المشرف بقسمو ملك

تعديت عالاشراف حقك تعتدي......انت السبب قررت تبقى مفتدي
معليش يا سليمان ما بحمل ملام....شرف عا قسمك روح حتى نبتدي

وينك يا فرخ غراب قافي وانتدي*****وشفق تاحتى نشوف مين المعتدي
ان كنت عن بتقول عن حالك ملك*****محلك خشب مقطوع جوا الموقدي

دعينا البواشق تدخل علا المنتدا..........مين جاب صوص مبلل بنقطة ندا
محلي خشب محروق جوا الموقدة.........منشان اشوي حضرتك وقت الغدا

الغربان طلّو عن مكب تهجرو****و وصلو على الشعار حتّى يفترو
سواعد الجزع المبوشق نشّرو****وعملو مشاحر ناس باعو واشترو
ديوك الّي متلي شاوينك مشحرة****فقؤ عيونك بالقوافي ونقورو

شوفي يا برحليون هالشّب الذكي .....كاتب بيوتو متلّتي للفزلكي
ما بيعرف القانون جوى المنتدا ....قوة الشّاعر منها بصف الحكي

يا اخ حسان تقيد بالقوانين بعرف انك جديد عالمنتديات بس بلشنا ببيتين كفي ببيتين و لا تشقع هيدا الاصول ولوووو

موضوع: أصبت الثلاثاء أبريل 22, 2008 12:10 am

أصبت وأجدت يا شامخ، ونحن بانتظار المزيد

يا شاعر المغرور يا شلح التكي****يا دود سوّس من خضام المعركي
هلّي بيشقع شعر عا رماد الحطب****غير اللي عبّا صطول من بعد البكي

هبة نسيم الموهبة بتحصد رماد.......بتكشح شجر يبّاس من فوق الجماد
عبيّت سطل المعرفة دموع الفرح.........ومخزن حلم فلاح بموسم حصاد

دموع الفرح بالنجاح الشعري طبعا وهيدا بعيدي عن راسك خيي حسان للتوضيح

للتوضيح يا أخ شامخ الهيئة منك عم بتنام طول الليل صاير كابوسك حسّان عكاري
مع احترامي لحضرتك مابتعرف الفلاحة الا بالسمع

شويعر ضليع كتير حب المرجلي****وغيمات حقدو مسودني ما بتنجلي
هلّي بيعلى كتير بدّي ركعو****واقطع وصالو ب مسنّة منجلي

مشكور عالتوضيح و الحكي الذكي........التعصيب بالاشعار شغلي ملبكي
صابك متل جردون كلما مندعسو.........بيزت دمّو بيخضمّ المعركي

نصيحة: انت تحسن سكب الشعر النثري اكثر من الزجلي فاّتقنه

مشكور منّك عالنصيحة يا أمير****الفيها محبة وعاطفة وتقلة ضمير
بو بريص متلك من فزع مرّة هرب****مفكر بشعري ينام نومي عالحرير

اسمي شموخ الارز و طلوع الصباح.......مفروض منك تشكر و تطلب سماح
شعري عطا الاكوان ملا بحورها.............اسمك و شعرك عار يا محلا الاباح

اسمي أنا حسّان معبر للنجاح****كبّس فكارك بالفلا وطق الجماح
عندي قوافل ماشيةصوب السما****تركت وراها ناس متلك للكفاح

انعق يا طفل البوم بمواسم جفا....تحملت لعب ولاد لليوم و كفا
رح صغر العقلات يا طفل الرضيع.......و مشيك يا حسان عالعجرم حفا

باقي معك حسان بالحصن المنيع****نفّذ أوامر سِيد تا تضلّك مطيع
عرفتك ولد جوعان جايي رضّعك****زخم لقوافي تليق بالزّوق الرّفيع

شامخ امير القافية و الفلسفي........و منك يا طفل صغير عارف موقفي
بين القصر و الطول اعلن موقفك.......و مشي على موضوع حاجي صفصفي

الموضوع نقّي يا خزي بنخصها****حدد وعدد والرواية نصّها
عالمبتدي تفلسفت متلك بالزجل****روس الّي متلك جيت حتى رصّها

شدقت بالحكيات و الصوت عتلا.........اكبر شوال ونص نصك ما ملا
تباهيت بالامتار و نسيت المتل.........انو الطويل هبيل راسو بلفلا

لما المارد بالضخامي بتنعتو ****كسم لّي متلك عا مداسو بينحتو
عالارض داست دعستي حلت يباس****شواك الّي متلك ما يعودو ينبّتو

قصري نعم من عند ربي مش قبيح...........بالطول رابض فوق ي ديك الفصيح
بقبل بقصري يكون شوكي مقدسي.......اكليل شوك تكلل براس المسيح

يا شوك فرّخ عا طريق الجلجلة ****واقف عا تلّيعة و محمي بالعلي
مهما تجدّف وبالقداسي تحتمي**** بتضل غفشة تحت موطىء منعلي

قررت انهي جموح مستشعر خطي......بهجيو لشامخ بالمعّنى ما عطي
الا القوافي التافهة و فعل الجنون..........متل لتعالب فّذ عالمفرق لطي
رافع لسانو فوق ما تسيئو الظنون........متل لعقارب فّز عا كتافي مطي
عرفنا اتكالو كان عا قلبي الحنون..........لكن بقلو اليوم لم حدّو خطي
ممنوع حاور شب بيخيّب ظنون...........بقلة حياه بيهرب الشعرالحلو
وهوي تحت قندول بالحقلي لطي

و وداعا

مسلّي

قصدت المنابر شوف شي شاعرفظيع****خيّل صهوته شوف ادّيشه مطيع
لقيتك مهر ختيار ما منّك نوى ****ختيار متلك صعب يوصل عالسريع
لقيتك حلم ممروض ما عندك دوا ****وموسم شتي وأحزان بفصل الربيع
شفتك غصن يبّاس من نسمة هوا **** مرمي بمرجة يشفقوا عليك الجميع
كنت بزمان العاصفي عندك قوى ****منهار صاير ركعك طفل الرضيع
شو حل فيك الجهل وين المستوى ****وزخم القوافي الكان للمنبر نَبيع
والصبر نافذ صفحة الماضي طوى****وشحتر عا هلّي كان بالموقع بديع
يا نافذ الاخلاق يا سهل انروى ****تعطش لدم الحقد تا سيطو يزيع
يا فاقد الاحساس يا ديب انزوى****يا كافر الكفّار يا مجرم ضليع
يا حاقد على الجوخ يا ثوب انكوى****يا فاجر الفجّار يا منظر مريع
يا كذب فوق النّار من جمرو انشوى****يا ناشر الأخبار يا غاوي سليع
يا غدر يا غدّاريا بحص استوى ****يا ديب كاسر فاتك بأكل القطيع
يا عاشق المجهول يا نزوة غوى ****تمرّد تنمرد بالتمرّد شو بريع
يا سر فاشي جوهر بقلبه احتوى ****يا ذهن جمّد لافحو بنسمة الصقيع
هربان يمكن كاحل الفكر التوى ****حظّك قليل كتير مِن صدّك منيع
كمّل طريقك شق بنودّع سوا *****اعلم وأعلم بالحبر كل القوى
وخلّي الخبر عا منبر الندوي يشيع