خمرة الإلهام

موضوع: خمرة الإلهام السبت أغسطس 16, 2008 1:17 pm

يا منتدى ل شفتك جزيرة وهج = بتلهب ضواحي الخوف أقطابك

بشعر ل خضارو عم يفوّح نهج = وعطور مجد بغاية ترابك

فيك القوافي نجوم للإلفه = بتسهر مع الأوزان ع الكاسات

ومع خمرة الإلهام منشلفه = بإيد النزف عم تقطر الآيات

رحلاتك ببرحليون هـ الحرّه = جرح الفدا ولعان فيها كتير

وبرغم ظروف لبنانك ال مرّه = طاهر ضميرو مناضل التحرير

يا منتدانا يا دفا الإحساس = يا تاج عفّة شاعريّتنا

عطفك جمع سحر الوفا بالناس = ت يكلل الإخلاص كلمتنا

* * *

ي جنينة الأخلاق يا طيب الهدى = ي عواصف الإبداع عا أبعد مدى

وغلّة نوايا صادقه وأعظم شعور = ونغمة كنار بصرح أحلامو شدى

موضوع: رد: خمرة الإلهام الأحد أغسطس 17, 2008 8:17 pm

لقد اسكرتنا يا علي بأبياتك الرائعة، وكأنها جبرانيات تقول: " الخمر للوحي لا للسكر ينعصر"

ضلّي اعصري يا خمرة الألهام
وجيبي الوحي بكاسات تا نسكر
نبع القصيدي من السما تفجّر
وغيم القوافي نازلي حمّام
قرّب تحمّم يا شعر كوسر
وجيب المناشف نشّف الجوهر
تا تصير أحلامن الحلا الأيام
ويدوب بحر العمر بالسكّر

ليلى ي بسمه بخد زنبقنا

عطرك بقلبي والوفا بعلّق

قبلك الكلمه جروح تحرقنا

وبطلّتك أفراح بتحلّق