شروقي فخر

موضوع: شروقي فخر الأربعاء مايو 14, 2008 12:41 pm

شاعر خلقت بعصر والشعر ميت فيه = وبقجةّ جراح المعي من المهد مصحوبة

اكتب وإمحي زجل حتى الوجع إمحيه = وتفتتق جروحي بعجل و جديد مقطوبة

ومعتاد خرسن دهر كلما بشعر عاديه = والخمر مني سكر ماكان مشروبي

وكلمات بيغلط معي بكتب إلو تنويه = ويهدى ويرجف فزع ما إفتح حروبي

وضليت جيش الفكر ع القافية مشيه = وبالأرتجالي إلي وقفات مهيوبة

وكسرّت صحن الفضا حتى طبق سويه = وصارت نجومو زجل بالجو مكتوبة

ولليوم بكتب شعر والسر مابخبيه = عيوني بخيط النعس ماتركت مسكوبة

وكلما الليل بيجي ع مخدتو بغفيه = حتى قوافي الغزل شعشع على دروبي

***********************************

موضوع: رد: شروقي فخر الأربعاء مايو 14, 2008 5:39 pm

ملكوت رب الغزل..يا صاحبي ملكوت***يا بحر كلّك وحي...يا مواج مكتوبي
عمّار فيك انسكب..خمر القصيدة بيوت***وسكّر ملاك الهوى...من دموع مسكوبي

يمكن بصفحة غزل...خلّي الشعر منحوت***ودوّب حبيبي شمع..تا يضيع عا دروبي
لكن شروقي صعب..عا صفحتك تا نفوت***وبيت الشروقي الو..اوزان محسوبي

حلو يا عمار وهيك الشروقي اصولو وملاحظة لازم يكون الشروقي واقف بنص البيت وساكن
لا يلفظ مثلا لا نستطيع ان نستعمل كلمة حياة في النص لأنو الساكن هنا يلفظ فينا نقول كلمة حيا
ونتمنى على الشعراء المشاركة

موضوع: رد: شروقي فخر الأربعاء مايو 14, 2008 6:46 pm

سليمان رأيو اقبلو عم ينصح الأخوان = وعمار ساحو ادخلوا بإخوي عم ينادي
البيكون من مشتلو معنا طلع فنان = والعكس رح نزلو لو جرب يعادي

الإيحاء طل وحلو وبصفحتي سليمان = هالكل صاروا إلو بالشعر ردادي
الإبداع ما أجملو ورب الحكا قصدان = ممنون من منهلو وشكرا عل الشهادي

ولنجوم لما انجلوا عنا بسما لبنان = قالوا بصوت الملو من تيمنا الوادي
صهوةّ خيولو اعتلوا ملوك الأنس والجان = واكبر منابر خلوا لو عاد ع بلادي

*************************************
شكرا سلمون

» شروقي
» برقةّ ظهر شروقي - عمار
» شروقي
» شروقي
» شروقي فخر لبنان