هيثم حمدان وسليمان طراد

ألشاعر سليمان طراد
هيثم قبل ما فل..حاجي تدعي
بعمرك معي ما قدرت تلوي اصبعي
معقول مع غيري بتاكل لقمتك
لكن خبز مبلول ما بتاكل معي

الشاعر هيثم حمدان
يا بو خبز مبلول خبزك ما نصرف
مبلول انت وما حدا فيك عترف
لي بيقصدوك بياكلو اللقمة حرام
لي بيقصدوني بياكلو اللقمة بشرف

ألشاعر سليمان طراد
يا مفلّس وجايي عا بحرالمكرمات
تشحد من كفوفي الكريمه.. المكر..مات
ساعه بشوفك مايع ومتل الفتاة
وساعه متل شحّاد عم تشحد فتات
تأكد يا هيثم ما حدا تجرّئ و فات
عا موج شعري غير ما صابو الوفاة
انتي بتشحد خبز ما عندك حيا
لكن أنا بعطيك خبزي للحياة

لشاعر هيثم حمدان
سليمان يا معتاد تحكي بالقفا
لسانك طويل بطول مشوار الحفا
شحدتلك رغيفي تا نسيك الهفا
شحدتلك الاحساس قلتلي كفا
شحدتلك القنديل عا وجك طفا
شحدتلك الاخلاق ما بين عليك
شو بعد بعمل فيك بشحدلك وفا؟

2
ألشاعر سليمان طراد
شو ها الجواب..وليش شعرك ما غلي
عا قد ما دمي عا تعتيرك غلي
شحاد صاير ..عم تهين العائله
ونسيت بيت قصايدي قلعه إلي
اشحد مجد بالبسمله والمجدله
وبيع الوفا تا نقول عنك مجدلي
اشحد على الطرقات تا نشهد على
سارق فكر شحاد عمك بو علي
ههههههههههههههههههههه

الشاعر هيثم حمدان

يا بوعلي لي ميلتك عا ميلتي
بميزانك الإلهام رجح ميلتي
ويا فكار شعري خيول مجدي فيلتي
تتكحل سليمان غبرة خيلتي
الليلة عا قطع الروس شطط ريلتي
ولح شلك الراس السميك بشيلتي
وبعيلتي نفكرت تنزع ليلتي
بحط الطراد مشنقين بسيلتي
وبشوف شو بتسوى مصاري عيلتك
وبدفع من السيلة الصغيرة بعيلتي

ألشاعر سليمان طراد
فوق الحواجب بعد ما نشوف العيون
بنقشع بخيل بها الدني بيدفع ديون
بتقول قادر ؟ تقصف.. وتهدم ...حصون!!
من أيمتى البلان في عندو غصون
بالحلم شاعر منبري ممكن تكون
لما النسا بترتاح من نتف الجفون
وحقّك ما فيك تحصّلو من عيلتك
تا تصير يا هيثم تحصل بنطلون

الشاعر هيثم حمدان

عل بنطلون كتير حكيك مش مفيد
لا انت حمداني ولا طبعك عنيد
محي الكتابة وعل ورق ما تمد ايد
الايد الطويلة بتكسر السطر الفريد
بعدك قزم مش طين اصلك من جليد
لا القصيد بتلبق ولا للنشيد
وعا كتر ما النخلة عا قصرك عالية
بتطلع عليك مبهبطة بدلة رشيد

ألشاعر سليمان طراد
قبل السكر من قبل ما تنضح عرق
لازم بنقطه تكسر غرور العرق
بيت الشعر لوما جمالو ما انسرق
وكرم البيعطي ..بيسرقو مين ما مرق
وعا قصّة التكسير يا هيثم ..فرق
بيناتنا الموضوع ..لازم ينطرق
بين البيكسر خاطر {العم} الكبير
وبين البيكسربس راسو ع الورق
هههههههه

الشاعر هيثم حمدان

غنيت حدي صرت تشعر بالكرم
وصاير عم تولول متل نجوى كرم
وهاك العرق من بعد ما راسك برم
نازل عا خوف لي نزرع فيك وضرم
شعري متل مكي متل اشرف حرم
الكفار متلك من مزاري بتحرم
وعمي وانا قانون عل شعر نصرم
فينا ل بي حب العدل والذوق نغرم
عتدنا نكسر عل هرم راس الكبير
معليش لو بلشت من كعب الهرم
ههههه

ألشاعر سليمان طراد
من بعد ما هيثم بجهلنتو قسط
بحر الزجل عا منبرو السلطه بسط
يا مبيّك وجايي على بيت الوسط
بصف الأمامي ما صرت بعدك وسط
الشاعر اذا مبسوط غير اللي انبسط
تا يمسّح الجوخ وتا يحكي عا الوسط
نجوى كرم تاريخ..من عمك طليع
ليلة وداعك غنّت ومنها انبسط

