بحر الزجل ورأيس جوقة الأرز فادي فياض

أوووف أوووف أووف

بعد ما جفّت قبالي السواقي
طلبت بحور تا يحلا التلاقي
وعرفت بجوقة الأرز المكنّا
عا منبر شعرها نزنوز باقي
يا فادي ليش آخد جوق حنا
هههههههههه
ما قادراسم عا قياسك تلاقي
خخخخخخخخخخخخ
يا فادي كان حنّا ان يوم غنّى
نجوم البسما يلبس طواقي
وبعد ما مات حنّا صار عنّا
شاعر يزعق وشاعر يقاقي
هههه
انا بعرف رفاقك من وطنا
وعندن شعر عادي وشعر راقي
حطّوا أسم صيصان المعنّى
وبلا ما تحملو ا هالأسم اريح
اقبلوا منّي النصيحة يا رفاقي
بحر الزجل

وعا موضوع التحدّي والغناني
ليش الحاج عا العركة دعاني
ما عرف البحر موجاتو عتيي
وبعبّو خزنة المنبر ملاني
انا ما بحب اجرح بس فيي
قص رقاب بسيوف الغناني
وخفيف الظل ما بيقدر عليي
سميك الدم وبيفرن لساني
انا شاعر زجل عندي قضية
قدّم روس تا تغلا الصواني
ومتل ما كان جدي وعاش بيي
ما بقبل شخص يجرح عنفواني
انا بحر القوافي الشاعرية
جبرت الكون يلبس طيلساني
هههه
يا فادي الدافشينك عا المويّي
ما عرفوا ما بتسبح بالمعاني
انت سارق الجوقة الحنوّيي
شفطت الأسم تا تربح مكاني
طلعلك ها الأسم متل الهدية
العليها راس حنّا المعمداني
ومتل ما قبضت البنت الزكيّة
قبضت الحق وقبلت الخياني
ههه
انا بالشعر ما برحم خويّي
وعا غير الزلم ما بعرّج حصاني
اجى بو ميّت تهجّم عليي
عا راسو هدّمت كل المباني
فطاحل شعر قبّرتن بديي
وبقي عا النت اتروحن تماني
طوني وفي حسن والعنداريي
وحكمت صاحبي والأخ هاني
وابراهيم شكري الأسطورية
وانتي بس ناقصلك ثواني
حتّى سفّرك صوب المنيي
وعليك يفيق حنّا يقول ندبي
ونحنا هون نتقبّل تهاني

بحر الزجل
Fadi Fayad
كنت واصل عا بوابة الحارة --- حارة مجدها عمري منحتو
دفشت الباب عن لهفة وحرارة --- زيزق بابها لما فتحتو
جبت الزيت زيتتو بمهارة --- تا شيطان الصدي بمسحة شلحتو
لمحت بو شربل مولع سيكارة --- وعم يزيزق شعر لما لمحتو
جبت من زيت ميرون الطهارة --- نقطة تحل شيطان المنابر
وللشيطان بالنقطة مسحتو
و يلّي عا إسم هالجوق غادي --- تبيض وج وتمسّح برادي
لانو الإسم مش هوي المصدر--- العبرة خود وتعلم زيادي
سمّي عندليبك نسر ختير --- بتبقى نغمتو تفيّق الوادي
وسمّي النسر عندليب أسمر --- ما بيصير غريد النوادي
وجوقة أرزنا حدك بتزغر --- ان كنت معنا يا بو طبع البلادي
وإذا سميتها جوقة الزعتر --- بلاك ... بتصبح بعظمة بلادي
وتا دلك عالحقيقة يا معتر --- ليش " الأرز " مش جوق " السعادي"
يوحنا المعمدان بأمس أشهر --- الفادي عمّد بنهر المبادي
ويوحنا إبن موسى الكان أقدر --- عمّد بالوحي والشعر فادي
وعطانا إسم جوقة أرز أخضر --- تا صرنا اربعة بعزم وإرادي
يوحنا مع يوحنا كنز جوهر --- و فادي الشعر مرجع للقصيدي
وفادي الدين مرجع للعبادي

