عيد العمّال

موضوع: عيد العمّال الخميس مايو 01, 2008 1:26 pm

يا عيد اللي أجى يطعمي ولادو***ألك من منتدانا واعتقادو
هديّة صادقة و ومجلس أدارة***حفظ للعامل جميلة جهادو
وانا يا عيد مؤمن عن جدارة***بدورك بالوطن انتي عمادو
لأنو الماعطا بلادو خسارة***وجريمي شخص ما يخدم بلادو

بيعيدك كرجة الدمعة السخيّي***وخدودي تحمموا لقلبي استجابوا
لأنو تزكّرت ها العيد بيي***وحنيني شدّني اغمر ترابو
انا ما نسيت أفضالو عليي***ولا اللي عاملو برحلة عذابو
وب عيدو اليوم جايبلو هديّة***قصيدة حب تا تخلّد غيابو

وانا من منتدى الكلمة االزكيي***لأشرف عامل بقدّم هديّة
هديّة شاعر بعيد المعاني***قصيدة مطعّمي بروحو الغنيي

ولأني مسافر وعندي حصاني***قصدت اليوم أحكي بها القضيي
يا عامل ثور لا تحمل أهاني***وحقوقك ردّها ومنّها خطيي

ألك عشرين عام وعم تعاني***ومزلّة حامل هموم البقيي
الحقيقة سماع منّي وعن لساني***السكت عا الظلم ها شيطان أخرس
وجريمة بالوطن يحمل هويّي

كل عيد وانتوا بخير وينعاد عا الجميع

توقيع

ايّاك تضوي للحياة شموع ***ما العمر شمعة وهيـك ترتيبـو
خبز القصيدة بتاكلو تا تجوع***وخبز الدني بتجوع تا تجيبو

موضوع: رد: عيد العمّال الخميس مايو 01, 2008 2:04 pm

طيب يا طيب الله يخليك يا سلمون شو هالقصيدة الرائعة

شامخمعمحبتي

مشرف عدد الرسائل : 519 تاريخ التسجيل : 15/03/2008

بعد نيسان ما ودّع أذارو = اجا أيار واستقبل قمارو
ووصل عطر الربيع زرار حامل = الطبيعة يزيّن وتفتح زرارو

وأزهارو حمل والجرح دامل = ومن رب العمل أحلى زهارو
بعكس اللي أجيرو نهار هامل = ويوم العيد مابيحسب نهارو

وانا بنوع العمل مابحب جامل = المزارع والمدير تنين صاروا
الفكر بيأمر قلام بأنامل = المهندس ع الرسم يبني عمارو

العامل بالعطى إنسان كامل = بيسقي بيحرث بيزرع بذارو
بيركش يفلح كرومو بيعامل = خير الأرض تاناكل ثمارو

ورغم كبر الغلا بعرف أرامل = زوجن غاب ومدشر زغارو
مع العمال ساروا بعطف شامل = وعلى ذات الدرب بالجهد ساروا

وانا بهالعيد ياعمال آمل = حقوق العامل نحقق مسارو
ولحتى يريحو يبقوا العامل = قبل ما من العرق ينشف ع جسمو
حقو الناس تدفعلو أجارو

=================
كل عام وانتم بألف خير وصحة جيدة
:7arf:

موضوع: رد: عيد العمّال الخميس مايو 01, 2008 4:28 pm

حلو يا شباب يعطيكن العافية و انا بدوري بقول...

عامل من بلادي متل لحن النشيد----ما أجملو في هيك عيد و كل عيد

بينزل على الحقل بقميص مخزّقة----بيزرع بيجني بيحمل غمار الحصيد

بيحمل على المسمار مطرقتو بثقة-----بيضرب بإيد بيكسر عناد الحديد

من هيك أشرف إيد فيها مطرقة-----إلا بوسط بيروت جوّا البرلمان

أشرف تضلّ المطرقة من دون إيد