بحبك

موضوع: بحبك الإثنين مايو 05, 2008 7:45 pm

بقلك بحبك
بعشقك
مابستحي
انت هواي
نور عيني
والوحي

بِ عشقك
انا فينوس
عشتار الهوى
يابواب الله
عا غرامي
تفتحي

جيتك
انا بالبال
ومضة برق
ع جبال
نخ الحلم
سرجو انهدم
قللي :
ع ضهري
تفسّحي

ركبت الحلم
متل الوهم
غرّز
بروحي
وشو وشم
حبك
ما ممكن
ينمحي

تقللي :
قبلك انا موسى
وضعت بالتيه
وبعدك
صرت يوسف
ايديّ
بتجرحي

يالله تعي
بيكفي بعاد
لا ترفضي
ولا تمنعي
غلي بقلبي
تمرجحي

وقللك :
أنا وياك
نجمين بسما
ما منلتقي ..
كلمِن
بركن بينتحي

موضوع: رد: بحبك الإثنين مايو 05, 2008 7:49 pm

أول ما شفت المنتدى نوّر
اووجّ الجمال من الحيا تدوّر
عرفتك بقلب المنتدى قبالي
وبتصدقيني كنت متصوّر

ارتجالي انشالله تكوني بعدك بالمنتدى

موضوع: رد: بحبك الثلاثاء مايو 06, 2008 10:27 am

ياريتني متلك ياشاعر

ارتجل أشعار

وارسم بحرف الأبجدية

سرار فوق سرار

بس الحقيقة

بقولها وبعيد

خجلانة كون بحدكن ياكبار

أستاذ سليمان .. أنا متطفلة على الشعر لذلك تحملوني لو أخطأت وصححولي بكون كتير ممنونة

تحيتي ومودتي

موضوع: رد: بحبك الثلاثاء مايو 06, 2008 1:04 pm

شوفي النحل عا الورد متطفّل
وأنتي بمرج العاطفي فوتي
الرسّام باللوحات متكفّل
ولا تفزعي بيوتك حلا وأبداع
وتحفة ب ايد الذوق منحوتي

جميلة دائما يا جوليا

» بحبك بجنون
» بحبك يا لبنااان ياااا وطنيييي