يا سليمان لا تعربس خيوطي --- ولا تقرّب جنابك عا سيوطي
الك إيد وإجر في كل محفل --- لأنك شخص طبعك أخطبوطي
انت شعرك بيغفي الما بيغفل --- يا محلا كتاب ابن المنفلوطي
كلما خطوط شعري الشمس توصل --- بتركض تا تعلّق عا خطوطي
وعامل بحر لكن يا مدلل --- كلما موجتك تنفخ عضلها
بتاكل قتل عا صخرة شطوطي

يا بو علي ما في حدا بيذلّنا***نحنا الزجل ربيت ولادو بظلنا
بحلفلك برحمة الزين وخلنا***نحنا سقينا للاعادي خلنا
دخلك يا فادي يا حبيبي قلنا***لأيا مجره وصلت تا وصلتلنا
من قبل ما تكتر حكي وتعلنا***حرّك شفاتيرك وخدمه عملنا
هههههههه
وزيع الخبر ....؟يــــــــــا كـــــــــل شعّار الدني***بحر الزجل ناوي علينا كلنا

بحر الزجل
Fadi Fayad
سليمان لو فكرت دربي تمرّها --- بدي بإيدي وراق عمرك هرها
لما مواجك توصل على برها --- بترجع خليفاني الهزيمي تكرها
ناوي علينا ... تا الشبيبي تضرها --- بلسان دل العجرمة عا مرّها
صابك متل جارة الحكي بيسرها ---- عالثرثرة حبال الزهق بتجرها
لما على الجيران بتقلقل حكي --- بالحي ما بتترك حدا من شرها

البيشوف صدرك بالرماح مشكشكي***ودينيك حمرا مورّمي عا الفرفكي
بيقول شولّي رجعك عا المعركي***وعارف طريقك موت ودروبك بكي
شبّهتني بثرثار ...!!شغلي مضحكي***وناسي البحر لو راق ...!!ناوي يا زكي
وما زال خوفك بلل تيابك خلص***بلّش معي بموضوع لا تكتّر حكي

لحقني يا بو الفيد هههههههههه

الماشاف شمس الصبح هيي وطالعة***وعا بحر ناوي يطق عمل مطالعة
هيدا مرض عا النازلي والطالعة***كلما كتبنا بيت روحو طالعة
يا بو علي خلّي المواقع والعة***وقلّون لفادي وبدر هيدا زكزكة

البيشوف صدرك بالرماح مشكشكي***ودينيك حمرا مورّمي عا الفرفكي
بيقول شولّي رجعك عا المعركي***وعارف طريقك موت ودروبك بكي
شبّهتني بثرثار شغلي مضحكي***وناسي البحر لو راق ...!!ناوي يا زكي
وما زال خوفك بلل تيابك خلص***بلّش معي بموضوع لا تكتّر حكي

بحر الزجل


Fadi Fayad
يا بحر ما بتبل للعطشان ريق --- ما وصلت لركابي وعم تقلي غريق ؟
عطيتك جواب من الرحيق بوقت ضيق --- استحليت مرة تجيب من ذات الرحيق
يا فوضوي من نشوة التحشيش فيق --- بللت حالك ضعف بالبحر الغميق
بين ناشف ومبلول بدي خيرك --- بلل شفاف طموحك وكفي الطريق
سليمان طياراتنا الهن بريق --- وبعدك عم بتجمع حجار المنجنيق
كيف بمنابر شعرنا بدك تليق --- يا فحم اسود حد حبات العقيق
ألشاعر سليمان طراد
بالفوضوي شبّهتني.. وناسي الربيع***بيجهل ورد.. تا يعطّر الجو البديع
حشّاش ....!!بحري بيشرب نبيد الصقيع***وبيسكر بشمس الطبيعة تا يضيع
خيّرتني بموضوع تا تبيّن فظيع***وعن ها الجهالة الرد جايي عا السريع
من بعد ما بالشعر دمّك نشّفو***رح بلّ إيدي فيك قدّام الجميع
ههههههههههههه

