عدنان سعيد وبحر الزجل مازن غنام وطليع

ألشاعر سليمان طراد

مازن غنّام ..ترك ..أو ترك جوق الربيع؟
يا بو بهاء بنعرفك عا منبرك
ما بتغدر بأنسان ما بتنصب شرك
وما زال ما بتساير وبعرف صريح
قلي بصراحه ليش؟ مازن تا ترك



Adnan R. Said
حمدان يا سليمان ارزة للصمود
للمجد للالهام من ماضي العهود
يمكن اتفقو مازن و سالم سوى
تا يرضعو بالدور من نهد الخلود



ألشاعر سليمان طراد
يا بو بهاء اسألتك وناطر جواب
يقنع عقول الناس ..تا اربح ثواب
معلومتي بتقول مازن ما عرف
الا بعد ما بخلقتو انطبشوا ل بواب

Adnan R. Said
ما تسكرو بواب المضافي انما
الورد انقطف من بعد ما زيادة نما
مازن بشعرو حلّق لأعلا سما
برفقة طليع تعلّم و اكتر سما
و سالم اجا دورو على منبر طليع
تا يلتقي الجوري حما بجوري حما



ألشاعر سليمان طراد
بعرف جوابك دبلوماسي وبالحكي
معروف عنّك شاعر محنك زكي
ما بينقطف ورد المنابر لو زكي
وعن قصف عمر الورد بو شادي حكي
ما بيقطف الورد النبيده هيك قال
الا ما ريحه قطفتو تشبع بكي


Adnan R. Said
سهامك يا ابن طراد أوعا تشكها
بقلوبنا و قلاعنا لا تدكها
لما ابو شادي الطلاسم فكها
و الموهبة وقّع عا ورقة شكها
فكّر بسالم صار جوهرة الذكا
و الجوهرة بالجوهرة بتحكّها



ألشاعر سليمان طراد
لما اسم غنّام بالجوقه ورد
قالوا بمجد حمدان ها الفرخ انفرد
ما زال كان يقول عنو جوهره
قلي بربك ليش مازن تا انطرد




Adnan R. Said
ما فيك تطرد عطر و تزيد النهيد
عطر الورد بيفوح و بيبقى شريد
وسالم عند ما بلّش بدق الحديد
ثبّت وجودو للقريب و للبعيد
ومن هلق لسنتين بدك تقشعو
عا منبرو ديك المعنى و القصيد


ألشاعر سليمان طراد
ما زال عم تعطي شهاده بالسلوك
رح خبّرك عن خوف قلبي والشكوك
خايف انا من بعد ما يديّك يصير
مدهن ويرجع يندبح متل الديوك



Adnan R. Said
لما الخياني بتحمل سكاكينها
بتدبح ملايكة السما شياطينها
بجوقة طليع الواسعة ميادينها
سالم وصل تا يلتقي سلاطينها
رح تزدهي و رح ترقص ورود الربيع
لما المنابر تلتقي حساسينها



ألشاعر سليمان طراد
يا بو بهاء اللي بيمشي حنجلي
بيكون شنفخ راس منخارو وعلي
ما بخاف عا ديك المعنى لو رقص
خايف انا ما يصير يرقص بالقلي


Adnan R. Said
بير القوافي بحقل بو شادي استوى
ملك الدني و ملك اللي بيشمو الهوى
و المزمزو من بيرنا و رميو حجر
رح يرقصو بجهنم الحمرا سوى


ألشاعر سليمان طراد
صدّق لهلق ما اقتنعت ولا بشكل
انو لصوتو كان بتّاكل أكل
صفى فريسه للفشل يا بو بهاء
وحقو بسوق الموهبه ليره نيكل

Adnan R. Said
كفا يا طراد عالمنبر تنادي
بيقولو الناس صار اسمك منادي
و انت شاعر من الشعّار اشعر
حرام تحرتق و تظلم زيادي
القوافي حبوبنا و الشعر بيدر
عليها تشهونو كل الشوادي
و حبيب القلب مازن ضل يكبر
تا صفّا يليق بكل النوادي
و سالم عم يشق الجو اكتر
متل صاروخ منّو شخص عادي
و طليع البعرفو شاعر موقّر
بيحب الكل من هادي و فادي
و لما الأووف خرّج الف عنتر
نقّا تنين .. قلّن يا ولادي
ههههههههههه
الطفالا بيكبرو عا كل منبر
اذا تربّو عا ايدين القوايا
و بّيْ الكل عالمنبر بوشادي



ألشاعر سليمان طراد
يا بو شادي بدون معلميي
لا تخرب منبرك بالآدميي
انا رح انشلك لو كنت محرج
ودشّر كل احراجك عليي

انجبرت بمازن وما لقيت مخرج
الا تحضنو بروح النقيي
وتركتو يدخل الجوقه ويخرج
كأنو ابن ابنك بالهويي

وبعد ما بمعهدك حلّق تخرّج
وطار وصارت جناحو قويي
ريّش من حلا جناحك وبرّج
وقبض حالو بجو الشاعريه

وسالم كتر ما طيّب تفرّج
على العوبه الحظ البهيي
احترم حالو وعمل حالو وتدّرج
تا صار مهم عندو جازبيي

وطبيعي ضل عمرو ما تبرّج
وضلت سمعتو بيضا ونقيي
وخزن ابداع ألهامو وشرّج
تا صار على المنابر روح حيي

واذا بحر الزجل عا الصار عرّج
مش معناتها في سوء نيي
لأنو البحر للشعار مدرج
ما فيهن يطلعو فوق المنابر
اذا ما بوّسوا راسو و يديي