منوعات

موضوع: منوعات الإثنين يناير 14, 2013 1:36 pm

ليَش الزَمَن باْلشَرق ماشي وَربْ
حَرب بتِجي و في حَرب عَم تِقفي
و اللِّي بتجي ما بْتسالْك عالدَرب
ولا بتنطُر مْن لْجابها الزَقفه
عِناَّ المَناهِج بَسَّ طَرح و ضَرب
وتا فيك تِجمَع بدَّها وقفِه
وعنَّا ضمير! و ناقصو شقفه
--------------------
حب وحرب
---
مين الْ كَبَس ع لزرتا الكلمه فصل
و بَيعَد حرف عن حرف تا حقدو وَصَل
بين الحرب و الحب ضيقنا الطريق
إمشي بطريق الحب وانسى إللي حَصَل
----
الماشي بطريق الشر ما بعمرو وَصَل
---------------
تمك
----
عا كرم تمك مرقت النحله
تجمع رحيق تدوق تستحلي
من بعيد لوحلي عنب أيلول
و بالداليه العنقود لوحلي
و عا قد ما جسمك ملان فصول
عليكي النحل بيغار يا نحله
بالصيف كل مواسمك عا طول
أشقر عنبها أخضر و كحلي
عالدرب مهما هالمسافه تطول
ما زال كرمك شفتين و تم
انشالله ع تمك ضيع بالرحله
------------

مرات بدلق عالشعر حالي
و بقول رب العرش أوحالي
فكري بيسرح بالسما و بيغيب
بيروح من حاله على حاله
واحيان ضني بالوحي بيخيب
و بغيب ما بيغيب عن بالي
و مرات ببرم هالفضا تا جيب
وبصير طير و طير بالعالي
وشردة خيالي بترهج قبالي
---------------
شاعر
شاعر ما ببدل عا قياسي قياس

وما بحب ابني الموهبه سرقه

سلاحي زهر و قصايدي متراس

ممنوع منو تمرق الفرقه

بحب الحلا والناس سهره و كاس

و مابحب امرق عالدني مرقه

عندي خيالي مرهف وحساس

و وقت البيفيض الشوق للاحباب

بكتب متل ما بحس عالورقه

-------

وبحب ضلي يكون خف الريش

ويبقى نسيم الصبح حاملني

وما بحب حتى الحب في يعيش

عيش و حبيب الروح هاملني

عا باب الله كلنا دراويش

أتدروش معي وبالمثل عاملني

ون كان صعبه نتتهي أصحاب

بكلمة صباح الخير جاملني
-------------
[/b]الشاعر الآه بتقدر تعدو
ما في فضا خلقان عا قدو
مره بيوقف عاكفوف الدهر
و ب طال نجمات السما بيدو
وايام فيك تشبهو بالنهر
كل ما يفيض الدمع عا خدو
بيروي بجنب النهر كل الزهر
بيسقي الزنابق قد ما بدو
ومره زهورو بيدبلو من القهر
ونهر الوحي ب مر من حدو
-------------
مَسرَح غَرام
---
انتي وانا عُشاق و المسرَح
سهرَه. وكاس و زنبقه بالنُص
و نظرات درس الحب عم تشرح
وقلوب تحكي تمتمه وتغص
و عيون تضحك تشرد و تسرح
واحساس فيكي ما ترك مطرح
و شفاف وقفو تمَردو عالنَص

» منوعات