رسمتي خيالك

فرشتي ربيعك عَالدني ألوان *** شلحتي قميصك عَ شهر نيسان

رسمتي خيالك بليّل أحلامك *** عزفتي الهوى من أجمل الألحان

لبستي الورد شو لايق عَ هامك*** مطرز بالعطر عَ داير الفستان

وشَعرك اللي مثل شلال قدامك *** بحر أسود بموجتو غرقان

ضحكتي الفجر شقشقلك كمامك ** موسيقى نغم من ريشة الفنان

تحَممّ بالندي عَ عتبة مقامك*** بللّ جبينوا وبالعطر غرقان

غفيتي القمر طرزلك حرامك *** بكيتي الكحل نشفلك الأجفان

» ان غبت خيالك بيحضر