للمنتدى من حرف

مشرف عدد الرسائل : 519 تاريخ التسجيل : 15/03/2008

ع المنتدى فتت وبلا تكليف
وصار الحرف للحرف ... يندهلو

هالمنتدى معمول للتثقيف
تايخلّص الإنسان من جهلو

ومازال بعرف صاحبو حرّيف
بيتقن قوافي الشعر ع مهلو

جايي حرف يآكل حرف الرغيف
ويطعم قلب الرغيف لــَ أهلو

============
Sleep

7arf

بتاكل حروف...؟ بحبها طميّع
ويا حرف جفتك شيل رح طقّك
حقي معك اغنيك بمواضيع
وان كنت زلمي طالب بحقك
ههههههههههههههههه يا هلا

مشرف عدد الرسائل : 519 تاريخ التسجيل : 15/03/2008

بهالمنتدى فكرت رح تعطي

وتآخذ متل ماناقصك مني

تاريك بعدك عم بتسطعطي

تا شبعك قتلات من فني

==========

هلا فيك هير الشاش ضمد جروحك

شاشات شعري سيوف وسكاكين
ودمي قصايد نهر وبيوتي
توقّى عا حالك روح يا مسكين
دبشات شعرك حد منحوتي

مشرف عدد الرسائل : 519 تاريخ التسجيل : 15/03/2008

ضمـّد جروحك هيّر الشاشات

دمك الفاسد والحرف مرجع

ولو نعرض الاموات ع الشاشات

إلا محمّل مش رح بترجع

==========

محمول راجع بس عا كتافك
بعد النصر مجبور تحملني
وأجرك كبير كتير ولشافك
بيصير يشكرلي بألطافك
وخايف انا ما يقول آجرني

مشرف عدد الرسائل : 519 تاريخ التسجيل : 15/03/2008

مزبوط واجب يحملوا كتافي

رفيق المعارك من بعد مايموت

ولشافني بعيون منشافي

بيقول آآجر يحمل التابوت

===========

حملني عا نعش القافيي وكفّي
وأن كنت قادر تحمل الدفي
لكن في عندي شغلتين زغار
الأول ما بدي تزعل الشعّار
والتانيي لا تدق ب دفّي
هههههههههههههههههههههههههههههههههههههههه تقيل عليك

مشرف عدد الرسائل : 519 تاريخ التسجيل : 15/03/2008

ثقّل عليي بقول مايهمك

فزعان تاإفجع قلب امك

وساعةّ الفيها منحملك ع القبر

منظطر فيها نشلحك ع الغبر

كلما نشوف الثقل بي دمك

===========
كلما تثقل كلما بعلليك الدوز تاتتعلم
يلا هات تاشوف

قبلي المسيح الحمّلوه ذنوب
رقصو عا قبرو ونفزّو المطلوب
ومن كتر ما في بقلبهم غيري
نسيو بأنو ربنا المصلوب
ياما غفر للخاطيين ذنوب

اغفرله يا ابتاه لأنه لا يدري ماذا يفعل مسامحك ههههه

مشرف عدد الرسائل : 519 تاريخ التسجيل : 15/03/2008

فكرت رح تسحب عليي سلاح
وتنسى تسامح دين منجلو

بالشعر مابيسامحو السفاح
الجايي لخصم المعمعة يذلو

ومع حرف مابيجني حدا الأرباح
إلا النجومو بالسما هلوا

وقلال صاروا بهالدني الصلاّح
لكن بقول الشعر ماقلوا

ومازال بوشربل طلع سمّاح
بحكي بصراحة وواجبي ملو

هوي الوحيد اللي معو برتاح
ومتل مابيطلع معي بقلو
===========
تحياتي الك والى اللقاء بالعركة المقبلة

لوما الصداقة ال يينك وبيني
تا كنت طقّك كم بيت مناح
لكن لأنو شعرك جنيني
وشيطان فكرك زارع التفّاح

او وافي بفنك للشعر ديني
وللقتل عمرك ما رفعت سلاح
خلصّت يا عنقودنا الزيني
وما شفت دمّك بالتحدي ساح

وبعرف يا حرف مرجّح العيني
وتقدير منّي وبعدها بترتاح
لغيري بتقدر تفرك الديني
وتشوف خصمك قد البسيني

وتشهر بوج الّي دعاك سيوف
وعمّار زاتو بيشهد وبيشوف
من كل قلبي بحبك ومعروف
طبعي متل يسوعنا سمّاح

وانتي أكيدي من بني معروف
يا عطر ورد الموهبي اللي فاح
لا تغيب عنّا كتير يا حرّوف
ها المنتدى بيشتاق للصلّاح

تحياتي ولا تطول الغيبي
[/color]