عمار كتبلي

موضوع: عمار كتبلي الثلاثاء يوليو 01, 2008 6:29 pm

كنت غايب شي يومين تفاجأت عا الماسينجير بعمار ورديت عليه ههههههههه

عمار
سليمان بتعرف عمار = اشعارو ممشي سربة
بصدق بيشعر بالأشعار = مابينو وبينك قربة
======================
عرفت المهجر دربو وعر = ومش سهلة تعبي القجة
اصحك تتحجج بالسعر = وتعمل اطباعك فجة
ياداير ع حل الشعر = خبي وجك من وجي
لو بهجيك بقول الشعر = بفضح امرك بالغربة
====================
سليمان

عمار دماغي مشغول***وعندي شغلي قاتلني
وشعري بالغربي محلول***وما في ست بتقبلني
ان كنت على كلامك مسؤول***وجايي حتى تقاتلني
بخليك تصرّخ وتقول***دخلك ما تشك الحربي

موضوع: رد: عمار كتبلي الخميس يوليو 03, 2008 2:36 pm

كتبتلك تقشع عيـنــــــيك = الكلمة الحلوة من جوابــي
مش خايف منك لبـــــيك = بس الأخرني حســـــــابي
قبضت وهلق جايـي ليك = حطك خــــــــــلف البوابة
صدقني من خوفي عليك = عن شعري وعنك مسؤول
تاترجع تسلك دربي

************************
كتبتلك وخلص حساب الانترنت ونطرت معاشي تاوصل
بس وحياتك جاي ليك ( هدّي عليي )
lol!

موضوع: رد: عمار كتبلي الخميس يوليو 03, 2008 8:02 pm

كنت مبارح ردي نسيت***وردّك منّي متوقّع
غايب ساعة وهلّق جيت***وبيتك شفتو بالموقع
حاجي تنق وعندك صيت***الشاي بتشرب ومسقّع
قطعوا خط الأنترنيت***وبخلك زايد يا عمار
ومش عم تطلع عن ضربي

حرااااااام عمار كريم بالشعر مقبول يا عدوي الحميم مو هيك

موضوع: رد: عمار كتبلي الجمعة يوليو 04, 2008 10:39 am

حاجي متل دجاجـة تــــــــــــــــــعــــن = وتتهـمني محــضر حالي
تخبى مع صيصــــــــــــــان الــــــقــن = من ديـكي ومـــن موالي
بتكارم عالعندو فــــــــــــــــــــــــــــــن = وببخل عــــــالمتلك بالي
استرجي فـتاح ال إم إس ان. msn = وبيني وبينك حـط شهود
وتلقـّى دروسي الصعبة

************
لما تجي على طول خبرني ياحاتم الطائي ههههههههههههههه

موضوع: رد: عمار كتبلي الجمعة يوليو 04, 2008 10:48 am

فتحتو وما شفتك طليت***وينك متخبّى قلّي
يمكن بالقبوي بالبيت***عم تحسب جمع الغلي
طلوع قبالي كتبلي بيت***بيكفي جيابك لا تملي
مرّة بعتك تنكة زيت***ومش عم تدفع يا عمار
وبعدا جيابك مضطربي

خخخخخخخخخخخ

موضوع: رد: عمار كتبلي الجمعة يوليو 04, 2008 10:55 am

لابالشعر بتملي العــــين = ولا حتى انحدي غنيت
ولابميزاني مرجح عين = ياريت بتسـكت ياريت
طلعت قبالك وينك وين = مخبى يابـــــياع الزيت
لا بالنقدة ولا بالديـــــن = المن زيتاتك بدو يذوق
بيطلب عالفور الشربة

***********

موضوع: رد: عمار كتبلي الجمعة يوليو 04, 2008 11:00 am

بايع زيتي للأصحاب***وبعمري ما قبضت فلوس
وبيني وبينك ما في حساب***يا حالق دقنك بالموس
اسمالله عندك انتي جياب***البيفوت عليها محبوس
مأبد ما بيطلع من باب***الجيبلي المقطّبها منيح
ومش تارك فيها خربي ههههههههه

موضوع: رد: عمار كتبلي الجمعة يوليو 04, 2008 1:15 pm

بتلهيني اكتب قصدان = وبتبعثـــــلي قــــــــرادي
تاتبين قدي فــــــــنان = وتتعلا عـــــــا امجادي
صدقني ابخل انســان = عرفتــــك برات بلادي
واياك تعادي سجــان = بحبس مأبد رح بتصير
وتشوف الغربة كربة

*************

» مقتطفات فيديو من افتتاح عمار بحفلة ضهر الاحمر 2008
» لاقيني يا حسن ويا عمار عا الشباب
» ألف مبروك _ عمار البراضعي
» مع الشاعر عمار البراضعي
» برقةّ ظهر شروقي - عمار