حبة زبيبه

موضوع: حبة زبيبه الأربعاء يناير 16, 2013 3:47 pm

حبة زبيبه
------------
بْذكُر يَ ستّي شَعرِك الْختيار
انتِ يَ روحي مَنبَع الطيبه
ومفتاح خَتْيَر قبل مَ تشيبي
بْ جدولْتِك مربوط لَيل نهار
و بْخَيطْ حدّو حرز و كْتيبه
بَسمِة رضاكي تكون تَرحيبه
لمّا عَ بَيتك دْقّ باب الدار
انطُر زبيب و لَوزْ تَ تجيبي
ما غاب طَيفك قد مَ تغيبي
---------
تمّك يَ ستّي حبِة زبيبه
---------------------
مشتاق
--------
مشتاق ،كيف الحال يا ستي
صارو السنين بْ غيبتك ستي
أكتر ما شَتّى الدمع بالعينين
عليكي السما رحمات بتّشَتِي
مشتاق للرقوات والايدين
ال منهن حنان و عاطفه تفتي
إن كانت همومي حمل عالجنبين
عني تشيلي الهم و تزتي
غبتي و تركتي غصتين تنين
لما عا باب الآخره فِتي
غصه ت شوفك قَبِّل الكَفَين
وغصه لانو بغيبتي مِتي

موضوع: رد: حبة زبيبه الأربعاء يناير 16, 2013 8:27 pm

حلوووووووووووووو يا غانم