اوووف اوووف
قديّش وجّك ناشف...بملقى الضيوف***وبخلك كتب حبر الدناءة عا الكفوف
ههه
يا بو علي بوصيّك لا تسحب سيوف***فادي عليي...؟وبدر مايل عا الخسوف
هه
تحمم يا شط القافية ببحري وشوف***جوقة صبايا مشلقحة متل القطيع
بالفوضوي شبّهتني.. وناسي الربيع***بيجهل ورد.. تا يعطّر الجو البديع
حشّاش ....!!بحري بيشرب نبيد الصقيع***وبيسكر بشمس الطبيعة تا يضيع
خيّرتني بموضوع تا تبيّن فظيع***وعن ها الجهالة الرد جايي عا السريع
من بعد ما بالشعر دمّك نشّفو***رح بلّ إيدي فيك قدّام الجميع
ههههههههههههه

بحر الزجل


Fadi Fayad
ايديك يا سليمان بدي شلها --- من قبل ما تفكر بفادي تبلها
نشّفت دمي وهالقضية بجلها --- من كتر ما عروقك تبرعتلها
وطعمت مِحلك بالعطور وفلها --- وسقيتك دموع الشعر بمحلها
ورغم الدمع ضليت صخرة ناشفة --- عا قرعتك تزحط دموعي كلها
بأسف بنات الموهبي تقّلها --- يا موقعي الشعري عا غيري دلها
شرطة آداب الشعر رح دقلها --- وروحك بخشبات القفص يا ذلها

ألشاعر سليمان طراد
أوووف أوووف أووووووووووووووووف

بتشل إيدي عيب!! ...حاجي تدعّي***مبلل كأنك طفل شي أنو وعي
ههه
بحر الزجل يا ضعيف عمرو ما كعي***منشّف عروق الضو تا يزهّر وعي
ويا شمس كلما تبلل الكرم اسطعي***ولمّي الندي بحبال نورك واطلعي
وما زال عا الناشف الليلة حلقتك***مجهّز الموس وجايب العدة معي
هههههههههههههه
ولك أوووف أوووف
من تقل دمّك رحت من دمّك تشيل***وتقول انّو تبرّعت ...منّك قليل
هه
كعب الأرز بيضل ناشف يا زميل***ولوما نشاف الصخر ما بينحت زميل

وما اجمل الساشوار عا الشعر الطويل***فوتي لعندي بنشفّو ولا تدفعي

أوووف أوووف أووووووووووووووووف

بتشل إيدي عيب!! ...حاجي تدعّي***مبلل كأنك طفل شي أنو وعي
ههه
بحر الزجل يا ضعيف عمرو ما كعي***منشّف عروق الضو تا يزهّر وعي
ويا شمس كلما تبلل الكرم اسطعي***ولمّي الندي بحبال نورك واطلعي
وما زال عا الناشف الليلة حلقتك***مجهّز الموس وجايب العدة معي
هههههههههههههه

بحر الزجل محل حلاقة ههههههههههههههههههه شباب
بو علي جايب موس أمركاني
نعيماً بو الفيد


Fadi Fayad
بعّد معي يا ابو شربل بالخيال --- ولا تظل عا جنب الجهل واقف خيال
فصول السني عا شكل حلاق الرجال --- زبوناتها خدود الجبال بهالمجال
ليك التلج رغوة بشهر كانون سال --- والموس لهبة شمس نيسان الجمال
ويا حضرة الحلاق عا جنبي عقال --- موظف انت عند الملك عا كل حال
موسك ما قادر يجرح خدودي ولا --- موس الطبيعة بيجرح خدود الجبال


قلي الطبيب بو شربل العندو سعال --- ناشف وصفتلو دمع عين الغزال
ولما نشف عا شكل قصبة عالتلال --- جبتو و قصقصتو شقف بعتو سلال