الشاعر هيثم حمدان

نجوى كرم لما نطفو شمعاتها
غنت لعمي وشعشعو ابياتها
بيوت الزعامة والبكاوي بزاتها
منصغر اذا مندخلك جواتها
البيك الكبير لي رفع راياتها
تيمور قلو للزعامة هاتها
العم الكبير تخلد بكلماتها
هيثم حمل تاريخها وجبهاتها
وصلنا انا وتيمور عا نص الطريق
تيناتنا حملنا الزعامة زاتها

سليمان

يا سانن سنانك ع مملكة الهدى
روّق علينا وحاج تشبح عا المدا
لما طليع تعملق ومجدو ابتدى
كان الورد عطشان بعدوللندى
وحتى ابو تيمور يا هيثم بدى
ل وهله بيخاف تروح اتعابو سدى
يمكن البيك تجرّأ وورت صبي
لكن بو شادي خطي ما ورّت حدا

هيثم حمدان

عمي اذا ولادو الدرب ما كملو
مش مشكلة وهل ذنب مين بيحملو
الله عطاني موهبة من منهلو
وطلعت شاعر والظروف تبدلو
وهاك الولد يلي انت ما بتجهلو
حامل جبل كل الدني ما بتحملو
اكبر من لي تشوربو وتكملو
ومتلو انا وهيك الفروع تاصلو
كوفية المنبر على كتافي الي
كوفية فلسطين عا كتافو الو

اووف اووف
لا تسألوني اليوم بينّتو
أنتو سبب أخفاقنا كنتو
بتتشبهو بالغرب يا مجانين
وأشرف رسالة شعر ما صنتو
يا هيثم الشاعر ما عندو دين
دينو الوفا وعالشعر سلطنتو
وهيثم على المكياج والتلوين
محلا محن كيكي ع ممحنتو
وعمك طليع الشاعر المسكين
حدو بأسم الدين كنكنتو
وأنتي بدل مالطائفية تدين
ذات الوتر عاللحن دوزنتو
بعرف انا من فجر هالتكوين
كل الطوايف مش فقط أنتو
بيبخرو للشاعر من سنين
متل الكأنو الطايفة بنتو
ل عمك وموسى زغيب في محبين
بلبنان وبسدني وبتورنتو
جمعو على أمجادن ملايين
ويا ولاد أنتو مجدهن خنتو
يا جيل بو درسين مالو دين
مش بس ما نجحتو تدجنتو
أصوات حلوي تيابكن حلوين
هنتو المنابر بعد ماانهنتو
يا قومجي.. البتغار ع فلسطين
كلما بيتنطح بولدنتو
من كتر ما دعمت الفدائيين
المرحوم بو عمار لبننتو
مره تلف شمال مره يمين
وأبنك وريث العرش عينتو
انتبه العيون عليك محمرين
حتى المآمن فيك جننتو
من هيك بدكن حرق بالبنزين
بغير المياعة.. بشو. تفننتو
ونحنا متل نساك قنوبين
المشغول بكلمي تمجد رب
مش شغلتو هيثم وجعدنتو
اسحب

الشاعر هيثم حمدان

لانك حارس المرعى وقطيعو
الحارس لازم يداري قطيعو
وعا حفة كاحلي بترجع بتركع
انا الراعي وانت مجبر تطيعو
شتريتك ما عرفت لونك مبرقع
والمبرقع رخيص علا مبيعو
فيك ولا حدا ما كان يقنع
قلت بدفع مصاري مهم بيعو
وعا قول المحن يا ممحون اسمع
اذا اسمك عم تجرب تزيعو
انا ل بي كون عا شكلك مدلع
فشر عا رقبتو يدل بصابيعو
انت بتعرف الشاعر الالمع
طليع حمدان اكبر من شفيعو
وابن خيو بنفس الخوض وزع
عطر عا كل ورداتو وربيعو
فشر تذكر اسامينا بيموقع
ل بدو يسبنا بينسد نيعو
يا سليمان معنا ما بتطلع
الا حروف متلك عم يميعو
انت بتمستواك كتير ارفع
من شريط ل بي بكل عا سريعو
وبتبين اذا وجك تطلع
متل نقشة بي دعساتو لهيثم
ومتل رقمين من دعسة طليعو

» شادي موسى وسليمان طراد نص وكل
» حبيب بو انطون وسليمان طراد ارتجاليات
» عبد والله مارون داغر وسليمان طراد
» سليم شلهوب وسليمان طراد الشهوه
» تأهيل بالشاعر طليع حمدان