش إلو
القانون مش أصدق من القال المتل***الطلّع عضو عا الليستا بينزّلو

******
رح بتشوفو ان الله راد***اديّش الضيعة رح تسعد
ما زال عنا بيت طراد***أكتر من موسى مسعد

*****
زوزو عبود الفهمان ***بعكس السير وما بيخاف
كل يوم بيعمل إعلان ***تا يزكّرنا بالصحّاف
بكرى بأوّل حزيران***قولك وين بدو يوقاف
هوي وسعد العالي الشان***وبدوة عصام وأسعد

*****
يتبع

يا يوسف دخلك شو باك***بعمرك ما عملت زيارة
وبتحط عوينات سماك***لما بتمرق بالحارة
عامل حالك متل ملاك***ومش ماضي عا إشارة
وعمك خليل مخلاك***عا الصدق تكون معود

******
كان عندي أحسن عراب***لم يطلب جبلو نجمة
معتّر هوي وتسع شباب***راحوا صواتن بالرجمة
واقف مع صهرو عا الباب***يقلو ردوني لحجمي
وبعدك انت مربا شباب***وما خلوا إلنا مقعد

****
يا دلك يا حنا طراد***قاعد تترجا ولينا
الياس ومرتو صاروا بعاد***دستك لكنك عيرينا
عا وجو بيارق لحداد***مشفتّر الله ينجينا
ومخلوف مألح فؤاد ***ومارون الوضع مصعّد

*****
وكاميل ومرتو دراويش***تا ينتكسو ما بيجوز
قطعوا كل شي في مناقيش***وفطاير من بيت كيروز
بلا سياسي كيف بدو يعيش***ومعقولة يطلع منبوز
وما بيبقالو غير الريش***وما نعود نشوفو مفهّد

****

يتبع

أوعى تزمّر يا بو تك***التزمير مصفّا ممنوع
توقى لا تغلط لا تلك***نادر لاطيلك عا الكوع
وبطرس مرشد لما يشك***عا طريدة بياخدها طلوع
متلمذ عا أصول ومنحك***وصرلو عام بيتوعد

ه*******
العالم كا بالا مشغول***عا الأرقام وعا الأصوات
ومرسال يتلفن ويقول***بكرى ودولي الزفتات
يعني يا عالم عا طول***نخسر أحسن شخصيات
وتسعة بسرعة يروحوا نزول***وهوي بالعالي يصعد

*****
قالو سياسة برحليون***بتتقرر بالمرطيسة
وإيقاعا بيبقا موزون***ببيت قرياقس عيسي
عرفنا البكرك مين بيكون***ومين ثابت متل الميسة
مجيد الربحو مضمون***ووحدو من حسابو مأكد

******
بو فصحيا بها الإسبوع***لسقراط مودا صورة
بعجقة وناس نزول طلوع***بشري زغرتا والكورة
وحدهن فرد مشروع***نعمة صوت الشنبورة
دك الورقة ونزلو دموع***العالم تا الصخر تنهد

يتبع

دمعة ساحة برحليون***دايقها موسي كليم
وضحو بإبنو بضرب جنون***تا لعيلة والضيعة يقيم
يا بو شربل رح بتكون***عنوان جديد وقديم
وتبرهن إنك بتمون***ونحنا عنك ما بنبعد

************
تزكرنا بو بيتا منيح***استفقدنالو بها الأوقات
وقلنا اللي خلف سميح***أوعا تقولو إنو مات
وحدو الوارت عن صحيح***بيو وجدو بالحزات
ويا دل اللي بدو يزيح***من البيقاصص لو هدد

****
مجيد ومالك شو رجال***ما غفلو ولا عن معبور
لا كابي دولب آمال***ولا ديالا قدرت لعطور
قلو فرنند لمرسال***لا يهمك يا بو منصور
علق عا حنة الآمال***وعا الكرسة الكنة قعّد

****
الساعة خمسة عا بشير***برمت برمت وما لقيتو
تأكدلو ما في ولا زغير***عا كبير يحط الفيتو
هوّي ومختارو الفقير***لو تلات أصوات عطيتو
ما كان صار البدو يصير***وحنة فوق منو تقعد

