خربشات ..من دفتر الغزليات

رْموشِك...يا سمرا بعدها بالبال..

رمش و رمش..عالعين يتمرّا

و كلما الغرّة... تْحكهّم مرّة..

بتحكي الكمنجا..بيصدح الموّال

و بالعكس بيحكّو بعض كرمال...

تردّ الربابة ال من فرد غرّة..

يا "كاتيا" دخل العطاكي عينتيْن----تْجنّو على الشاعر بنظرة مجيّشة

من وين بقدر جيب متلن ليلتيْن؟!----و بمرّ بالعتمة ضرير البقبشة

و محْلا كفوفِك متل صَدْفة بطبقتين----كلما غرفتيهم بميّي منعشة..

بيصير درّ البحر بدّو حْمولتين----تا يشتري من البير صَدْفة فايشة.

مشرف عدد الرسائل : 519 تاريخ التسجيل : 15/03/2008

الله ... ع هالشعر يابرهـــــوم = الهـيـّـج شعور العاشق المحـروم
ومشكور كل الشكر ع الأشعار = وذكرى في إلها بمنتدى المرحوم

كنا سوية بمنتدى عـمـّـــــــــار = مروج الزجل ع زهورها منحـوم
نحلة عبكرة تسابق الأزهـــــار = ونحلة عشية راجــــعة من كـروم

تاجنت الشبكة مـــــــع الأقـدار = والمنتدى راح وحجب النجـــــوم
وعدنا التقينا بشاعرية كــــــبار = عن شعرها مافي سمع مفطــــوم

ورجعوا غزلنا يكتبوا الشعـــار = ومجرم غزل معهم انت متـهــوم
حتى اذا شعرك قرا الختـــــيار = بيحس حالو لعز عمرو عـــــــاد
وراجع ابن عشرين أو مغروم
==========================
شكرا كتير برهوم شو هالخربشة الرائعة !!!

شكرا كتير خيي...كلّك ذوق