أنا والمنتدى

موضوع: أنا والمنتدى الجمعة مايو 23, 2008 10:30 am

الكتابة فن والمنبر هوايي***وخيال مسافر وإلهام جايي
وقصايد قد ما تعتق جميلي***نسجها الذوق بحروف العنايي

تعا يا منتدى مرة..!!!!.احكيلي***وخلقك فّش.....؟قلّي,.؛بدون غايي
في شعّار جبلتهن تقيلي***وفي شعّار بالسمعة مرايي

إجا عمار من مدة طويلي***اخترعني وقلت باقي للنهايي
احترقت وما حدا منكم نعيلي***أنا زعلان منكن يا ضنايي

وبعض شعّار حالتهن هزيلي***وبنظم الشعر فلقولي سمايي
وبوزن مكسّر .....وستن دليلي***؟خلّت واقعي مكسر عصايي

قلت وين الخطيي يا زميلي***تقل الدم كااان من البدايي
إنت يا منتدى الكلمة الأصيلي***ماممكن تنتهي عندك حمايي

أنا قطعت البحور المستحيلي***ودخلت بحورك بحكمة ودرايي
وسكبت دموع شعري وسلسبيلي***وما ووصّل شاعر على مستوايي

إنت حاتم عطا كفوفك فضيلي***عطيت الوقت قيمي بلا دعايي
إنت يا منتدى متل الخميلي***جمعت ورود مملكة المعنى
وتركت قلوب عن تطلب رضايي

جمعت ورود مملكة الارادة*****سهرت كتير تا تنفّذ مبادي
ندوة في لها منافع نفيعة*****وانتي صابر وعندك جلادي
ما تهوى صيت ما بدّك مذيعة***مهما تجمّعو عليك الأعادي
مقطّع رّوس قاطعها قطيعة****وتاج الفكر عالراس الطرادي
تعتب حق عانفوس الوضيعة***الفيها نقص أو فيها زيادة
اضرب ضربت السيف الوجيعة**النهاية خلدت وانت البداية
أنتي قائد الكلمة قيادة

موضوع: رد: أنا والمنتدى السبت يونيو 07, 2008 7:28 pm

يا بو انطونيوس شعرك طهارة***ونجمي قاعدي فوق المغارة
حلّق بالسما لا تضل تزحف***لأنو الشعر ألهام الحضارة

انتي شاعر بأحساس مرهف***الوحي عا مفرقك ناطر أشارة
قبلك زين والزغلول صفصف***قوافي لا معاني ولا حرارة

ثابر عا الشعر لا تروح توقف***واشرب من نبع شعري بغزارة
الحسود الما ألو بالذوق موقف***قليلي ينرشق رجمة حجارة

شعر عمار وسليمان معطف***لشبيبي داخلي عرش الأمارة
الموقع جد بوجودك تشرّف***وقلب المنتدى شرّع بوابو
وتحيي خاصة الأشرف أدارة

حزيران طل وجانح الغربة نوى****سمعت الخبر عن طلتك شمّة هوا
علّو قواص النصر بقدوم الحبيب****يسطع بدر وضّاح ويشد القوى
والصيف وحده في الو عنّا نصيب****نيزك طرادي فوق المجرّة دوا
فرّخ يا شعر لزارعك أصلو خصيب****والابن زرّق بس اسا ما استوا
والفكر صعبة كفر من بعدو يجيب****العقول كلا مخزّني وصافي النوى
بكرا بنحكي بالصراحة عن قريب****انشالله بتوصل بالسلامة عالوطن
المدة قصيرة بس عالي المستوى