بتتزكري

بتتزكري مطرح الكنا نلتقي .
...بفيي غميقة تحت أرزة عاليي
وتكون صادق بالحياة ومنطقي...
.مفروض قلك شوجرى يا غاليي

بعام المضى أيوب قدي ما احتمل.
حملت الألم لا تزعلي صرلي سنة
بكتب قصايد عن أمل عمري وجمل..
.لما لقيتا ضييقة فيي الدني
يمكن تقولي كنت أودع من حمل
شو غييرك لا تسأليني شو بني
فيك يا سمرابعد ما ضاع الأمل
عندي أمل والناس ما بتهمني


بتزكرك جرحات ما ألها دوا.
وجروح فيي زغييرة وعم تكبري
وأيدي عا أيدك شدها برعشة هوى.
وتجربي تا تفلتي وما تقدري
بتزكرك شلال دافي بالهوا..
..ويا هل ترى متلي أنا بتتزكري
قديش كنا نلتقي ونمشي سوا .
عندك مجال تجاوبيني فكري


بتزكرك فستان أخضر لابسي .
بين المروج يموج نسمة تفلفشو
بتزكرك حدي عا بنك المدرسي
وأستاذ يصرخ ما بقا تتوشوشو
والمدرسة صارت حنين وهودسي..
ونبقا الحكي بقلب السكوت نعيشو
نكتب حكايي لبعضنابالفارسي....
.واللي نكتب بعد القرايي نمحشو
.................................................. ......................
وبالسر كنا نلتقي وشو تفزعي..
...من وهم مارق سارق الفرحة وحزين
بين الشجركنتي بحضني توقعي..
..ويغفا القمرونضل نحنا واعيين
وتوعي عا حالك تقشعي حالك معي.
وقلك أناكلمات بقيو خالدين
العمر سكرة والغرام بلا وعي
....خمرة عتيقة طييبي للعاشقين
ضلي معي لا تشغلي بالك تعي
نكمل السكرة ها الدني كرمال مين
عيشي حياتك بالحياة تمتعي
....مشوار جينايا حياتي ورايحين
.................................................. ...........
واليوم شولي صارتا تركتي الديار.
....غير الحقيقةما بقا عندك خيار
بدك تضلي مهاجرة.؟شو بيمنعك.
...كنا نصب دموع لم كنا زغار
بقلك أنابقدر ببوسي..؟رجعك.
..لكن ما بدي حط فوق النار نار
قلبك حنون وفكرك اللي مفزعك.
..وبين العقل والقلب صعب الأختيار
عقلك بيقلك قلبك اللي موقعك.
..واللي وقع بالحب عمرو ما احتار
جايي خصوصي أحسم الموقف معك.
...يا بتقنعيني بموقفك يا بقنعك
ما بحب بنت يكون ما عندا قرار