يتبع

جاهز فرنك يا برنار***صرلو حامي ست سنين
خمس صوات من الأحرار***تسلملي اديّشن حلوين
تزكرني بها الأشعار***بهوارة حروفا عناوين
حمي وشعّل ليل نهار***تا احترقو بهاك الموقد

**********
فدوى اتصلت بمخلوف***تقلو اعذرني يا خيي
كحتك من بيتي ولو تشوف***ولادي شو عملو فيي
لم نفضحنا عا المكشوف***بورقة لولو المخفيي
ما عاد رزقالله ملهوف***عا لنصر الكان مأكد

*******
خالي كلما طرادي شاف***يألفلو مية قصة
يتصيد صوتين نضاف***وتطلعلو اكبر حصة
يقلو ما تشطّب لضعاف***هيكي بشير موصى
تا صارو اصواتو خفاف***تا بخفة إسمو حيّد

هههههه
ولو تشوفو لولو ومسعود***أخدوا وراقن من كميل
ومن حنا وزوزو عبود***ومن بدوى ويوسف جميل
سلفا سركيس المشهود***بفهمو لاحظ جسما تقيل
نبّش بقبش حط شهود***وعنها دقيقة ما بعّد

يتبع

ورقة قزما بو شهوان***ضحكنا فيها عا المحروس
اللي مفكّر حالو فهمان***وبيمشي متل الطاووس
شاطر سميح وشيطان***ولفلفها وشكّا بدبوس
وقلو يا قزما من زمان***بيي بصوتك متعّهد


************
وبيت مخلوف تنين تنين***مارون يزقّن فرحان
من شيرا ومن مدري وين***وفاجأهن بالياس زيدان
البطاقات برمش العين***أغلى من جوهر رنان
الحشرة عا صوت وصوتين***ن خسرو بيتو بيتهدهد


*************
مهمة غسان بقلحات***تا يأمن عفيف وديع
ومفيد بيقصد حالات***مأهب لا وهيب يضيع
ومن شكا بالعصريات***فاجأ جوزيف الجميع
وصلّ قزما الهد وفات***وبوصولو الربح تأكد

************
يزبك صرلو ست سنين***ناطر بدو يوفي الدين
التاسع لشباب الحلوين***لشكلهن بقرنفلتين
محيّر ما عرفوا مع مين***ولا صواتو بيصبوا وين
وحدو بين المنفردين***وسام ببيت عيسي تقلّد

هههههههههههههههههههههه
وهي قصة الإستاذ أنطوان العكاري بهيديك الإنتخابات نقلت القصة بأمانة
ننتظر شو
مجريات ها الإنتخابات تزكيرا كل اللوائح من ولاد الضيعة انشالله تضل المحبة عامرة
جميع ارجاء الضيعة
بحر الزجل مدير منتدى برحليون الزجلي

وهلق نفتتح الحملة الإنتخابية لسنة 2010
هههههههه



حميّت ببرحليون واحتّدوا***وعا سباع صار الكل يتغدّوا
وما عدت أعرف مين سبع الغاب***ومين البيوقف بالوغى ضدّو

ومع كل هيدا بالسياسي الباب***ما بينغلق مرسال بيودّوا
بيتفواضوا يمكن بلا أسباب***بركي بيجيبوا صوات ينعدّوا

ونحنا المصيبة ما حسبنا حساب***مين ما ربح رح ينوقف حدو
وأكبر مصيبة يشركوا الغياب***بمشاكل الضيعة والحزوبات
يربح بيربح مين ما بدّو

بحر الزجل

*****

حلوووووو يا ليلى مين قال ما بتعرفي تكتبي

رائع جودي

بحر الزجل

شو هالإنطلاقة الحلوة يا آنسة ليلى
ونيالنا فيكي اذا مع الايام كل افكارك بتترجم بالشعر

عبرة وحكمة من بو شربل للناخبين ههههههههههههههههههههههههه

بستان جدي
لقد أجمعت الفلاسفة عبر العصور على أنّ كلّ

شيء يعود لأصْله 000 وأن الطّبْعَ يغلبَ التطبُّع

لذلك صدق المصريون عندما قالوا بالعاميّة :

" عالأصْلِ دَوَّرْ " فالأمثال خبرة الأجيال , طوبى

لمن اعتَبَرْ !!

