ضلي انطريني

موضوع: ضلي انطريني الأحد أغسطس 31, 2008 8:38 am

ضلّي انطريني بساحة المختار----مطرح ما أوقف كنت.. يوميّة

و إيام... رحلتنا على عكّار----إيام... رحلتنا جنوبيّة

و انده إلك..وصّل "الأتوكار"----عجلي تا نلحق مقعد سويّة

و مشوار يمضي و ينقضي مشوار----غافي عليكي و غافية عليي

و نوعى سوا... و من علبة الزنّار..----تشيلي قلم لخدود جوريّة

و ميلة عا خدّي ترسمي تذكار----و تذكار عا ميلة.. الخجل فيي

ضلّي انطريني بكرم "بو قصّار"----مطرح ما شوفِك كنت ليلية

نكمش الليل... نقطّعو أسرار----و نطوف بين بلاد مخفيّة

و كلما تحسّي نعْوَسو الأبصار----تميلي عليي و تتكي شوية

و الخد يلدع كنزتي بالنار----و بشعر أصفى من النعومية...

غطّس كفوفي غطسة البحّار----و أغرف عصير السحر..عا ديّي

و نخّي و أرشف نعمة الجبّار----مش حق..وحدا تدوق عينيّي

ضلي اذكريني... بليلة الإعصار----كلما على سرير الطفوليّة

تهزّي الغطا... و يشوّب المسمار----و يدوب عا رخامات مغليّة

و كلما ببالي ... يحضرو الأشعار----و إسرج لها شردات شعرية

بفتّش بالخزانة ...بقلب جرّار..----عالمحبرة اللي منِك هديّة

و عا ليل حبري بصب خمس قمار----و بسكب شِهب و نجوم فضيّة

و بغط ريشة... بليلة الأقدار----تا تِلمحِك و تصيح..."هاي هِيي"

ضلّي انطريني و اطلعي بنوّار----بالليل عا الشرفة الشمالية

و بيتك يصير بوجهة الأنظار----و إنتي على إيدو الحديدية..

متل السرق مرّة و إجاه نهار----عم تفضحو كفّو الحرامية

بلكي بوقتا بيقنعو الحضّار----مين السرق من مين حورية

و محقوق يتجازى مع الثوار----و انتي يا حقّي توصلي ليّي

إبراهيم ياسين 31\8\2008

موضوع: رد: ضلي انطريني الأحد أغسطس 31, 2008 10:05 am

Ibrahim كتب:: ضلّي انطريني بساحة المختار----

و كلما تحسّي نعْوَسو الأبصار----تميلي عليي و تتكي شوية

و الخد يلدع كنزتي بالنار----و بشعر أصفى من النعومية...

إبراهيم ياسين 31\8\2008

حلووووووووووووو يا عيني عا الشعر وبالحقيقة اكتر من رائعة

عظيمه كتير

يا عيني خيي ابراهيم