سكران

موضوع: سكران الخميس يناير 17, 2013 10:52 pm

شربان مطفي وسكرتي سكره
ضايع م بين مبارح وبكرا
والليل ملعب والسهر حكام
والكاس طابه ناطره الصفره
والوقت دفتر والنبيد قلام
بلشت إكتب م عرفت اقرا
ضليت امحي وخزق الأنغام
وتاهت الفطره وطالت النطرة
وشقرا قبالي ب تدوخ الرسام
ضيعت بين السمر والشقرا
والارض شرشف والضجيج حرام
وبين النعس والنوم في دقره
السكران كيف بيذكر الاحلام
وبالراس طبله والحلم نقره
وكل م سكرت بتسكر الفكره
--------------------
كف الكرم
-----
كَفّ الكَرَم تَ يجود بدو ضَيف
,وبَيت ,و كَريم يشَرّع بْوابو.
و درع الوطن ت تصون بدّك سَيف
,وحَمّال سيف يكون بَوابو
وكاس الخمر تَ يْطِيب بدو كَيف
وعنقود ابن الكْرم وترابو
بَيت الشْعر بِ مّر متل الطَيف
وريحة عطر نيسان بتيابو
الشاعر قصيده بالشتي والصيف
بْتدْفَى عَ وَهج قْصايدو بالبرد
ونفْس القَصايد تلج بْكتابو
----------------
حضن العاطفه

مشتاق ع لهفات محترقه
تمرق ب حضن العاطفه مرقه
بحار نايم ع شوطي العمر
ومينا حياتي دفتر و ورقه
ع قد شوقي م تعتق خمر
وذابت خوابي الشوق ع الفرقه
حافي أنا ،والرمل منقل جمر
وجمر الوداع بيحرق البرقه
وبجياب حضي الصبر .شقعه غمر
فتحت عيني ع الرصيف وشفت
سراق عمري شتاق للسرقه
،ودشر بروحي الآخ والحرقه
---------------------
سافر، ما بدي تعيش بالقله ،،،،فرفك حبوب المسبحه وقلي
لبنان يبني من زمان بعيد،،،بيعيش من محصول ها الغله
كل م علينا الفقر مد الايد،،، ب زيد فينا الآخ والعله
وكل م علينا يطل عام جديد،،،كمشه حزن بتجيب هالطله
هيك الحياة همومنا بتزيد ،،،مركب فرح ع الشط و مْوَلِّي
ي بني إذا خيرتني ما بريد ،،،شوفك غريب الدار، عم صلي
م فيك صوره عن حياتي تعيد،،،من هيك عم قلك يا ابني فل
وقلبي بيقلك يا حبيبي ضل،،،شو صرت اكره كلمه الفَلّي
----------------------------------

صوتِك حْلو وبالصَوت في رنّي.....وكل مَ بْتحْكيّ الطَير بيغَن
وعا لدرب لمَّا تسبقي خيالِك.....بيمشي وَراكي بْصمت متأنّي
بْيصِير من حالو على حالَك.....يفلُش ضِلالو يْلَبسِّك هْنّي
وبيرْقْصو الوردات عَ شالِك.....كل مَ مْرَقْتي بمَرج مْتهَنّي
وبِ قول زرّ الورد نيالِك.....مأكَد نيسان مْكَمْلِك عَنّي
لا تدعسي ع الارض احلالك.....يمكن ربيع ترابها البنّي
يفلُش قميصو حْرام كرمالك.....ولمّا بْفَيّ الزهر بتنامي
حَدِّك ينام ويسرقِك منّي

------------------------