وهنا الرابط للامانة

ألشاعر سليمان طراد
يا أرز مهما التلج كفو ناحتك***بتضل صامد والمجرّة واحتك
فضل القصب لا تنكرو بوقاحتك***وتنسا سلالي وجهّت تفاحتك
والصند خشبة ناشفة ول فلاحتك***جايب يا فادي قصبتين ل ساحتك
قصبة المص...تمصّها ولا تستحي***واليابسي..بتاخد عليها راحتك
هههههههههههههههههههههههههههههههههههههههههههههه
بحر الزجل
أوووف أوووف أوووف
ان ما نشفت الحمرا على شفاف العروس***وبقيت عليها مي ما بتقدر تبوس
هههههه
وحتى تشوف خزانتك من دون سوس***دهنها تا تنشف لا بقا تخسر فلوس
يا بو علي حلقنا لفادي بدون موس***باقي بدر...تا تقدحو بقدّاحتك
هههههههههههههههههه
اووف اووف
يا أرز مهما التلج كفو ناحتك***بتضل صامد والمجرّة واحتك
فضل القصب لا تنكرو بوقاحتك***وتنسا سلالي وجهّت تفاحتك
والصند خشبة ناشفة ولفلاحتك***جايب يا فادي قصبتين ل ساحتك
قصبة المص...تمصّها ولا تستحي***واليابسي..بتاخد عليها راحتك
هههههههههههههههههههههههههههههههههههههههههههههه
بحر الزجل

شو رأي الحاج بدر بها القافية الرباعية ههههههههههههههههههه

Fadi Fayad
هالمقصبي العاشت على النهر الرطيب --- دخلك تلاتي من قصبها اليوم جيب
وحدة تميل هلال عا دغوش المغيب --- وتنين بعملهن صليب ومش غريب
ولما نشاف دماغك بوضع العصيب --- بين الحيا والموت وصّاك الطبيب
يا بني عملنا الواجب وما لك علاج --- إلا تصلي للهلال وللصليب


مرة صبيي ناشفي متل القضيب --- يمكن ما شبعت في طفولتها حليب
ولما بو شربل حبها وصار الحبيب ---- تقدّم وقلو بيها ما لك نصيب
ههههههههههههههههههههههههههههههههههههههههه

يقطع النشاف شو بيعمل ولك يا سليمان ليش مش مخبرنا هالقصة ؟؟ ضروري اعرف من بي البنت ؟ ههههههه


ألشاعر سليمان طراد
ليش الصليب بتزكرو بقويّلتك...؟***وين الغزاره....؟ ووين راحت سيلتك..؟
الناشف إلي...!! شو وصلو عاميلتك***ميلة ضعف بالشعر كانت ميلتك
وبنت اللي متل الرمح مش من عيلتك***لا تقرّب عليها تقيلة شيلتك
البتحبها شلخة..! تخيني ...؟ومدهني..!!***راكض ورا ها عيب...!! شاطط ريلتك
ههههههههههههههههههههههههههههه
أوووف أووووف

بلل الريشة الناشفة بالمحبرة***وانطار تنشف عاالورق تا ينقرا
القصبة العليها ارتحت وعرفنا الجرا***خضر وزرق تركت جنابك من ورا
يا بو طبع مايع بيكفّي ثرثرة***بحري ما فيك تكيّلو في كيلتك

ليش الصليب بتزكرو بقويّلتك...؟***وين الغزاره....؟ ووين راحت سيلتك..؟
الناشف إلي...!! شو وصلو عاميلتك***ميلة ضعف بالشعر كانت ميلتك
وبنت اللي متل الرمح مش من عيلتك***لا تقرّب عليها تقيلة شيلتك
البتحبها شلخة..! تخيني ...؟ومدهني..!!***راكض ورا ها عيب...!! شاطط ريلتك
ههههههههههههههههههههههههههههه
بحر الزجل

الله يساعدنا عليك شاطط ريلتك ههههههههههههههههه


Fadi Fayad
دخلك مازال غيوم جهلك كابسي --- وعا كبسة الهرقة البعقلك كابسي
شو خصني بحلوة قبالك عابسي--- تخينة ورفيعة ان كانت وشو لابسي
بموضوعنا خلي فكارك حابسي --- مش مريلي وقصبة رفيعة يابسي
رح بلل دماغك بقطرات الوحي --- متل البحار العم تبل اليابسي