قصيدة " بستان جَدّي " تتناول هذا المفهوم !!

= بُسْتانْ جَدِّي =

جَدّي عا أيامو زَرَعْ بُسْتانْ

سْياجو مِنِ البَلُّوطْ وِالْكِينَا

ترابو ذهبْ وِحْجارْتُو مُرْجانْ

ورزقْ الحلالْ الفيهْ كافينا !!


وبُستانْ جَدِّي بِالْحَلا مَلْيانْ

وْنَحْنَا عا خَيْرْ مْواسِمُو رْبِينَا


ومرّ الزّمان وْكِبْرِتْ الأغصانْ

وصارتْ بِفَيّتْها تْخَبّينا


وجدّي على الفطرة وعلى الإيمان

فكّرْ ثَمَرْ غير شِكْلْ يعطينا

طَعَّمْ الكينا مشمشْ ورمّانْ

وقال : التجارب رحْ بتغنينا !!


وصارْ يغوى الطُّعْمْ عالتّحْنانْ

وْشَكْلْ الثّمَرْ واللّون يغرينا

المشمشْ مِنِ بْلاد العجَمْ هربان

ورمان من عفرين جايينا !!


لكنْ بعدْ ما انحطّ بالميزان

وذقنا الطَّعْمْ صِحْنَا يا بارينا

شرشْ الْمَرارْ مْخَرْبِط الدّوزان

ونكهة الكينا عمْ بتكوينا !!

جدّي غِفِي عا مْخَدّتو زعلان

ومن زَعْلْتُو يا ربّ نَجّينا

وسافر بِمَرْكَبْ غفْوتو الحيران

عا ألف بحرْ وعا ألفْ مينا !!


وبالْحُلْمْ أشّرلو النّبي جبران

وقال: المرارة والعسل فينا

ومشيوا سوا بِسْهول وبْوِدْيانْ

تا وصَّلوا قِمّة جَبَلْ سينا

وصوتْ انطلقْ مِنْ جَنّةْ الرّحمنْ

وقال : مهما بْفِكْرْنَا عْلِينَا

هيك الثمر 00 والزرع .. والإنسان

الكينا ما بتقدِّمْ حَلا للناس

وْلا الطُّعْمْ غيَّرْ نَكْهِةْ الكينا !!

--------------

وفاقْ جدّي بْعدْ هالمشوار

مْسَرْسَبْ بأحلاموا السّماويّة


ومشتاقْ للبستان والأشجارْ

للْهوا للْفيّ لِلْمَيّةْ

وقام ومشي وعم يفتكرْ شو صار

وشو هالقَوانينْ الطّبيعيّةْ !!


وصادَفْ عا كِتْفْ الدرْبْ كَوْمْ حْجارْ

إلا وْطِلِعْ مِنُّو فَرْخْ حَيّة ْ

وجدّي اللي قلبو صامِدْ وجَبّارْ

رصُّو بْشُعْبْ عكّازْتو شْوَيّة ْ

ولفُو عا يَدُّو تا وِصِلْ عالدّارْ

وحطّو بْقَفَصْ في قلْبْ عِلِّيّةْ

وصارْ يِسْقِيهْ الحليبْ جْرارْ

ويعاملو بْرِقّة ْ وْنُعومِيّةْ

تا يبرّدْ بْسِنُّو لَهِيبْ النارْ

ويخفّفْ الّلعنةْ الإلهيّةْ !!


وكِلْ يومْ يعزفلو على المِْزمارْ

وِيْعَوّدو عالرقْصْ يوميّةْ

وصارت الناس تقولْ في أسرارْ

بتغيّر الْجَبْلِةْ الأساسيّةْ !!

----------
وهالفرْخْ لَمّا الدهرْ لفّ وْدارْ

صارْ حَيّةْ بَيْتْ سِلْمِيّةْ

وْصِرْنَا نْعامِلْها كْبارْ زْغارْ

بْكُلّ عطفْ وْكُلّ حِنّيّةْ !!


