ن حَبَّيت تخلَق للشِّعر آيات

ن حَبَّيت تخلَق للشِّعر آيات

خَلّي جروحَك تشرب الأبيات

...فَيلِت جنونَك متل ما كانون
...
بيفلت خيول الرّيح بالغابات

كون مارد والمَسا غليون

كبّ القمر جمرة على التَّبغات

دخّن دني.. وفَجّر شعر مجنون

لعيون أوسع من مدى الشَّردات

خَلّي الوَرق روما وإنت نَيرون

وكتوب روما ليل من دمعات

بنار القصيدة تولِّع الورقات

فيلت خيول الريح بالغابي
وخلّي القمر يدلق سهر تا تنام
وتا تعرف الأيام كذّابي
مرّق عا دفتر ها الزمان قلام
بتفتح بوج الشمس بوابي
...بتشد عا مهرة الوقت لجام
نجوم السما تا تسكر خوابي
وكاسات بتطفح من الإلهام
ضلّك ورد عطرك دفا الأحلام
تعيش العمر عمرين يا رسّام

بحر الزجل

ضلّك سماع الروح بتنّجي
وبشفاف الله بتقدر تهجّي
وفيلت خيول الذوق بالإبداع
بيحلا الشعر لو كلمتو الفجّة
وما زال عندك ها الوحي ما جاع
...وعامل بشعرك صرت ها الضجة
يا فل عن الغروب يما رجاع
ولا تحمّل القلب الحلو أوجاع
ما لاك تهجرنا ولا حجة

بحر الزجل

وحياة أرز الرّب يا سليمان
يللي قبابو واصلي لالله

ما اعتاد قلبي يضيِّع العنوان
ولا عن وفى الأحباب يتخلّى

حكمت إبن ضيعة بأرض لبنان
بتحلم جناح النسر توصَلاّ

مهما بألله يكفر الإنسان
بيضل نور الرب يتجلّى

بيِصعَب عا شَوك منالورد غيران
أكتر منالوردات يتحَلّى

والورد مهما ينترك عطشان
بيضلّ أحلى زهر بالبستان
وبيفوح عطرو عالدني كلاّ