ألشاعر سليمان طراد
ياشمس الشاعريي عن نشافي ***إحكي للسهول وللفيافي
وكلما العتم يبرم عا منارة***دلقي بركان نورك عن كتـافي

وتا قمح الشـعر يطفح بالكوارة***بعـتــي ضوّك على بيدر قوافي
لأنـّو إبرة شعاع الحرارة***بدمّ السـنبـلـة بـتـحقـن عوافي


..اناالأرض البتولي وبحراره**كلما تلتجولي حضن دافي
حرام تدنسو أرض الطهارة ** وحرام تبللو قشرة غلافي!!
....
وأنت يا مبلل خدود العذارى ***بدمع الهجر عا كتر التجافي
انفجر بركان حقدك عن مرارة***ومنعت الورد يشهق عا الحفافي

انت طوفان طاف بكل حارة***وانا وج الطبيعة الضل الصافي
انا خط التوتر للإنارة***تركوني ناشف وعالي مسافي

انا ناشف متل صاحب إدارة***تا إقضي عا الفساد بلا مخافي
وانت خليك اشفط بالوزارة***يا نهر الهدر يا بو دماغ غافي

انت طفل المبلل يا خسارة***شلحت حفاضك وضليت حافي
خخخخخ
وتلعب بالتراب وبالحجارة***وما كان يبيّن عليك النظافي

ولأنو ناشفي عندي البيارى***وانا بالكيّ شاعر إحترافي
كويتك بالتحدي ...وبعبارة***على الناشف حلقتلك لأنو
لقيتك ما بتتحمل خلافي

بحر الزجل ينهي الجولة ومسك الختام لرأيس جوقة الأرز
ونطلب بعد ختام الشاعر فادي ان يتوّجه الشاعرين بو علي حسن بنوت والحاج بدر الى المنبر الزجلي وشكراً
ههههههههههههههههههههههههههههه

Fadi Fayad
يا سوسو إسأل سنين الأصالي --- عن مروج القصيد الإرتجالي
تلات ترباعها شعري بتشرب --- وانت ناشف لأنك ربع خالي
إذا جسمك من الميي بينضب --- رح بترجع يا ابني تراب بالي
لتمك لو بريقك ما بيقرب --- بتسقي ترابك دموع الأهالي
قلت عرق السبل فرفح وشبشب --- بإبرة نور من شمس الأعالي
طيب بعد ما قمحك تحبحب --- تا يوصل عا شفافك خبز غالي
إذا طحينك ما بليتو لا تتعب --- اشتري خبزك من الحلم الخيالي
وإذا بتكون هالسلك المكهرب --- المتمدد ... على عامود عالي
انا القرعون بالسد المركّب --- وكفرنيس مشروعي مثالي
الليطاني انا وبنهر دبدب --- عم ولّد الطاقة بإنفعالي
إذا الإشعاع بعروقك تخصّب --- لانو ثروتك من راسمالي
السمرا تمها ساعة ما شوّب --- وكلف عينها تودي الرسالي
بللتو ببوسة ... الكاس سرسب --- وطق ودلدق نبيد الدوالي
ولأنك ناشف ومنك مهذب --- بقيت زبيب أقسى من النخالي
و الختيار وجبة راح ركّب --- كسرت سنو لانك لا مبالي
وانا بكاس الصبيي خمر اطيب --- تا بنّج تمها دوّخت حالي
نشافك عود للكبريت خشّب --- ولأنك حاقد حرقت الحقالي
نشافك طبع قاسي مش محبّب --- لا تلعب دور قذافي قبالي
ولك انت بحر الزجل إسمك مركب --- يا غيّر إسمك وحاجي جهالي
يما ركاع يا ضهر المحردب --- اعترف انو البلل مصدر بسالي
ولا تفزع يردمو الشاطي بمقلب --- ويزغر حجمك زيادي بمجالي
انا ببقى المحيط الما بينضب --- وإذا بتزغر انا بخليك تكبر
طريق المجد كلّو من خلالي