منبت الشعار

موضوع: منبت الشعار الأحد يونيو 01, 2008 3:01 am

لبنان مش كلمة. ورقم بحســـاب ... بنك الوحي . مش بنــك للدولار
غيرو بتنبت تربـــــتو أعشــــاب ... ولبنان أرضو منبت الشـــــعــّـار

وكثار غيرو .وعـنـــدهم سرساب ... من الحرب بيخافوا وقوايا كــبار
ورغم الحرب بعــدو وطن خلاب ... تحدى جنون الحرب بالأفكــــــار

وركع الغاصب بالـفـِــــدا وماهاب ... تايضل إسمو مقلع الــــثـــــوار
وكلما انجلى غيم الحرب بسحــاب ... بترجع الريشة تحدث الأوتــــار

وبتعود ع ربوعو ســـوا الغيــــّاب ... وبتعمر الحفلات ليل نـــهـــــار
وبتصير أرضو ع عدد التــــــراب ... بجبالها وسهولها ووديـــــــان

من كل ميلة بتخلق الأزهـــار

============

موضوع: رد: منبت الشعار الأحد يونيو 01, 2008 2:12 pm

لبنان بعدك بالدني فرجي***وبعدو الجمال الفيك ربّاني
محمود فيك تغزّل وجرجي ***بأجمل قصايدشعر وغناني
انتي حديقة الرب بستنجي ***عملك جنينة شعر ملياني
وشلّال اخد عا الحلا طعجي***واجمل صبايا فيك خلقاني
فيك المهندس والمحاربجي***وعا دروبك النسمات هرباني
ومينو البدو بعد يسترجي***يمد ايدو عا ارز لبنان
ومحمي الوطن ب جيش لبناني

رائع يا حرف

مشرف عدد الرسائل : 519 تاريخ التسجيل : 15/03/2008

لبنان الرجع يجمع شتاتو = وينده ع ولادو وين باتوا
يعودوا يرجعوا الموطن تعمر= بفضل الإغتراب ومكرماتو
نحن لبنان ع إسمو منكبر = الشرق والغرب عارف ميزاتو
عن رجالو صدى التاريخ سطّر = ونسائو بيرق الطهر بصفاتو
لها الأسباب كلتنا منسهر = وكل ولادنا ترفـــع ريـــــــــــاتو
قلام منتتحد وسلاح عسكر = مابدنا الغُرب تاتدخل ساحاتو
القصد لبنان تايخلّي مدمر = نسي من الرب محمي بمعجزاتو
رجع بالآخرة بخاطر مكسر = فل وهرولي تارك غاياتو
وياسليمان بدي ع المكبر = مرورك اشكر وشعرك بذاتو
لأنو يازميلي الجيش أكبر = بيحمي أرزنا وباقي أملنا
وحُماة الحرف بيضلو حُماتو
===========
شكرا سلمون