وِبْيَوْمْ كانْ الوَقْتْ عَصْرْ نْهارْ

والطقس نارْ بْفَصْلْ صيفيّةْ

جدّي دَعَسْ عا ذَيْلْهَا وانْدارْ

لَيْنَا 00 وْقال : بْتِفْهمْ عْلَيّي

رَبَّيْتهَا وْدَجَّنْتهَا وِبْغَارْ

عالتربية 000 وعا زَرْعْ إيديِّي !!


ما شِفْتْ إلاّ بْلَمْحِةْ الأبصارْ

لفّت عا رِجْلُو مِثْلْ جِنِّيّةْ

وْزَرْعِتْ بِِكَعْبو نابْهَا مسمارْ

وقدّمتلو سُمّهَا هْدِيّةْ !!


جدّي ابتدا يتألَّمْ وْيِنهارْ

ويصرخ : يا اللهْ شو جرى فِيِّي

وشو هالصَّفارْ الكالِحْ الْمَكّارْ

اللي صَبّ فيّي سْمومْ مِخْفِيّةْ

وقالْ كلمةْ الطّاهر ْ الْخِتْيارْ

قَبْلْ مَوْتُو 00 وْكِلْمِتُو وْصِيّةْ

الأشرارْ حَيّةْ ما لِهَا دَبَّارْ

وْعا قدْ ما تِعْطِفْ عَلَى الأشْرارْ

بِيقابْلوكْ بْلَدْغِةْ الحيّةْ !!
----------
الشاعرعبدالله خبازة

يا ولاد ..عمي حاج تختلفوا***وبعضكن ..مفروض تعترفوا
انتوا بضيعة بيضة القبان***فن السياسي تعلّموااحترفو

لا تشبهوا لبنان بالأديان***كلمن عا دينو بينعلن حلفو
زينوا العدل والحق بالميزان***وتعاونوا المحتال عا بلفو

انتو زهور مزيّنة الببستان***عليهاجنا دبابير عم يلفو
والولف مهما يغيب يا إخوان***بيضل قلبو يحن عا ولفو

بتتزكرواكيف انوعدتوا وكان***في ناس عا الأنجيل شو حلفوا
باعوا الوعد تا يعيّشو الوجدان***قبضوا ورق ووراقكم تلفوا

وفي ناس عم تسأل اذا سليمان***ببيع أصلو بس ما عرفوا
حتى البيتمو ما طلعلو سنان***بيعرف أبو شربول شو عرفو

عرفي ما اترك عيلتي من شان***منصب ويمكن بعتقد خرفوا
البيفكروني مهاجر وهربان***من بلاد ظنو مخيّب وقرفو

لبنان يا إخوان عندو مكان***بالقلب قوموا تضبضبوا انصرفوا
وحاجي فتن بين الأهل يا فلان***وافهم اذا الأنسان بدو يعيش
لازم الماضي يزت من خلفو

أهل برحليون لا تكوني***متل الحطب مع ناس مجنوني
عيشوا بمحبة وحاج بين الناس***زرع الفتن لا تخيبوا ظنوني

انتوا عواطف ساكني الإحساس***ومعلقيّن بعنقنا أوني
انتو ربيع بلادنا الميّاس***لا تعلقوا بأصوات يا عيوني

ابن الكرم متلو لإبن الياس***وابن الطرادي كحل عا جفوني
وحسان خيي محبتو عا الراس***رح ضل حبو لو جرحتوني

عودوا احضرو يو م الأحد قداس***وحبوا اللي قلها يا دني كوني
ولا تصدقو الفتان والنسناس***وخلو السياسي مركز التفكير
وبحبكون لولا كرهتوني


بحر الزجل


كل الضيع عا الحقد معتادي***وانتي يا ضيعة بطبعك الهادي
لا تهجرينا بنعبدك ما زال***فيكي اندفنوا كل أجدادي

انتي يا برحليونا موّال***نازل لحن عا وتار عوّادي
انتي جميلة والدني مودال***بيتغيّر وما تغيّري العادة

وبإنتخاب اليوم في آمال***تظهر بشر ما تضل عا حيادي
وتزعل بشر لكن عا أيا حال***هو أهلنا وفلذات أكبادي

ويوم النتيجة تزكرو الزجّال***شو قال حتى تفهموا زيادي

حنا انربح ما هم أو مرسال***البيهم تبقوا أهل بالضيعة
وما تورّتولي حقد لولادي

برحليوني

بحر الزجل